କିନ୍ସାସା,୪।୩: ଆଫ୍ରିକୀୟ ଦେଶ କାଙ୍ଗୋରେ ଏକ ଏକ ନିଆରା ଘଟଣା ଘଟିଛି। ଏଠାରେ ତିନି ଭଉଣୀ ଜଣେ ବରକୁ ସହିତ ବିବାହ କରିଛନ୍ତି। ତିନି ଭଉଣୀଙ୍କୁ ବିବାହ କରିଥିବା ବ୍ୟକ୍ତିଙ୍କ ନାମ ଲୁୱିଜୋ। ତାଙ୍କର ବୟସ ୩୨ ବର୍ଷ। ଲୁଭିଜୋ ନତାଶା, ନାଟାଲୀ ଏବଂ ନାଡେଜ ନାମକ ତିନିଜଣ ପ୍ରକୃତ ଭଉଣୀଙ୍କୁ ବିବାହ କରିଥିଲେ। ଲୁଭିଜୋ ପ୍ରଥମେ ସୋସିଆଲ ମିଡିଆ ମାଧ୍ୟମରେ ନାଟାଲୀଙ୍କୁ ଭେଟିଥିଲେ ଏବଂ ପରେ ତାଙ୍କର ଅନ୍ୟ ଦୁଇ ଭଉଣୀଙ୍କ ସହ ମଧ୍ୟ ସମ୍ପର୍କ ସ୍ଥାପନ କରିଥିଲେ।
ଲୁଭିଜୋ କହିଛନ୍ତି, ଯେମିତି ଲାଗୁଛି ମୁଁ କୌଣସି ସ୍ବପ୍ନ ଦେଖୁଛି। ଏହି ବିବାହରେ ପରିବାର ଲୋକେ ରାଜି ନ ଥିଲେ। ମୁଁ ଏପରି କାହିଁକି କଲି ମୋ ମାତାପିତା ବୁଝିପାରି ନ ଥିଲେ। ତେଣୁ ସେମାନେ ବିବାହ କାର୍ଯ୍ୟକ୍ରମକୁ ମଧ୍ୟ ଆସିଲେ ନାହିଁ। ମୁଁ କିନ୍ତୁ ୩ ଜଣଙ୍କୁ ବିବାହ କରି ଖୁସି ଅଛି ଏବଂ ସ୍ତ୍ରୀମାନେ ବି ଖୁସି ଅଛନ୍ତି। ଏଥିସହିତ ନତାଶା, ନାଟାଲୀ ଏବଂ ନାଡେଜ କହିଛନ୍ତି, ଲୁଭିଜୋ ଆମ ୩ ଜଣଙ୍କ ପ୍ରେମରେ ପଡିବା ପରେ ଆମେ ତାଙ୍କ ବିବାହ ପ୍ରସ୍ତାବ ଦେଇଥିଲୁ। ପ୍ରଥମେ ସେ ଚମକି ପଡିଥିଲେ। ପରେ ଯେହେତୁ ସେ ୩ ଜଣଙ୍କ ପ୍ରେମ କରୁଥିଲେ, ସେ ବିବାହ ପାଇଁ ରାଜି ହୋଇଥିଲେ।
