ପରିଚାଳନାରେ ବ୍ୟତିକ୍ରମ, ମଧୁର ଜଳ ନଷ୍ଟ

ପାରାଦୀପ, ୩ା୩(ସ୍ବ.ପ୍ର.): ଜଗତ୍‌ସିଂହପୁର ଜିଲା ପାରାଦୀପର ମୂଷାଡିଆଠାରେ ଥିବା ଆର୍ସେଲର ମିତ୍ତଲ ନିପ୍ପନ ଷ୍ଟିଲ୍‌ (ଏଏମ୍‌ଏନ୍‌ଏସ୍‌) କମ୍ପାନୀ ଉପରେ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ କେତେକ କଠୋର କଟକଣା ଜାରି କରିଛି। ମୁଖ୍ୟତଃ ପାଣି ପରିଚାଳନାରେ ବ୍ୟତିକ୍ରମ ଯୋଗୁ ମଧୁର ଜଳ ନଷ୍ଟ ହେଉଛି ବୋଲି ଉଲ୍ଲେଖ କରାଯାଇଛି। ଉକ୍ତ କମ୍ପାନୀ ବାର୍ଷିକ ୧୨ ମିଲିୟନ ଟନ୍‌ (ଏମ୍‌ଟିପିଏ) ଉତ୍ପାଦନ ପାଇଁ ଆବେଦନ କରିଥିଲେ ହେଁ ୮.୦୭ ଏମ୍‌ଟିପିଏ ପାଇଁ ସ୍ବୀକୃତି ମିଳିଛି। ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ଚିଠି (ନଂ.୧୩୨୬୭) ଅନୁସାରେ, ଏହି ସ୍ବୀକୃତି ୨୦୨୨ ମାର୍ଚ୍ଚ ୩୧ ପର୍ଯ୍ୟନ୍ତ ମିଳିଛି। ଏଥିରେ ଦର୍ଶାଯାଇଛି, ୱାଟର ପ୍ରିଭେନ୍‌ସନ ଆଣ୍ଡ କଣ୍ଟ୍ରୋଲ ପଲ୍ୟୁସନ ଆଇନ ୧୯୭୪ ଧାରା ୨୫ ଓ ୨୬ ଏବଂ ବାୟୁ ପ୍ରଦୂଷଣ ଆଇନ ୧୯୮୧ ଧାରା ୨୧ ଅନୁଯାୟୀ ଏହି ପଦକ୍ଷେପ ନିଆଯାଇଛି। ଏଏମ୍‌ଏନ୍‌ଏସ୍‌ର ଦୁଇଟି ଯାକ ପେଲେଟ ପ୍ଲାଣ୍ଟରୁ ଦିନକୁ ୨୯ ହଜାର ଟନ୍‌ ମଧ୍ୟରେ ଉତ୍ପାଦନ କରିପାରିବେ।

ଏପରି କଟକଣା ସମ୍ପର୍କରେ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ଆଞ୍ଚଳିକ ଅଧିକାରୀ ଦିଲୀପ କୁମାର ଦାଶ କୁହନ୍ତି, ଏଏମ୍‌ଏନ୍‌ଏସ୍‌ (ପୂର୍ବରୁ ଏସାର ଷ୍ଟିଲ୍‌ ଥିଲା) କମ୍ପାନୀ ଲୁହା ପଥର ପଣ୍ୟ ଆଣିବାକୁ ପାଇପ୍‌ ଲାଇନ୍‌ ବ୍ୟବହାର କରେ। ଲୁହାପଥର ଗୁଣ୍ଡକୁ ପାଣିରେ ଭର୍ତ୍ତି କରି ପାଇପ୍‌ ଲାଇନ୍‌ ଯୋଗେ ପାରାଦୀପ କାରଖାନା ପର୍ଯ୍ୟନ୍ତ ଆସିଥାଏ। ଏଥିପାଇଁ କମ୍ପାନୀ ବୈତରଣୀ ନଦୀରୁ ଘଣ୍ଟାକୁ ୭୫୦ କ୍ୟୁ. ମିଟର (ଘନ ମିଟର) ମଧୁର ଜଳ ଆଣିଥାଏ। କାରଖାନାରେ ପହଞ୍ଚତ୍ବା ପରେ ଲୁହାପଥର ପାଣି ଗୋଟିଏ ସ୍ଥାନରେ ରଖାଯାଏ। ସେହି ଲୁହାପଥର ମିଶା ପାଣି କିଛି ସମୟ ସ୍ଥିର ରହିଥାଏ। ପରେ ସେଥିରୁ ପାଣିକୁ ଅଲଗା କରାଯାଇ ଲୁହାପଥରକୁ ବାହାର କରାଯାଏ। ସେହି ପାଣିକୁ ପରିଚାଳନା କରିବା ପାଇଁ ସେଭଳି କୌଣସି ବ୍ୟବସ୍ଥା ଏପର୍ଯ୍ୟନ୍ତ ଏଏମ୍‌ଏନ୍‌ଏସ୍‌ କମ୍ପାନୀ କରିନାହିଁ। ଉକ୍ତ ପାଣିକୁ କ’ଣ କରୁଛ ବୋଲି ବୋର୍ଡ ପକ୍ଷରୁ ରିପୋର୍ଟ ମଗାଯାଇଥିଲା। ସେଥିରେ କମ୍ପାନୀ ଦର୍ଶାଇଛି, ଉକ୍ତ ପାଣିରୁ ୨୫୦ କ୍ୟୁ.ମିଟର ପାୱାର ପ୍ଲାଣ୍ଟରେ ବ୍ୟବହାର କରୁଛି। ୧୦୦ କ୍ୟୁ.ମିଟର ଫୁଲ ଗଛରେ ଦିଆଯାଉଛି। ଅବଶିଷ୍ଟ ୪୦୦ କ୍ୟୁ.ମିଟର ପାଣି ହିସାବ ମିଳୁନାହିଁ। ଏଥିରୁ ସ୍ପଷ୍ଟ ସେହି ପ୍ରଦୂଷିତ ପାଣିକୁ ଲୁକ୍କାୟିତ ଭାବେ ନଦୀ କିମ୍ବା ସମୁଦ୍ରରେ ଛଡାଯାଉଛି। ଯେଉଁଥିପାଇଁ କମ୍ପାନୀକୁ ୮.୦୭ ଏମ୍‌ଟିପିଏ ପାଇଁ ଅଙ୍କୁଶ ଲଗାଯାଇଛି। ସେହି ମଧୁର ପାଣିକୁ ଶୋଧନ କରି କାମରେ ଲଗାଇବା ପାଇଁ ପରାମର୍ଶ ଦିଆଯାଇଛି ବୋଲି ଦାଶ କହିଛନ୍ତି।

ସୂଚନାଯୋଗ୍ୟ, ପାରାଦୀପ ଶିଳ୍ପାଞ୍ଚଳର ଏକମାତ୍ର ଜଳ ଉତ୍ସ ହେଲା ତାଳଦଣ୍ଡା କେନାଲ। ୨୦୧୩ରୁ ତାଳଦଣ୍ଡା କେନାଲ ଖରାଦିନେ ଆବଶ୍ୟକ ପାଣି ଯୋଗାଇ ପାରୁନାହିଁ। ଯାହାଦ୍ୱାରା ଖରାଦିନେ ପାରାଦୀପରେ ଜଳ ସଙ୍କଟ ଲାଗି ରହୁଛି। ଏ ସମ୍ପର୍କରେ ଏଏମ୍‌ଏନ୍‌ଏସ୍‌ କମ୍ପାନୀର ଜନସମ୍ପର୍କ ଅଧିକାରୀ ରବିନାରାୟଣ ପୃଷ୍ଟିଙ୍କୁ ଗତ ୮ ଦିନ ହେଲା ଏହି ଦୁଇଟି ପ୍ରସଙ୍ଗ ଉପରେ ପଚରାଯାଇଥିଲା। ସେ ଉପରିସ୍ଥ ଅଧିକାରୀଙ୍କ ପାଖରୁ ମତାମତ ଆଣିବେ କହି ସମୟ ଗଡାଇ ଚାଲିଛନ୍ତି। ଏପରି କି ଲିଖିତ ଭାବେ ମତାମତ ମାଗିବା ପରେ ମଧ୍ୟ କୌଣସି ପ୍ରତିକ୍ରିୟା ମିଳିନାହିଁ।


Enter your email to get our daily news in your inbox.

All Right Reserved By Dharitri.Com

ଭବାନୀପାଟଣା ନିର୍ବାଚନ ମଣ୍ଡଳୀର ବିଧାୟିକା ପ୍ରାର୍ଥୀନୀ ଲଳିତା ନାଏକଙ୍କ ପଦଯାତ୍ରା

କେସିଙ୍ଗା,୨୭।୪(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଳକର ବାଲସି ଗ୍ରାମ ପଞ୍ଚାୟତରେ ଭବାନୀପାଟଣା ନିର୍ବାଚନ ମଣ୍ଡଳୀର ବିଜେଡି ଦଳର ବିଧାୟିକା ପ୍ରାର୍ଥୀନୀ ଲଳିତା ନାଏକ ଶନିବାର...

‘ଓଡ଼ିଶାରେ କେବଳ ନବୀନ ଇଞ୍ଜିନ ଚାଲିବ’

ନୂଆପଡା,୨୭।୪: ଓଡିଶାରେ ଚାଲିବ କେବଳ ନବୀନ ଇଞ୍ଜିନ । ୨୪ ବର୍ଷ ଧରି ରାଜ୍ୟରେ ନବୀନ ଇଞ୍ଜିନ ଚାଲିଛି, ଆହୁରି ଚାଲିବ। ପଡୋଶୀ ଛତିଶଗଡରେ ଡବଲ...

ଲୁଣା ନଦୀରେ ଗୋଡ଼ ଖସି ଛାତ୍ରୀ ନିଖୋଜ: ଉଦ୍ଧାର କାର୍ଯ୍ୟ ଜାରି

ମହାକାଳପଡ଼ା,୨୭।୪( ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଅଧୀନ ମଙ୍ଗଳପୁର ପଞ୍ଚାୟତ ବନ୍ଧପଡ଼ା ଗ୍ରାମରେ ଏକ ଅଘଟଣ ଘଟିଛି। ଦୁଇ ସାଙ୍ଗ ନିକଟ...

ପୁରୀରେ ବ୍ୟାପିଲା ଝାଡାବାନ୍ତି, ଜଣଙ୍କର ମୃତ୍ୟୁ ହୋଇଥିବା ଅଭିଯୋଗ

ପୁରୀ,୨୭।୪: ପୁରୀରେ ବ୍ୟାପିଲା ଝାଡାବାନ୍ତି। ପୁରୀ ସହରର ବିଭିନ୍ନ ଅଞ୍ଚଳରେ ବ୍ୟାପିଲା ଝାଡାବାନ୍ତି। ବାଲିସାହି, ରେଡକ୍ରସ୍‌ ରୋଡ୍‌ ସହ ବିଭିନ୍ନ ଅଞ୍ଚଳରେ ଏକାଧିକ ଆକ୍ରାନ୍ତ ଚିହ୍ନଟ...

ପ୍ରଶାନ୍ତ ୫୦ ହଜାରରୁ ଅଧିକ ଭୋଟରେ ଜିତିବେ: ଚିରଞ୍ଜୀବ

ଜଗତ୍‌ସିଂହପୁର,୨୭ା୪(ପ୍ରମୋଦ କୁମାର ନାୟକ): ମୁଖ୍ୟମନ୍ତ୍ରୀଙ୍କ ନେତୃତ୍ୱ ଉପରେ ଆସ୍ଥା ପ୍ରକଟ କରି ଚିରଞ୍ଜୀବ ବିଶ୍ୱାଳ ବିନା ସର୍ତ୍ତରେ ବିଜେଡିରେ ମିଶିଛନ୍ତି। ୨୦୧୯ ସାଧାରଣ ନିର୍ବାଚନରେ ଜଗତ୍‌ସିଂହପୁର...

ବଡ଼ଚଣାରେ ଭାବବିହ୍ବଳ ହେଲେ ବର୍ଷା

ଚଣ୍ଡିଖୋଲ/ ଛତିଆ/ ବଡ଼ଚଣା, ୨୭ା୪ (ପ୍ରଦୀପ୍ତ କୁମାର ପୃଷ୍ଟି/ ସୌମ୍ୟରଞ୍ଜନ ସାହୁ/ ଦିଲୀପ କୁମାର ମହାନ୍ତି): ବଡ଼ଚଣା ବିଧାନସଭା ନିର୍ବାଚନମଣ୍ଡଳୀ ପାଇଁ ବିଜେଡି ଅଭିନେତ୍ରୀ ବର୍ଷା...

ଘରୋଇ ଚିକିତ୍ସା କଲେ ଚାକିରିରୁ ବିଦା ହେବେ ଡାକ୍ତର

ବ୍ରହ୍ମପୁର,୨୭।୪(ସୁବାସ ଚନ୍ଦ୍ର ପାଢ଼ୀ): ମହାରାଜା କୃଷ୍ଣଚନ୍ଦ୍ର ଗଜପତି(ଏମକେସିଜି) ମେଡିକାଲର ବିଭିନ୍ନ ବିଭାଗରେ କାର୍ଯ୍ୟରତ ସିନିୟର୍‌ ରେସିଡେଣ୍ଟ(ଏସ୍‌ଆର) ତଥା ଟ୍ୟୁଟରମାନେ ଘରୋଇ ମେଡିକାଲରେ ରୋଗୀ ଚିକିତ୍ସା କରୁଥିବା...

ବିଏସ୍‌କେଓ୍ବାଇକୁ ବିରୋଧ କରୁଛନ୍ତି କେନ୍ଦ୍ରମନ୍ତ୍ରୀ: ପାଣ୍ଡିଆନ୍‌

ଭୁବନେଶ୍ୱର/ ଉମରକୋଟ/ଝରିଗାଁ/ ପାପଡ଼ାହାଣ୍ଡି/ନବରଙ୍ଗପୁର/ ତେନ୍ତୁଳିଖୁଣ୍ଟି, ୨୭ା୪ (ଅନିଲ ଦାସ/ସନ୍ତୋଷ ଶତପଥୀ/କିଶୋର ଚନ୍ଦ୍ର ମଣ୍ଡଳ/ସ୍ବପ୍ନଜିତ ପଟ୍ଟନାୟକ/ସଦାଶିବ ପ୍ରହରାଜ/ଚିଦାନନ୍ଦ ସାହୁ): ବିଜେଡିର ବରିଷ୍ଠ ନେତା କାର୍ତ୍ତିକ ପାଣ୍ଡିଆନ ଶୁକ୍ରବାର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri