ୱାଶିଂଟନ,୨୫ ।୨: ୟୁକ୍ରେନ ଉପରେ ରୁଷିଆର ଆକ୍ରମଣ ମଧ୍ୟରେ ଆମେରିକା ରାଷ୍ଟ୍ରପତି ଜୋ ବାଇଡେନ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଶୁକ୍ରବାର କଥା ହେବେ ବୋଲି ସଙ୍କେତ ଦେଇଛନ୍ତି । ଭୋଟିଏ ପଟେ ବିଶ୍ୱର ପ୍ରଭାବଶାଳୀ ନେତା ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅନ୍ୟପଟେ ବିଶ୍ୱର ଶକ୍ତିଶାଳୀ ଦେଶ ଆମେରିକାର ରାଷ୍ଟ୍ରପତି ଜୋ ବାଇଡେନ । ଏହି ଆଲୋଚନା ଖୁବ୍ ଗୁରୁତ୍ୱପୂର୍ଣ୍ଣ ହେବ ବୋଲି ଅନୁମାନ କରାଯାଉଛି । ଏପଟେ ରୁଷିଆ ବିରୋଧରେ ନାଟୋ ସେନା ପଠାଇବ ନାହିଁ ବୋଲି ସ୍ଥିର ହେବା ପରେ ବାଇଡେନ କହିଛନ୍ତି ମୋଦି ସରକାରଙ୍କ ସହ କଥା ହେବା ପରେ ପରବର୍ତ୍ତି ନିଷ୍ପତ୍ତି ନିଆଯିବ । ତେବେ ଭାରତ ଉପରେ ପ୍ରତିବନ୍ଧକ ଲଗାଇବା କଥା ଆମେରିକା ଚିନ୍ତା କରୁଥିବା ବେଳେ ଏହାର ପରିଣାମ ବିପରିତ ହେବ ବୋଲି କୁହାଯାଉଛି । ଏହାସହ ଭାରତ-ରୁଷିଆ ସମ୍ପର୍କ ବି ଆହୁରି ମଜଭୁତ ହୋଇଯିବ । ସୂଚନାଯୋଗ୍ୟ, ଗୁରୁବାର ବାଇଡେନ କହିଥିଲେ ୟୁକ୍ରେନ ସଙ୍କଟକୁ ନେଇ ସେ ଭାରତ ସହ ବିଚାର ବିମର୍ଷ କରିବେ । ଏହାପୂର୍ବରୁ ଆମେରିକାର ବୈଦେଶିକ ମନ୍ତ୍ରୀ ଆଣ୍ଟୋନି ବ୍ଲିଙ୍କନ ଭାରତର ବୈଦେଶିକ ମନ୍ତ୍ରୀ ଏସ୍ ଜୟଶଙ୍କରଙ୍କ ସହ ୟୁକ୍ରେନ ସଙ୍କଟକୁ ନେଇ ଆଲୋଚନା କରିଥିଲେ ।
ସୂଚନାଯୋଗ୍ୟ, ୟୁକ୍ରେନ ସଙ୍କଟକୁ ନେଇ ଭାରତ-ଆମେରିକାର ଚିନ୍ତାଧାରା ଏକ ନ ହୋଇଥିବା ବେଳେ ଗୋଟିଏ ପଟେ ରୁଷିଆ ସହ ଭାରତର ପରମ୍ପରାଗତ ସମ୍ପର୍କ ବହୁ ପୁରୁଣା । ଏପଟେ ଗତ ପ୍ରାୟ ଦେଢ ଦଶନ୍ଧି ହେବ ଆମେରିକା ସହ ଭାରତର ରଣନୀତି ଖୁବ୍ ଭଲ ରହିଛି । ତେଣୁ ୟୁକ୍ରେନ ସଙ୍କଟକୁ ନେଇ ଆମେରିକା ଯାହା ନିଷ୍ୱତ୍ତି ନେବାକୁ ଯାଉଛି ଏହା ପୂର୍ବରୁ ସେ ଭାରତର ପରାମର୍ଶ ଲୋଡିବା ଶ୍ର୍ରେୟ ଭାବୁଛି ବୋଲି କୁହାଯାଉଛି ।
