ଭୁବନେଶ୍ୱର,୧୮ା୧୨(ବ୍ୟୁରୋ): ବର୍ଷକ ମଧ୍ୟରେ ସାଇବର ଲୁଟେରା ପ୍ରାୟ ୭ କୋଟି ଟଙ୍କା ଲୁଟିଛନ୍ତି। ୬ କୋଟି ୭୯ ଲକ୍ଷ ୮୫ ହଜାର ୩୪୪ ଟଙ୍କା ମଧ୍ୟରୁ ଗୋଲଡେନ୍ ପିରିୟଡ଼ ବ୍ଲକ ହୋଇ ଫେରି ପାରିଛି ୧ କୋଟି ୪୮ ଲକ୍ଷ ୧୧ ହଜାର ୮୭୦ ଟଙ୍କା। ଭୁବନେଶ୍ୱର ସାଇବର ସେଲ୍ରେ ଏନେଇ ମୋଟ୍ ୬୭ଟି ମାମଲା ରୁଜୁ ହୋଇଛି। ୧୩ ଅଭିଯୁକ୍ତ ଗିରଫ ହୋଇଥିବା ଭୁବନେଶ୍ୱର ସାଇବର ହେଲ୍ପ ଡେସ୍କର ବାର୍ଷିକ ରିପୋର୍ଟରେ ପ୍ରକାଶ ପାଇଛି। ଗୃହ ମନ୍ତ୍ରଣାଳୟର ସାଇବର ସେଫ୍କୁ ସମସ୍ତ ଠକେଇ କଲ୍ ନମ୍ବର ପଠାଇଛି ପୋଲିସ। ତେବେ ସାଇବର ଠକେଇ ନେଇ ଟୋଲ୍ ଫ୍ରି ନମ୍ବରକୁ କେବଳ ଭୁବନେଶ୍ୱରରୁ ଆସିଛି ୨୮୭୨ କଲ୍ ।
ଭୁବନେଶ୍ୱର ବାହାରୁ ଆସିଛି ସାଢ଼େ ୩ ହଜାର କଲ୍। ପଞ୍ଜାବ , ରାଜସ୍ଥାନ, ଗୁରୁଗାଓଁ ଏବଂ ବାଙ୍ଗାଲୁରୁ ଅଧିକାଂଶ ଠକେଇ ମାମଲା ଆସିଛି। ଏନେଇ ଗୁଗୁଲ୍ ମ୍ୟାପିଂରୁ କମିଶନରେଟ ପୋଲିସ ସାଇବର ଠକଙ୍କ ଲୋକେଶନ ଟ୍ରାକ୍ କରିଛି। ଭୁବନେଶ୍ୱରରେ ଜମତାରା ଗ୍ୟାଙ୍ଗ ସକ୍ରିୟ ରହିଥିବା ସୂଚନା ଦେଇଛି ପୋଲିସ। any ଡେସ୍କ ଆପ୍ଲିକେଶନ ଡାଉନଲୋଡ୍ କଲେ ଅଧିକ ଠକେଇ ହେଉଥିବା ଜଣାପଡ଼ିଛି । ଏନେଇ କୌଣସି ମେସେଜ ଆସିଲେ ଏହି ଆପ୍ ଡାଉନଲୋଡ୍ ନ କରିବାକୁ ଭୁବନେଶ୍ୱର ଡିସିପି ଅନୁରୋଧ କରିଛନ୍ତି।
