ଦୁବାଇ,୧୮।୧୦: ଆଗାମୀ ଆଇସିସି ଟି-୨୦ ବିଶ୍ୱକପରେ ଭାରତ ଏବଂ ପାକିସ୍ତାନ ମଧ୍ୟରେ ହାଇଭୋଲଟେଜ ମ୍ୟାଚ ପାଇଁ ପ୍ରଶଂସକ ଉତ୍ସାହର ସହିତ ଅପେକ୍ଷା କରିଛନ୍ତି। ଏଥି ସହିତ ଉଭୟ ଦେଶର ଖେଳାଳିମାନେ ପରସ୍ପର ଏହି ମ୍ୟାଚ୍କୁ ନେଇ ପ୍ରତିକ୍ରିୟ ଦେବାରେ ଲାଗିଛନ୍ତି। କିନ୍ତୁ ନିକଟରେ ଉଭୟ ଦେଶର ପୂର୍ବତନ ଖେଳାଳିମାନେ ଥଟ୍ଟା ପରିହାସ କରୁଥିବାର ଦେଖାଯାଇଥିଲା। ଟି -୨୦ ବିଶ୍ୱକପରେ ଟିମ ଇଣ୍ଡିଆ ୨୪ ଅକ୍ଟୋବର ୨୦୨୧ ରେ ଦୁବାଇରେ ପାକିସ୍ତାନ ବିପକ୍ଷରେ ପ୍ରଥମ ମ୍ୟାଚ ଖେଳିବ। ଦୁଇ ଦଳ ମଧ୍ୟରେ ଏହି ମ୍ୟାଚ୍ ରୋମାଞ୍ଚକ ହେବ।
ଭାରତ ଏବଂ ପାକିସ୍ତାନ ମଧ୍ୟରେ ମ୍ୟାଚ ପୂର୍ବରୁ ପୂର୍ବତନ ଭାରତୀୟ କ୍ରିକେଟର୍ ସୁନୀଲ ଗାଭାସ୍କର, କପିଲ ଦେବ, ପୂର୍ବତନ ପାକିସ୍ତାନ କ୍ରିକେଟର୍ ଶୋଏବ ଅଖତର, ଜାହିର ଆବ୍ବାସଙ୍କୁ ଗୋଟିଏ ଛାତ ତଳେ ଦେଖିବାକୁ ମିଳିଥିଲା। ଶୋଏବ ଅଖତର ଏହି କ୍ରିକେଟ କିମ୍ବଦନ୍ତୀ ଗାଭାସ୍କର କାନ୍ଧରେ ମାଲିସ କରୁଥିବା ଦେଖିବାକୁ ମିଳିଥିଲା। ଏହି ସମୟର ଫଟୋ ନିଜ ଟୁଇଟର ଆକାଉଣ୍ଟରେ ଶେୟାର କରିଛନ୍ତି ଅଖତର। ସେ କ୍ୟାପସନରେ ଲେଖିଛନ୍ତି, କ୍ରିକେଟର ମହାମୁକାବିଲା ପାଇଁ ପ୍ରସ୍ତୁତ, ଶ୍ରେଷ୍ଠମାନଙ୍କ ସହିତ ଚିଲିଂ। ଆଇସିସି ଟି -୨୦ ବିଶ୍ୱକପରେ ପାକିସ୍ତାନ ଟିମ ଇଣ୍ଡିଆକୁ କେବେ ପରାସ୍ତ କରିପାରି ନାହିଁ।
