ବିଶିଷ୍ଟ ଶିଳ୍ପପତି ଆନନ୍ଦ ମହିନ୍ଦ୍ରା ସୋସିଆଲ ମିଡିଆରେ ଖୁବ୍ ଆକ୍ଟିଭ ରୁହନ୍ତି। ଯେତେବେଳେ ବି ଟିକେ ସମୟ ପାଆନ୍ତି ସୋସିଆଲ ମିଡିଆରେ ସୁନ୍ଦର ସୁନ୍ଦର ଫଟୋ ଏବଂ ଭିଡିଓ ଶେୟାର କରିଥାନ୍ତି। ଯାହାକି ରୋଚକପୂର୍ଣ୍ଣ ହୋଇଥାଏ। ଏବେ ଆନନ୍ଦ ମହିନ୍ଦ୍ରା ଏକ ଭିଡିଓ ଶେୟାର କରିଛନ୍ତି।
ଭିଡିଓରେ ଦୁଇଟି ବାଘ ଦେଖିବାକୁ ମିଳିଛି। ଯାହା ବହୁତ ଭୟଙ୍କର। ବାଘ ଅନ୍ଧାର ରାତିରେ ରାସ୍ତା ଉପରକୁ ଆସିଗଲେ ସାଧାରଣତଃ ଡର ଲାଗେ। ଲୋକେ ନିଜ ନିଜର ଗାଡ଼ି ରଖି ଠିଆ ହୋଇଯାଆନ୍ତି। ଏପରିକି ରାସ୍ତା ମଧ୍ୟ ଜାମ୍ ହୋଇଯାଏ।
So our XUV isn’t the only big cat on the highway… Magnificent. pic.twitter.com/9A2ayRPXjL
— anand mahindra (@anandmahindra) August 22, 2021
ଆନନ୍ଦ ମହିନ୍ଦ୍ରା ଭିଡିଓ ଶେୟାର କରିବା ପରେ ଏହା ଖୁବ୍ ଭାଇରାଲ ହେଉଛି। ଭିଡିଓରେ ୟୁଜର୍ସମାନେ ନାନା କମେଣ୍ଟ ଦେଉଛନ୍ତି। ଭିଡିଓରେ ଦୁଇଟି ବାଘ ଜଙ୍ଗଲ ଭିତରୁ ବାହାରି ରାସ୍ତା ଉପରକୁ ଆସୁଛନ୍ତି। ଏହା ପରେ ଗୋଟିଏ ବାଘ ରାସ୍ତା ପାର୍ଶ୍ୱରେ ଥିବା ଏକ ବାଇକ୍ ନିକଟକୁ ଯାଉଛି। ପୁଣି ରାସ୍ତା ମଝିରେ ଠିଆ ହୋଇଯାଉଛି। ବାଘ ଯୋଗୁ ଦୁଇ ପାର୍ଶ୍ୱରେ ଗାଡ଼ିଗୁଡ଼ିକ ଅଟକି ରହିଥିବା ଦେଖିବାକୁ ମିଳିଛି। କିଛି ସମୟ ପରେ ବାଘ ଦୁଇଟି ପୁଣି ଜଙ୍ଗଲ ମଧ୍ୟକୁ ଫେରି ଯାଉଛନ୍ତି।
ଭିଡିଓ ଶେୟାର କରି ଆନନ୍ଦ ମହିନ୍ଦ୍ରା କ୍ୟାପଶନ ଲେଖିଛନ୍ତି, ମୋର ଏକ୍ସୟୁଭି ବଡି ନାହିଁ, କାରଣ ରାସ୍ତା ଉପରେ ବାଘ ଠିଆହୋଇଛି। ତାଙ୍କର ଏହି ପୋଷ୍ଟରେ ୟୁଜରମାନେ ବେଶ୍ ମଜାଳିଆ କମେଣ୍ଟ ସବୁ ଦେଉଛନ୍ତି। ଭିଡିଓକୁ ବର୍ତ୍ତମାନ ସୁଦ୍ଧା ୨ ଲକ୍ଷରୁ ଅଧିକ ଲୋକ ଦେଖିସାରିଲେଣି। ୧୨ ହଜାରରୁ ଅଧିକ ଲୋକ ପସନ୍ଦ କରିଛନ୍ତି। ହଜାରେରୁ ଊର୍ଦ୍ଧ୍ୱ ଲୋକ ରିଟୁଇଟ୍ ବି କରିଛନ୍ତି।
