ମୁମ୍ବାଇ,୨୧।୮: ମହାନ ବ୍ୟାଟ୍ସମ୍ୟାନ୍ ସଚିନ ତେନ୍ଦୁଲକର ଭାରତୀୟ ବ୍ୟାଟ୍ସମ୍ୟାନ୍ ରୋହିତ ଶର୍ମାଙ୍କ ପ୍ରଶଂସା କରିଛନ୍ତି। ହିତ ଏବେ ଇଂଲଣ୍ଡ ବିପକ୍ଷରେ ଚାଲିଥିବା ଟେଷ୍ଟ ସିରିଜରେ ଓପନର୍ ଭାବେ ଭଲ ପ୍ରଦର୍ଶନ କରୁଛନ୍ତି। ପାଞ୍ଚ ମ୍ୟାଚ୍ ବିଶିଷ୍ଟ ସିରିଜର ପ୍ରଥମ ଦୁଇଟି ଟେଷ୍ଟରେ ରୋହିତ ୩୬, ୧୨*, ୮୩ ଏବଂ ୨୧ ରନ୍ ସ୍କୋର କରିଥିଲେ। କ୍ରିକେଟର ପିଚ୍ ସହ ଖାପ ଖୁଆଇବାକୁ ଚେଷ୍ଟା କରିବା ତେନ୍ଦୁଲକରଙ୍କୁ ପ୍ରଭାବିତ କରିଛି।
ତେନ୍ଦୁଲକର କହିଛନ୍ତି, ରୋହିତ ବର୍ତ୍ତମାନ ନିଜ କ୍ୟାରିୟରର ସେହି ସୋପାନରେ ପହଞ୍ଚିଛନ୍ତି ଯେଉଁଠାରେ ସେ ନିଜର ନେତୃତ୍ୱ ନେବାର ଶୈଳୀକୁ ଦେଖାଉଛନ୍ତି। ସେ ପରିସ୍ଥିତି ଅନୁଯାୟୀ ବ୍ୟାଟିଂ କରି ନିଜକୁ ଜଣେ ଭଲ ଖେଳାଳି ଭାବେ ପ୍ରମାଣିତ କରୁଛନ୍ତି। ଓପନର୍ ଭାବେ ସେ ଇଂଲଣ୍ଡରେ ପ୍ରଥମ ଟେଷ୍ଟ ସିରିଜ ଖେଳୁଛନ୍ତି। ସେ ପିଚ୍ରେ ନିଜକୁ ଖାପ ଖୁଆଇବାକୁ ସମୟ ନେଇଥିଲେ। ପରେ ସେ ଇଂଲଣ୍ଡର ବୋଲରମାନଙ୍କୁ ଅଡ଼ୁଆରେ ପକାଇଥିଲେ। ତେବେ ରୋହିତଙ୍କ ଯୋଗୁ କେଏଲ୍ ରାହୁଲ ଇଂଲଣ୍ଡରେ ଭଲ ପ୍ରଦର୍ଶନ କରିଛନ୍ତି ବୋଲି ସଚିନ କହିଛନ୍ତି।
