ଚା’ କେବଳ ଏକ ପାନୀୟ ନୁହେଁ, ଏହା ସହିତ ଅନେକ ଲୋକଙ୍କର ଭାବନା ବି ଜଡିତ ଥାଏ। ଚା’ ବିନା ତ ଅନେକଙ୍କର ଦିନ କଟେନା। ସେଇଥିପାଇଁ ତ ଚା’ ଷ୍ଟଲ୍ରେ ପ୍ରତିଦିନ ଦେଖିବାକୁ ମିଳେ ପ୍ରବଳ ଭିଡ। ହେଲେ କଲିକତା, ମୁକୁନ୍ଦପୁରରେ ଏମିତି ଏକ ଟି’ଷ୍ଟଲ ଅଛି, ଯେଉଁଠି କପେ ଚା’ ପିଇଲେ ପକେଟ୍ ଖାଲି ହେଇଯିବ। କାରଣ ଏହି ଷ୍ଟଲ୍ର କପେ ଚା’ର ମୂଲ୍ୟ ୧୦, ୨୦, ୫୦ କି ୧୦୦ଟଙ୍କା ନୁହେଁ। ବରଂ ଏକ କପ୍ ଚା’ର ମୂଲ୍ୟ ୧୦୦୦ ଟଙ୍କା। ଉକ୍ତ ଟି’ ଷ୍ଟଲ୍ର ନାଁ ହେଉଛି ‘ନିର୍ଜସ’ । ଟି’ ଷ୍ଟଲର ମାଲିକ ହେଉଛନ୍ତି ପାର୍ଥ ପ୍ରତିମ ଗାଙ୍ଗୁଲି। ଏହି ଟି’ ଷ୍ଟଲ୍ ଆଦୌ ଚାକଚକ୍ୟଭରା ନୁହେଁ। ବରଂ ପ୍ଲାଷ୍ଟିକ୍ ଚେୟାର୍ ପଡିଥିବା ଏକ ଛୋଟିଆ ଟି’ ଷ୍ଟଲ। ଏଠାରେ ୧୨ଟଙ୍କିଆ ଚା’ରୁ ଆରମ୍ଭ କରି ୧୦୦୦ଟଙ୍କାର ଚା’ ଉପଲବ୍ଧ ହୁଏ। ଏକ ଗଣମାଧ୍ୟମର ରିପୋର୍ଟ ମୁତାବକ ଉକ୍ତ ଟି’ ଷ୍ଟଲରେ ଗ୍ରୀନ ଟି’, ବ୍ଲାକ୍ ଟି’, ଲାଭେଣ୍ଡର ଟି’, ମକାଏବରୀ ଟି’ ୧୦୦ରୁ ଊର୍ଦ୍ଧ୍ୱ ପ୍ରକାରର ଚା’ ମିଳେ। ଆଉ ସବୁଠାରୁ ମହଙ୍ଗା ଚା’ ହେଉଛି ଏକ କପ୍କୁ ୧୦୦୦ଟଙ୍କା। ଏହି ଚା’ର ନାମ ‘ବୋ-ଲେଟି’ ଅଟେ। ଏଥିରେ ବ୍ୟବହୃତ ଚା’ ପତିର ମୂଲ୍ୟ କିଲୋଗ୍ରାମ ପିଛା ୩ ଲକ୍ଷ ଟଙ୍କା। ସେଥିପାଇଁ ଏହି ଚା’ର ଗୋଟିଏ କପ୍ ୧୦୦୦ଟଙ୍କା ରଖାଯାଇଛି।
