ନୟାଗଡ଼ ଅଫିସ,୫।୨: ନୟାଗଡ଼ ସଦର ଥାନା ମାଳିସାହି ପଞ୍ଚାୟତରେ ଉତ୍ତେଜନା ପ୍ରକାଶ ପାଇଛି। ରାସ୍ତାରେ ଗଛ ଓ ପଥର ପକାଇ ହଜାର ହଜାର ଗ୍ରାମବାସୀ ଅବରୋଧ କରିଛନ୍ତି। ୧୭ଟି ଗାଁର ଲୋକଙ୍କୁ ଗୁଡୁପାଙ୍ଗୀ ଗାଁ ରାସ୍ତାରେ ଯିବାକୁ ଦେଇନାହାନ୍ତି।
୯ ମାସ ହେଲା ଗୁଡୁପାଙ୍ଗୀ ଓ ଅନ୍ୟ ଗାଁ ଲୋକଙ୍କ ଭିତରେ ବିବାଦ ଲାଗିରହିଛି।
ସୂଚନାଯୋଗ୍ୟ,ମାଳିସାହି ପଞ୍ଚାୟତର ଗୁଡୁପାଙ୍ଗି ଗ୍ରାମବାସୀ ଶୁକ୍ରବାର ରାସ୍ତା ଅବରୋଧ କରିଛନ୍ତି। ରାସ୍ତା ଅବରୋଧ କାରଣରୁ ଢେଙ୍କେଣା, ଖଣ୍ଡୁ ଗାଁ, ମାଳିସାହି ପଞ୍ଚାୟତର ପ୍ରାୟ ୨୦ଟି ଗ୍ରାମର ଲୋକଙ୍କ ଯାତାୟାତ ବନ୍ଦ ହୋଇଯାଇଛି।
ଉଭୟ ପକ୍ଷର ଲୋକେ ହାତରେ ଠେଙ୍ଗା ବାଡ଼ି ଧରି ସାମ୍ନାସାମ୍ନି ହୋଇଥିବା ସମୟରେ ଯେ କୌଣସି ସମୟରେ ଆଇନ ଶୃଙ୍ଖଳା ପରିସ୍ଥିତି ଉପୁଜିପାରେ ବୋଲି ଆଶଙ୍କା ପ୍ରକାଶ ପାଇଛି।
