ବାଲେଶ୍ୱର ଅଫିସ,୧୮।୧: ସମସ୍ତ ପ୍ରତୀକ୍ଷାର ଅନ୍ତ ପରେ ସୋମବାରଠାରୁ ଟିକାକରଣ ପ୍ରକ୍ରିୟା ଆରମ୍ଭ ହେଇଛି। ବାଲେଶ୍ବର ମୁଖ୍ୟ ଚିକିତ୍ସାଳୟ ସମେତ ଜିଲାର ୪ଟି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଟିକାକରଣ ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଭିଭାଷଣ ପରେ ଟିକାକରଣ କାର୍ଯ୍ୟ ଆରମ୍ଭ ହୋଇଥିଲା। ପ୍ରଥମ ପର୍ଯ୍ୟାୟରେ କୋଭିଡ ୱାର୍କର ମାନଙ୍କୁ ଟିକା ପ୍ରଦାନ କରାଯାଇଛି । ବାଲେଶ୍ବର ଜିଲାକୁ ୮୪୦୦ ଡୋଜ ଟିକା ଆସିଥିବା ବେଳେ ୭୬୦୦ ଟିକା ବୈଧ ରହିଛି । ଗୋଟିଏ ଟିକା କେନ୍ଦ୍ରରେ ୧୦୦ ଜଣକୁ ଟିକା ଦେବାପାଇଁ ସ୍ଥିର ହୋଇଥିବା ବେଳେ ସେହିଭଳି ଜିଲ୍ଲାର ୫ଟି କେନ୍ଦ୍ରରେ ୫୦୦ ଟିକା ଦେବା ପାଇଁ ସ୍ଥିର ହୋଇଛି। ପ୍ରତି ଟିକାକରଣ କେନ୍ଦ୍ରରେ ୫ ଜଣ ଷ୍ଟାଫଙ୍କୁ ନିୟୋଜିତ କରାଯାଇଛି। ପ୍ରତ୍ୟେକ ଘଣ୍ଟାରେ ୧୨ ରୁ ୨୦ ଜଣଙ୍କୁ ଟିକା ପ୍ରଦାନ ପାଇଁ ବ୍ୟବସ୍ଥା ହୋଇଥିବା ବେଳେ ଟିକାକରଣ ପାଇଁ ଆସିଥିବା ସ୍ବାସ୍ଥ୍ୟକର୍ମୀଙ୍କ ପ୍ରଥମେ ପଞ୍ଜିକରଣ ଯାଞ୍ଚ କରାଯିବ ପରେ ଟିକାକରଣ ପରେ ୩୦ ମିନଟ ପର୍ଯ୍ୟନ୍ତ ପାର୍ଶ ପ୍ରତିକ୍ରିୟା ପାଇଁ ଡାକ୍ତରଙ୍କ ନଜରରେ ରହିବେ। ଯଦି କୌଣସି ପାର୍ଶ ପ୍ରତିକ୍ରିୟା ଘଟେ ସେଥିପାଇଁ ମେଡ଼ିକାଲ ଟିମ ପ୍ରସ୍ତୁତ ରହିଥିବା ବାଲେଶ୍ୱର ଜିଲା ମୁଖ୍ୟ ଚିକିତ୍ସଧିକାରୀ ପ୍ରକାଶ କରିଛନ୍ତି। ପ୍ରଥମ ଦିନରେ ସଫେଇ କର୍ମଚାରୀ , ଅଙ୍ଗନୱାଡ଼ି କର୍ମଚାରୀ, ଆଶା, ଡାକ୍ତର ଓ ଷ୍ଟାଫ ନର୍ସ ମାନଙ୍କୁ ଟିକାକରଣ ପାଇଁ ସ୍ଥିର କରାଯାଇଛି। ଟିକାକରଣ ବେଳେ ବାଲେଶର ଜିଲା ମୁଖ୍ୟ ଚିକିତ୍ସାଳୟକୁ କେନ୍ଦ୍ର ମନ୍ତ୍ରୀ ପ୍ରତାପ ଚନ୍ଦ୍ର ଷଡ଼ଙ୍ଗୀଙ୍କ ସହ ବାଲେଶ୍ୱର ସଦର ବିଧାୟକ ଓ ବାଲେଶର ଜିଲାପାଳ ଉପସ୍ଥିତ ରହିଥିଲେ।
