ବଲିଉଡ୍ର ପ୍ରସିଦ୍ଧ ଅଭିନେତା ତଥା ନିର୍ମାତା ଅନିଲ କପୁର ଆଜି ୬୪ତମ ଜନ୍ମଦିନ ପାଳନ କରୁଛନ୍ତି। ଅନିଲ ତାଙ୍କ ଫିଟ୍ ନେସ୍ ଉପରେ ବେଶୀ ଧ୍ୟାନ ଦିଅନ୍ତି। ତାଙ୍କୁ ଦେଖିଲେ କେହି ଭାବି ପାରିବେନି ଯେ ସେ ୬୪ ବର୍ଷ ବୟସ ବୟସ୍କ ହୋଇଥିବେ। ୯୦ ଦଶକରେ ଅନିଲ କ୍ରମାଗତ ୧୩ଟି ହିଟ୍ ଫିଲ୍ମ ଦର୍ଶକଙ୍କୁ ଭେଟି ଦେଇଥିଲେ। ଅନିଲ କପୁର ତାଙ୍କ ବ୍ୟକ୍ତିତ୍ୱ ପାଇଁ ବେଶ୍ ଜଣାଶୁଣା। ସେ ତାଙ୍କ ରାଜକୀୟ ଜୀବନଶୈଳୀ ବିଷୟରେ ଚର୍ଚ୍ଚାରେ ଥାନ୍ତି। କିନ୍ତୁ ଖୁବ କମ୍ ଲୋକ ଜାଣିଥିବେ ଦିନ ଥିଲା ଅନିଲଙ୍କୁ ଏକ ଗ୍ୟାରେଜରେ ରହିବାକୁ ପଡିଥିଲା। କ୍ୟାରିୟର ଆରମ୍ଭରେ ଅନିଲ କପୁରଙ୍କ ଆର୍ଥିକ ସମସ୍ୟା ଦେଇ ଗତି କରିବାକୁ ପଡିଲା ଏବଂ ଟଙ୍କା ଅଭାବ ହେତୁ ତାଙ୍କୁ ରାଜ କପୁରଙ୍କ ଗ୍ୟାରେଜରେ ରହିବାକୁ ପଡିଲା। ଏବେ ଅନିଲ କପୁର ମୁମ୍ବାଇରେ ତାଙ୍କ ପରିବାର ସହିତ ଜୁହୁର ଏକ ବଙ୍ଗଳାରେ ରୁହନ୍ତି। ମୁମ୍ବାଇ ବ୍ୟତୀତ ଦୁବାଇ, କାଲିଫର୍ନିଆ ଏବଂ ଲଣ୍ଡନରେ ମଧ୍ୟ ତାଙ୍କର ଫ୍ଲାଟ ଅଛି। ଅନିଲ ଏବେ ବି ଫିଲ୍ମରେ ବେଶ୍ ସକ୍ରିୟ ଅଛନ୍ତି। ତାଙ୍କ ଝିଅ ସୋନମ କପୁର ଏବଂ ପୁଅ ହର୍ଷବର୍ଦ୍ଧନ କପୁର ଫିଲ୍ମରେ ଅଭିନୟ କରୁଛନ୍ତି।
