Odisha Elections 2024

ରାଜ୍ୟରେ ଖସିଛି, ଜାତୀୟସ୍ତରରେ ଉଠିଛି

ଅନୁଗୋଳ ଅଫିସ, ୨୨ା୮

ସ୍ବଚ୍ଛ ସର୍ବେକ୍ଷଣରେ ରାଜ୍ୟରେ ପଛେଇ ଯାଇଛି ଅନୁଗୋଳ ପୌରପାଳିକା। ଗତବର୍ଷ ମିଳିଥିବା ରାଜ୍ୟର ୧ନଂ. ସ୍ଥାନରୁ ଏହା ଖସିଆସିଛି ୯ମକୁ। ହେଲେ ଜାତୀୟସ୍ତରରେ ପ୍ରଦର୍ଶନ ଭଲ ଥିବା ତାଲିକାରୁ ସ୍ପଷ୍ଟ ହୋଇଛି। ୨୦୧୯ରେ ଅନୁଗୋଳ ପୌରପାଳିକା ଜାତୀୟସ୍ତରରେ ୧୪୩ତମ ସ୍ଥାନରେ ଥିବାବେଳେ ୨୦୨୦ରେ ଲମ୍ବା ଲମ୍ଫ ଦେଇ ୪୨ତମ ସ୍ଥାନକୁ ଉନ୍ନିତ ହୋଇଥିବା ଜଣାପଡ଼ିଛି।
କେନ୍ଦ୍ର ସହରାଞ୍ଚଳ ବିକାଶ ମନ୍ତ୍ରଣାଳୟ ପକ୍ଷରୁ ଦେଶର ବିଭିନ୍ନ ସହରକୁ ନେଇ ହୋଇଥିବା ଏହି ସ୍ବଚ୍ଛ ସର୍ବେକ୍ଷଣ-୨୦୨୦ର ଫଳାଫଳ ଗୁରୁବାର ଘୋଷଣା ହୋଇଛି। ପ୍ରକାଶିତ ତାଲିକାରେ ଅନୁଗୋଳ ପୌରପାଳିକାକୁ ଜାତୀୟସ୍ତରରେ ୪୨ତମ ସ୍ଥାନ ମିଳିଥିବା ବେଳେ ରାଜ୍ୟସ୍ତରରେ ୯ମ ସ୍ଥାନ ଦିଆଯାଇଛି। ଦେଶର ଅନ୍ୟ ସହରଗୁଡ଼ିକ ତୁଳନାରେ ଭଲ ପ୍ରଦର୍ଶନ କରିଥିବା ଅନୁଗୋଳ ଗତବର୍ଷ ରାଜ୍ୟରେ ନମ୍ବର ଓ୍ବାନ୍‌ ହୋଇଥିବା ଚଳିତବର୍ଷ କାହିଁକି ପଛେଇ ଯାଇଛି ସେ ନେଇ ଆରମ୍ଭ ହୋଇଛି ମାନସମନ୍ଥନ। ସହରବାସୀଙ୍କ କହିବା ଅନୁଯାୟୀ, ଅଳିଆ ସମସ୍ୟା ପୌରପାଳିକାର ସର୍ବଦା ମୁଣ୍ଡ ବିନ୍ଧାର କାରଣ ହୋଇଛି। କେଉଁଠି ଆବର୍ଜନା ପକାଇଲେ ବିରୋଧ ହେବନାହିଁ ତାହା ପୌର କର୍ତ୍ତୃପକ୍ଷ ଓ ଜିଲା ପ୍ରଶାସନ ମାସ ମାସ ଧରି ସ୍ଥିର କରିପାରୁ ନ ଥିବାବେଳେ କଠିନ ଓ ତରଳ ବର୍ଜ୍ୟର କିପରି ସୁ ପରିଚାଳନା କରିପାରିବେ ତାହା ହିଁ ବଡ଼ ପ୍ରଶ୍ନ ହୋଇ ଠିଆ ହୋଇଛି। ଏହାଛଡ଼ା ସହରରେ ଥିବା ଉଦ୍ୟାନଗୁଡିକର ଉନ୍ନତି କଥା ନ କହିଲେ ଭଲ। ଶୌଚାଳୟ କାମ ଧିମେଇବା ସହ କାନ୍ଥ ବାଡର ସୌନ୍ଦର୍ଯ୍ୟକରଣ ଅନ୍ୟ ସହର ପରି ଦେଖିବାକୁ ମିଳୁନାହିଁ। ଯଦିଓ ଏବେ ଉକ୍ତ ପ୍ରକ୍ରିୟା ଜୋର୍‌ ଧରିଛି ତଥାପି ଲକ୍ଷ୍ୟ ଅନେକ ଦୂର। ସେହିପରି ପୌରାଞ୍ଚଳରେ ରୋଡ୍‌ ଡିଭାଇଡର ନ ଥିବାରୁ ବୃକ୍ଷରୋପଣ ମଧ୍ୟ ହୋଇପାରୁନାହିଁ। ଏହା ହୋଇପାରିଥିଲେ ଅନୁଗୋଳ ପୌରପାଳିକାର ପ୍ରଦର୍ଶନ ଆହୁରି ଉନ୍ନତ ହୋଇଥାନ୍ତା। ରାଜ୍ୟ ତାଲିକାରେ ମଧ୍ୟ ଭଲ ସ୍ଥାନ ମିଳିପାରିଥାନ୍ତା। ତଥାପି କେତୋଟି କ୍ଷେତ୍ରରେ ସ୍ବଚ୍ଛ ସର୍ବେକ୍ଷଣ ବିଚାରକ ଟିମ୍‌କୁ ପୌର ପ୍ରଶାସନ ସନ୍ତୁଷ୍ଟ କରିପାରିଥିବା ଜଣାପଡ଼ୁଛି। ରାଜ୍ୟ ସହ ଜାତୀୟସ୍ତରୀୟ ତାଲିକାରେ ଆହୁରି ଉପରକୁ ଉଠିବାକୁ ହେଲେ ଅଧିକ ଭଲ କାର୍ଯ୍ୟ କରିବାକୁ ହେବ ଏବଂ ସେ ନେଇ ଏବେଠାରୁ ପ୍ରସ୍ତୁତି କରିବାକୁ ପଡ଼ିବ ବୋଲି ସହରବାସୀ ମତ ଦେଇଛନ୍ତି।

କରୋନା ପଛରେ ସମୟ ଗଲା
ପୌର ପ୍ରଶାସନ କେବଳ କରୋନା ପଛରେ ଗୋଡାଉଛି। ଅନ୍ୟସବୁ ଦାୟିତ୍ୱକୁ ଭୁଲି ଯାଇଥିବାରୁ ଏଭଳି ସ୍ଥିତି ଉପୁଜୁଛି। ମହାମାରୀ ରୋକିବା ସହ ସହର ଠିକ୍‌ ଭାବେ ଯେପରି ସଫେଇ ହେବ ତାହା ଉପରେ ଧ୍ୟାନ ଦିଆଯିବା ଦରକାର।
-ବରଦା ପ୍ରସନ ଦାସ, ସହରବାସୀ
ଏବେଠୁ କାମ ଆରମ୍ଭ ହେଉ
ଅନୁଗୋଳ ସହର ପୂର୍ବବର୍ଷ ଅପେକ୍ଷା ଅଧିକ ସଫାସୁତରା ରହିଛି। କିନ୍ତୁ ବିଚାରକଙ୍କ ମନ ଜିଣିପାରି ନାହିଁ। ଆଗମୀ ଦିନରେ କିପରି ଭଲ ପ୍ରଦର୍ଶନ କରାଯାଇପାରିବ ସେ ନେଇ ପ୍ରଶାସନ ଏବେଠୁ କାମ ଆରମ୍ଭ କରିବା ଦରକାର।
-ପ୍ରତାପ ମହାପାତ୍ର, ସହରବାସୀ
ପ୍ରଶାସନର ବିଫଳତା ଦାୟୀ
ଅନୁଗୋଳ ପୌରପାଳିକା ଏବେ ଜିଲା ପ୍ରଶାସନ ହାତରେ ସିଧାସଳଖ ରହିଛି। ତେଣୁ ପୂର୍ବାପେକ୍ଷା ପରିମଳ ବ୍ୟବସ୍ଥା ଅଧିକ ଉନ୍ନତ ହେବା କଥା। କିନ୍ତୁ ଠିକ୍‌ ଭାବେ କାର୍ଯ୍ୟ ହେଉ ନ ଥିବାରୁ ମାନ ତଳକୁ ଖସିଲା। ଏଥିପାଇଁ ଜିଲା ପ୍ରଶାସନ ଦାୟୀ।
-ପ୍ରଦୀପ କୁମାର ସାହୁ, ସହରବାସୀ
ଭଲ ପ୍ରଦର୍ଶନ ପାଇଁ ଯୋଜନା ହୋଇଛି
ପୂର୍ବବର୍ଷ ତୁଳନାରେ ଚଳିତବର୍ଷ ଅନୁଗୋଳ ପୌରପାଳିକାର ମାନ ରାଜ୍ୟସ୍ତରରେ ହ୍ରାସ ପାଇଛି। କିଛି ସମସ୍ୟା ଥିବାରୁ ଟିକେ ପଛେଇ ଗଲୁ। ଆଗକୁ କିପରି ଏକ ନମ୍ବର ହେବୁ ସେ ନେଇ ଯୋଜନା କରିଛୁ। ଜାତୀୟସ୍ତରରେ ଭଲ ପ୍ରଦର୍ଶନକୁ ଆଧାର କରି କାର୍ଯ୍ୟ ଆରମ୍ଭ କରିବୁ।
-ବିନୋଦ ଚନ୍ଦ୍ର ପଣ୍ଡା, ପୌର ନିର୍ବାହୀ ଅଧିକାରୀ


Enter your email to get our daily news in your inbox.

All Right Reserved By Dharitri.Com

ମହିଳା ପୋଲିଂ ଅଫିସରଙ୍କ ମୃତ୍ୟୁ, ୧୫ ଲକ୍ଷ ଟଙ୍କା ଅତିରିକ୍ତ ସହାୟତା ଘୋଷଣା

କଟକ,୨୫ା୫(କାର୍ତ୍ତିକ ସାହୁ): କଟକ ଜିଲା ବାରବାଟୀ-କଟକ ବିଧାନସଭା ନିର୍ବାଚନମଣ୍ଡଳୀରେ କାର୍ଯ୍ୟରତ ପୋଲିଂ ଅଫିସର ସୁଜାତା ମିତ୍ରଙ୍କର ଶନିବାର ମୃତ୍ୟୁ ଘଟିଛି। ସେ ହାଡ଼ିବନ୍ଧୁ ନୋଡାଲ ହାଇସ୍କୁଲର...

ସୃଷ୍ଟି ହେଲା ବାତ୍ୟା ‘ରେମାଲ’, ଜାଣନ୍ତୁ କେଉଁଠି କରିବ ଲ୍ୟାଣ୍ଡଫଲ୍

ଭୁବନେଶ୍ୱର,୨୫ା୫: ପୂର୍ବ କେନ୍ଦ୍ରୀୟ ବଙ୍ଗୋପସାଗର ଉପରେ ଥିବା ଗଭୀର ଅବପାତ ବାତ୍ୟାରେ ପରିଣତ ହୋଇଛି। ଏହା ପ୍ରାୟ ୧୨ କିଲୋମିଟର ବେଗ ସହିତ ଉତ୍ତର ଦିଗକୁ...

ସନ୍ଧ୍ୟା ୬ଟା ସୁଦ୍ଧା ରାଜ୍ୟରେ ୫୯.୭୨ ପ୍ରତିଶତ ମତଦାନ

ଭୁବନେଶ୍ୱର,୨୫ା୫: ଶନିବାର ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ ଅନୁଷ୍ଠିତ ହୋଇଯାଇଛି। ତେବେ ସନ୍ଧ୍ୟା ୬ଟା ସୁଦ୍ଧା ରାଜ୍ୟରେ ମୋଟ୍‌ ୫୯.୭୨% ମତଦାନ ହୋଇଛି। ସେହିପରି ଭୁବନେଶ୍ବରରେ...

ଛେଣ୍ଡିପଦା ବିଧାୟକଙ୍କ ଦାଦାଗିରି ଘଟଣା: ଏଡିଜି କହିଲେ ହେବ ଦୃଢ କାର୍ଯ୍ୟାନୁଷ୍ଠାନ

ସମ୍ବଲପୁର,୨୫।୫: ଛେଣ୍ଡିପଦା ବିଧାୟକ ଭାଜପା କର୍ମୀଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି। ବିଜେଡି ପ୍ରାର୍ଥୀ ତଥା ବିଧାୟକ ସୁଶାନ୍ତ କୁମାର ବେହେରା ତାଙ୍କ ନିର୍ବାଚନମଣ୍ଡଳୀର ମତଦାନବେଳେ...

ଛେଣ୍ଡିପଦା ବିଧାୟକଙ୍କ ଦାଦାଗିରି, ଭାଜପା କର୍ମୀଙ୍କ ଉପରେ ଆକ୍ରମଣ ଅଭିଯୋଗ

ସମ୍ବଲପୁର,୨୫ା୫: ଛେଣ୍ଡିପଦା ବିଧାୟକ ଭାଜପା କର୍ମୀଙ୍କ ଉପରେ ଆକ୍ରମଣ କରିଥିବା ଅଭିଯୋଗ ହୋଇଛି। ଏଠାରେ ବିଜେଡି ପ୍ରାର୍ଥୀ ତଥା ବିଧାୟକ ସୁଶାନ୍ତ କୁମାର ବେହେରା ଶନିବାର...

ଲେଖାଶ୍ରୀଙ୍କୁ ସ୍ମୃତିଙ୍କ ଏହି ୩ ବଡ଼ ପ୍ରଶ୍ନ

ରେମୁଣା,୨୫ା୫: ବାଲେଶ୍ୱର ଜିଲା ରେମୁଣାଠାରେ ଆୟୋଜିତ ଭାଜପାର ଦଳୀୟ ସଭାରେ ବିଜେଡିର ଲୋକ ସଭା ପ୍ରାର୍ଥୀ ଲେଖାଶ୍ରୀ ସାମନ୍ତସିଂହାରଙ୍କୁ ୩ଟି ପ୍ରଶ୍ନ କରିଛନ୍ତି କେନ୍ଦ୍ରମନ୍ତ୍ରୀ ସ୍ମୃତି...

ଚତୁର୍ଥ ପର୍ଯ୍ୟାୟରେ ବିଜେଡି ପ୍ରାର୍ଥୀ ସୁବାସିନି ଜେନା ସବୁଠୁ ଧନୀ

ଭୁବନେଶ୍ୱର,୨୫ା୫: ବିଜୁ ଜନତା ଦଳ (ବିଜେଡି) ନେତା ସୁବାସିନି ଜେନାଙ୍କ ସମ୍ପତ୍ତି ପ୍ରାୟ ୧୩୫ କୋଟି ଟଙ୍କା ରହିଛି ଯାହା ଜୁନ ୧ ରେ ହେବାକୁ...

ଇଭିଏମ୍‌ ଭାଙ୍ଗି ଫେରାର ହୋଇଯାଉଥିଲେ ପ୍ରଶାନ୍ତ ଜଗଦ୍ଦେବ, ଗୋଡ଼ାଇ ଗୋଡ଼ାଇ ଧରିଲା ପୋଲିସ

ଖୋର୍ଦ୍ଧା,୨୫ା୫(ପ୍ରଭାତ କୁମାର ପାଣିଗ୍ରାହୀ): ଖୋର୍ଦ୍ଧା ଭାଜପା ବିଧାୟକ ପ୍ରାର୍ଥୀ ପ୍ରଶାନ୍ତ ଜଗଦ୍ଦେବଙ୍କ ପୁଣି ଦାଦାଗିରି ଦେଖିବାକୁ ମିଳିଛି। ବୋଲଗଡ଼ ବ୍ଲକର ଏକ ବୁ୍‌ଥ୍‌ରେ ପଶି ଇଭିଏମ୍‌...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri