ନୂଆଦିଲ୍ଲୀ, ୫।୮: ଭାରତୀୟ କ୍ରିକେଟ୍ ଦଳର ଷ୍ଟାର୍ ଅଲ୍ରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ନିକଟରେ ପିତୃତ୍ୱ ଲାଭ କରିଥିଲେ। ତାଙ୍କ ସ୍ତ୍ରୀ ତଥା ସର୍ବିୟା ଅଭିନେତ୍ରୀ ନତାଶା ଷ୍ଟାନକୋଭିକ ଗତ ଜୁଲାଇ ୩୦ରେ ଏକ ପୁତ୍ର ସନ୍ତାନ ପ୍ରସବ କରିଥିଲେ। ହସ୍ପିଟାଲରେ ପାଖାପାଖି ଗୋଟିଏ ସପ୍ତାହ ରହିବା ପରେ ହାର୍ଦ୍ଦିକ ସ୍ତ୍ରୀ ଓ ନବଜାତ ସନ୍ତାନକୁ ନେଇ ଘରେ ପହଞ୍ଚତ୍ଛନ୍ତି। ହାର୍ଦ୍ଦିକ ଯେତେବେଳେ ଘରେ ପହଞ୍ଚତ୍ଥିଲେ ସେଠାରେ ତାଙ୍କ ଭାଉଜ ତଥା କ୍ରୁନାଲ ପାଣ୍ଡ୍ୟାଙ୍କ ସ୍ତ୍ରୀ ପାଙ୍ଖୁରୀ ଶର୍ମା ନବଜାତ ସନ୍ତାନ ପାଇଁ ଏକ ବଡ଼ ସ୍ବାଗତର ଆୟୋଜନ କରିଥିଲେ। ପୁରା ଘର ବେଲୁନରେ ସାଜସଜ୍ଜା ହୋଇଥିଲା। ଭାଉଜଙ୍କ ଏଭଳି ସାଜସଜ୍ଜାକୁ ଦେଖି ହାର୍ଦ୍ଦିକ ବହୁତ ଖୁସି ହୋଇଯାଇଥିଲେ। ଯାହାର ଏକ ଫଟୋ ସେ ତାଙ୍କ ଇନ୍ଷ୍ଟାଗ୍ରାମ ପୃଷ୍ଠାରେ ଶେୟାର କରିଥିଲେ। ଏହି ଫଟୋ ତଳେ ହାର୍ଦ୍ଦିକ ଏକ କ୍ୟାପସନ ଲେଖିଛନ୍ତି। ଯେଉଁଥିରେ ସେ ପୁଅକୁ ସ୍ବାଗତ କରିଥିବାରୁ ଭାଉଜ ପାଙ୍ଖୁରୀଙ୍କୁ ଧନ୍ୟବାଦ ଜଣାଇଛନ୍ତି। ପାଙ୍ଖୁରୀ ମଧ୍ୟ ସ୍ବାମୀ କ୍ରୁନାଲ ଓ ହାର୍ଦ୍ଦିକଙ୍କ ପୁଅ ସହ ଫଟୋ ଉଠାଇଥିଲେ। ‘ଏହି ଘରକୁ ତୁମକ ସ୍ବାଗତ ବେବି। ଆମେ ତୁମକୁ ବହୁତ ଭଲ ପାଉ’ ବୋଲି ପାଙ୍ଖୁରୀ ଫଟୋରେ କ୍ୟାପସନ ଦେଇଛନ୍ତି। ଏଠାରେ ଉଲ୍ଲେଖଯୋଗ୍ୟ, ହାର୍ଦ୍ଦିକ ଓ ନତାଶାଙ୍କ ନିର୍ବନ୍ଧ ଚଳିତ ବର୍ଷ ପ୍ରାରମ୍ଭରେ ଦୁବାଇରେ ଅନୁଷ୍ଠିତ ହୋଇଥିଲା। ଏହାପରେ ଉଭୟ ଅନେକ ଇଭେଣ୍ଟ ଓ ପାର୍ଟିରେ ଏକାଠି ନଜର ଆସିଥିଲେ ମଧ୍ୟ ବିବାହକୁ ନେଇ କେବେ ମୁହଁ ଖୋଲିନାହାନ୍ତି।
