ସାରା ବିଶ୍ୱରେ ଏବେ କରୋନାର ଭୟାବହତା। ଦିନକୁ ଦିନ ସଂକ୍ରମଣ ବଢ଼ୁଥିବାରୁ ହଜାର ହଜାର ସଂଖ୍ୟାରେ ଲୋକ କରୋନା ଆକ୍ରାନ୍ତ ହେଉଛନ୍ତି। ଭାରତରେ ଏହି ସଂଖ୍ୟା ୧୧ଲକ୍ଷ ଟପିଲାଣି। ଏପରିସ୍ଥିତିରେ ଔଷଧ ବାହାରି ନ ଥିବାରୁ ଲୋକମାନଙ୍କୁ ଘରୁ ନବାହାରିବାକୁ କୁହାଯାଉଛି। ଏହାଛଡ଼ା ସାମାଜିକ ଦୂରତା ଏବଂ ମାସ୍କର ବ୍ୟବହାର ଉପରେ ଗୁରୁତ୍ୱାରୋପ କରାଯାଉଛି।
ଗୋଟିଏପଟେ ମାସ୍କର ବ୍ୟବହାର ଜରୁରୀ ହୋଇପଡ଼ିଥିବା ବେଳେ ନାନାଦି ଅସୁବିଧା ସୃଷ୍ଟି ହେଉଛି। ଲଗାତାର ଭାବେ ମାସ୍କ ପିନ୍ଧିବା ଅନେକଙ୍କୁ କଷ୍ଟ ଦେଉଛି। ଆଜି ଆପଣଙ୍କ ସୁବିଧା ଲାଗି ମାସ୍କ ପିନ୍ଧିବା, ଧୋଇବା, ଶୁଖାଇବା ଏବଂ ସାନିଟାଇଜ୍ କରିବାର ଉପାୟ ବିଷୟରେ ଜଣାଇବୁ।
– ଲଗାତାର ଭାବେ ମାସ୍କ ପିନ୍ଧିବା ଦ୍ୱାରା ଅନେକ ଲୋକଙ୍କ କାନରେ ଯନ୍ତ୍ରଣା ହେଉଥିବା ଅଭିଯୋଗ ହେଉଛି। କିଛି ଲୋକଙ୍କ କାନ ଲାଲ ପଡ଼ିଯାଉଥିବା ହେତୁ ଏହାକୁ ପିନ୍ଧିବାକୁ ସେମାନେ ପ୍ରସ୍ତୁତ ହେଉନାହାନ୍ତି। ଏଣୁ ଯଦି ଏପରି ସମସ୍ୟାରୁ ରକ୍ଷା ପାଇବାକୁ ଚାହାନ୍ତି, ତେବେ କ୍ଲିପ୍ର ବ୍ୟବହାର କରିପାରିବେ। ମାସ୍କର ଦୁଇ ମୁଣ୍ଡକୁ କ୍ଲିପ୍ରେ ଧରି ଚୁଟିରେ ଲଗାଇ ଦିଅନ୍ତୁ।
– କିଛି ଲୋକଙ୍କ ମୁହଁ ଛୋଟ ରହିଥାଏ। ସେମାନଙ୍କୁ ମାସ୍କ ପିନ୍ଧିବାରେ ଅସୁବିଧା ହୋଇଥାଏ। କାରଣ ତାହା ଫିଟ୍ ହୋଇ ନ ଥାଏ। ଏପରିସ୍ଥିତିରେ କ୍ଲିପ୍ ସାହାଯ୍ୟରେ ତାକୁ ଚୁଟିରେ ଲଗାଇ ନିଅନ୍ତୁ।
– ମାସ୍କ ଅପରିଷ୍କାର ହେବା ଯୋଗୁ ତାକୁ ଡେଟୋଲରେ ଧୋଇ ଦିଅନ୍ତୁ। ଏଥିପାଇଁ ଏକ ଜାଗାରେ ପାଣି ନିଅନ୍ତୁ। ସେଥିରେ ଡେଟୋଲ୍ର କିଛି ଟୋପା ପକାନ୍ତୁ। ଏଥିରେ ମାସ୍କକୁ ୧୦ ମିନିଟ ପାଇଁ ବୁଡ଼ାଇ ରଖନ୍ତୁ। ପରେ ଖରାରେ ଶୁଖାଇ ନିଅନ୍ତୁ।
– ମାସ୍କ ଓହ୍ଲାଇବା ପରେ ମୁହଁକୁ ଭଲଭାବେ ପାଣିରେ ଧୋଇବା ସହ ଫେସଓ୍ବାସ୍ ବ୍ୟବହାର କରନ୍ତୁ।
– ମଝିରେ ମଝିରେ ମାସ୍କ ଓହ୍ଲାଉଥିଲେ ଏହାକୁ ସାନିଟାଇଜ୍ କରି ପୁଣି ପିନ୍ଧନ୍ତୁ।
-କେହି ଚଷମା ପିନ୍ଧୁଥିଲେ ମାସ୍କକୁ ଚଷମା ଉପରେ ପିନ୍ଧନ୍ତୁ। ଏହାଦ୍ୱାରା ଗ୍ଲାସରେ ଜଳବୁନ୍ଦା ହେବ ନାହିଁ।
