ବମ୍ବେ: ଦୀର୍ଘ ତିନି ଦଶକରୁ ଅଧିକ ସମୟ ଧରି ଦର୍ଶକଙ୍କ ହୃଦୟରେ ରାଜ୍ କରୁଛନ୍ତି ଧକ୍ଧକ୍ ଗର୍ଲ ମାଧୁରୀ। ବିବାହ ପରେ ଫିଲ୍ମରେ ସେତେଟା ସକ୍ରିୟ ନ ଥିଲେ ବି ତାଙ୍କ ପ୍ରଶଂସକ ଏବେ ବି କମ୍ ନାହାନ୍ତି। ସ୍ବାମୀ ଡାକ୍ତର ଥିବା ବେଳେ ସେ କୋଟି କୋଟି ଟଙ୍କା ସମ୍ପତ୍ତିର ମାଲିକାଣୀ।
୨୫୦ କୋଟିରୁ ଅଧିକ ସମ୍ପତ୍ତି ମାଧୁରୀଙ୍କର ରହିଛି। ବମ୍ବେର ପାଲାଟିୟଲରେ ତାଙ୍କର ଏକ ଭବ୍ୟ ବଙ୍ଗଳା ରହିଛି। ଏଠାରେ ସେ ସ୍ବାମୀ, ଦୁଇ ପୁଅଙ୍କ ସହ ରୁହନ୍ତି।
ମାଧୁରୀ ଦେଖିବାକୁ ଯେତିକି ସୁନ୍ଦର ସେ ତାଙ୍କ ଘରକୁ ସେଭଳି ସୁନ୍ଦର ଭାବେ ସଜାଇଛନ୍ତି। ଫର୍ଣ୍ଣିଚରଠାରୁ ଆରମ୍ଭ କରି ପରଦା ପର୍ଯ୍ୟନ୍ତି ସବୁକିଛି ବେଶ୍ ଧ୍ୟାନରେ କିଣିଛନ୍ତି ସେ। ଗୋଟିଏ କୋଠରୀରେ ସେ କେବଳ ପୋଷାକ, ଚପଲ ଏବଂ ଅନ୍ୟାନ୍ୟ ଅଳଙ୍କାର ରଖିଛନ୍ତି। ଏହାଛଡ଼ା ମାଧୁରୀଙ୍କ ଘରେ ଜିମ୍ଠାରୁ ଆରମ୍ଭ କରି ହୋମ୍ ଥିଏଟର ଲାଗିଛି। କରୋନା ସମୟରେ ଲକ୍ଡାଉନ୍ ଚାଲିଥିବା ହେତୁ ସେ ପରିବାର ସହ ସମୟ ବିତାଉଛନ୍ତି।
