ମୁମ୍ବାଇ: ଫ୍ୟାନ୍ମାନଙ୍କୁ କିଭଳି ଏଣ୍ଟରଟେନ୍ କରିବାକୁ ହୁଏ ସେ କଳା ନୋରା ଫତେହିଙ୍କୁ ଭଲ ଭାବେ ଜଣା। ଆକର୍ଷଣୀୟ ବ୍ୟକ୍ତିତ୍ୱ ସାଙ୍ଗକୁ ଉଚ୍ଚକୋଟୀର ନୃତ୍ୟରେ ସେ ଫ୍ୟାନ୍ମାନଙ୍କ ହୃଦୟରେ ସ୍ବତନ୍ତ୍ର ସ୍ଥାନ ଅକ୍ତିଆର କରିସାରିଲେଣି। ଏହାସହ ସୋସିଆଲ ମିିଡିଆରେ ମଧ୍ୟ ନୋରାଙ୍କ ଲକ୍ଷ ଲକ୍ଷ ଫ୍ୟାନ୍୍, ଫଲୋଅର୍ସ ରହିଛନ୍ତି, ଯେଉଁମାନେ ତାଙ୍କ କୌଣସି ଅପ୍ଡେଟ୍କୁ ଲାଇକ୍, ଶେୟାର ଓ କମେଣ୍ଟ କରିବାକୁ ଭୁଲନ୍ତି ନାହିଁ। ନିକଟରେ ନୋରାଙ୍କ ‘ଷ୍ଟ୍ରିଟ୍ ଡ୍ୟାନ୍ସର ୩ଡି’ ରିଲିଜ୍ ହୋଇଯାଇଛି। ପ୍ରତିଥର ଭଳି ଏହି ଫିଲ୍ମରେ ମଧ୍ୟ ତାଙ୍କ ଡ୍ୟାନ୍ସକୁ ଲୋକେ ମନଖୋଲି ପ୍ରଶଂସା କରୁଛନ୍ତି। ନୋରାଙ୍କ ଡ୍ୟାନ୍ସ ଷ୍ଟାଇଲ୍ରେ ଅଛି ଯାଦୁ, ଯାହାକୁ ଦେଖିଲେ ଯେ କେହି ବି ତାଙ୍କ ପ୍ରେମରେ ପଡ଼ିଯିବ। ଏବେ ପୁଣି ତାଙ୍କର ଏକ ଡ୍ୟାନ୍ସ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଭିଡିଓରେ ଲଣ୍ଡନର ରାସ୍ତାକଡ଼ରେ ନୋରା ସଲ୍ମାନ ୟୁସୁଫ୍ ଖାନ୍ଙ୍କ ସହ ଡ୍ୟାନ୍ସ କରୁଥିବା ଦେଖିବାକୁ ମିଳିଛି। ଉଭୟେ ବେଶ୍ ଏନର୍ଜେଟିକ୍ ଓ ଫ୍ରି ଦେଖାଯାଉଛନ୍ତି। ସେମାନେ ଏକ ଇଣ୍ଟରନ୍ୟାଶନାଲ୍ ଗୀତରେ ନାଚୁଛନ୍ତି। ରାସ୍ତାରେ ଯାଉଥିବା ଲୋକ ଏମାନଙ୍କ ଡ୍ୟାନ୍ସର ମଜା ଉଠାଉଛନ୍ତି। ତେବେ ନାଚୁ ନାଚୁ ନୋରାଙ୍କ ଜୋତାର ଫିତା ବାହାରିଯାଇଛି। ଭିଡିଓ ଶେଷରେ ସଲ୍ମାନ ନୋରାଙ୍କ ଜୋତାର ଫିତା ବାନ୍ଧିଦେଇଥିବା ଦେଖିବାକୁ ମିଳିଛି, ଯାହାକୁ ଲୋକେ ଖୁବ୍ ତାରିଫ୍ କରୁଛନ୍ତି। ଭିଡିଓଟି ନିଜ ଅଫିସିଆଲ୍ ଇନ୍ଷ୍ଟାଗ୍ରାମ୍ ହ୍ୟାଣ୍ଡେଲ୍ରେ ଶେୟାର କରି ନୋରା ଲେଖିଛନ୍ତି, “ସଲ୍ମାନଙ୍କ ସହ ଡ୍ୟାନ୍ସ ଷ୍ଟେପ୍ ମ୍ୟାଚ୍ କରିବାକୁ ଚେଷ୍ଟା କରୁଛି।” ପ୍ରକୃତରେ ନୋରାଙ୍କ ଏହି ଡ୍ୟାନ୍ସ ଭିଡିଓଟି ଏକ ପୁରୁଣା ଭିଡିଓ। ଫିଲ୍ମ ‘ଷ୍ଟ୍ରିଟ୍ ଡ୍ୟାନ୍ସର ୩ଡି’ର ଲଣ୍ଡନ ଶୁଟିଂ ସେଡ୍ୟୁଲ୍ ସମୟରେ ଏହା ରେକର୍ଡ କରାଯାଇଥିଲା। ଏହି ଫିଲ୍ମର ନିର୍ଦ୍ଦେଶନା ରେମୋ ଡି’ସୁଜା ଦେଇଥିବାବେଳେ ବରୁଣ ଧାଓ୍ବନ, ଶ୍ରଦ୍ଧା କପୁର, ପ୍ରଭୁଦେବା ଓ ନୋରା ମୁଖ୍ୟ ଭୂମିକାରେ ନଜରକୁ ଆସିିଛନ୍ତି। ଅନ୍ୟପଟେ ‘ଭୁଜ୍: ଦି ପ୍ରାଇଡ୍ ଅଫ୍ ଇଣ୍ଡିଆ’ ଏବଂ ‘ବାଗୀ-୩’ ଫିଲ୍ମରେ ମଧ୍ୟ ନୋରାଙ୍କୁ ଦେଖିବାକୁ ମିଳିବ।
