ଅଲ୍ଲୁ ଅର୍ଜୁନଙ୍କ ଫିଲ୍ମ ପୁଷ୍ପା-୨ର କ୍ରେଜ୍ ପ୍ରଶଂସକଙ୍କ ମନରେ ବଢିବାରେ ଲାଗିଛି । ଏହି ଫିଲ୍ମ କ୍ରମାଗତ ଭାବେ ନୂଆ ନୂଆ ରେକର୍ଡ ସୃଷ୍ଟି କରୁଛି । ଚଳଚ୍ଚିତ୍ରଟି ସବୁ ଭାଷାରେ ଚମତ୍କାର ପ୍ରଦର୍ଶନ କରିଛି ଏବଂ ହିନ୍ଦୀ ଭାଷାରେ ଅନେକ ରେକର୍ଡ ଭାଙ୍ଗିଛି ଏବଂ ଏବେ ପୁଷ୍ପା ୨ ଇତିହାସ ରଚିଛି। ଶାହାରୁଖ-ସଲମାନ ଓ ଆମୀର ଖାନଙ୍କ ଫିଲ୍ମ ଯାହା କରିପାରିନାହିଁ ତାହା ଅଲ୍ଲୁ ଅର୍ଜୁନଙ୍କ ଫିଲ୍ମ କରିଛି।କୋଇମୋଇଙ୍କ ରିପୋର୍ଟ ଅନୁଯାୟୀ,ପୁଷ୍ପା-୨ ୭୦୦ କୋଟି କ୍ଲବରେ ପ୍ରବେଶ କରିଛି। ଅଲ୍ଲୁ ଅର୍ଜୁନ ଫିଲ୍ମ ୭୦୦ କୋଟି କ୍ଲବରେ ପ୍ରବେଶ କରିଛି। ୭୦୦ କୋଟି କ୍ଲବରେ ପ୍ରବେଶ କରିଥିବା ଏହା ପ୍ରଥମ ବଲିଉଡ ଫିଲ୍ମ ହୋଇଛି । ସ୍ତ୍ରୀ-୨ (୬୨୭.୫୦)ର ରେକର୍ଡ ଭାଙ୍ଗି ସର୍ବାଧିକ ଆୟ କରିଥିବା ହିନ୍ଦୀ ଚଳଚ୍ଚିତ୍ର ହେବା ପରେ ଏହି ଚଳଚ୍ଚିତ୍ର ତୃତୀୟ ସପ୍ତାହରେ ସର୍ବାଧିକ ଆୟ କରିଥିଲା। ଏବେ ଏହି ଫିଲ୍ମ ୭୦୦ କୋଟିର ବ୍ୟବସାୟ କରି ଏକ ନୂଆ ରେକର୍ଡ ସୃଷ୍ଟି କରିଛି ।
ଫିଲ୍ମଟି ହିନ୍ଦୀ ଭାଷାରେ ପ୍ରଥମ ସପ୍ତାହରେ ୪୩୩.୫୦ କୋଟି ଆୟ କରିଥିଲା । ସେହିପରି ଫିଲ୍ମ ଦ୍ୱିତୀୟ ସପ୍ତାହରେ ୧୯୯ କୋଟି ଓ ତୃତୀୟ ସପ୍ତାହରେ ୬୦ କୋଟି ଆୟ କରିଥିଲା।
ପୁଷ୍ପା-୨ର ନିର୍ଦ୍ଦେଶନା ଦେଇଛନ୍ତି ସୁକୁମାର । ଅଲ୍ଲୁ ଅର୍ଜୁନଙ୍କ ବ୍ୟତୀତ ରଶ୍ମିକା ମନ୍ଦାନା ଏବଂ ଫହାଦ ଫସିଲ ଏହି ଫିଲ୍ମରେ ମୁଖ୍ୟ ଭୂମିକାରେ ଅଛନ୍ତି ।
