କର୍ଲାମୁଣ୍ଡା:୪/୫(ପ୍ରଦୀପ କୁମାର ସାହୁ): କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ରିଷିଡା ପଞ୍ଚାୟତ ଅନ୍ତର୍ଗତ ଗାନ୍ଧିନଗର ପଡାଠାରେ ଗାନ୍ଧିନଗର କ୍ରିକେଟ କମିଟି ପକ୍ଷରୁ ୨ ଦିନଧରି ରାତ୍ରି କାଳୀନ କ୍ରିକେଟ ଟୁର୍ନାମେଣ୍ଟ ଆୟୋଜିତ ହୋଇଯାଇଛି l ଏହି ଟୁର୍ନାମେଣ୍ଟରେ କଳାହାଣ୍ଡି ଓ ବଲାଙ୍ଗୀର ଜିଲାର ୧୬ଟି ଦଳ ଅଂଶଗ୍ରହଣ କରିଥିଲେ l ଉଦଘାଟନୀ ଉତ୍ସବରେ ରିଷିଡା ସରପଞ୍ଚ ସେବତୀ ରଣା ମୁଖ୍ୟ ଅତିଥି ଭାବେ ଯୋଗଦେଇ ଟୁର୍ନାମେଣ୍ଟର ଉଦଘାଟନ କରିଥିଲେ l ଫାଇନାଲ ମ୍ୟାଚ ବେଲଖଣ୍ଡି ଓ ଆୟୋଜକ ଜେଏନସିସି ମଧ୍ୟରେ ଅନୁଷ୍ଠିତ ହୋଇଥିଲା। ଏଥିରେ ଜେଏନସିସି ଦଳକୁ ପରାସ୍ତ କରି ବେଲଖଣ୍ଡି ଦଳ ଚାମ୍ପିୟନ ହୋଇଥିଲା। ବିଜୟୀ ଓ ଉପ ବିଜୟୀ ଦଳକୁ ନଗଦ ରାଶି ସହ ଟ୍ରଫି ପ୍ରଦାନ କରଯାଇଥିଲା।
ଏହି ଅବସରରେ ମୁଖ୍ୟଅତିଥି ଭାବେ ଯୁବଉଦ୍ୟୋଗପତି ସୁନୀଲ କୁମାର କେଡ଼ିଆ,ସମ୍ମାନିତ ଅତିଥି ଭାବରେ ବରିଷ୍ଠ ସାମ୍ବାଦିକ କମ୍ବୁପାଣି ସାହୁ, କର୍ଲାମୁଣ୍ଡା ସାମ୍ବାଦିକ ସଂଘ ସଭାପତି ନରୋତ୍ତମ ସେଲମା, ଉପସଭାପତି ସତ୍ୟନାରାୟଣ କୁମାର, ଶିକ୍ଷକ ମିନିକେତନ ସୁନା, ସମାଜସେବୀ ଗଭୀର ସୁନା, ସିଦ୍ଧାର୍ଥ କୁମାର, ମିନୁ ଚନ୍ଦ୍ର ସୁନା, ପରୀକ୍ଷିତ ସିକଚାନ୍ଦ ପ୍ରମୁଖ ଯୋଗ ଦେଇ ଖେଳାଳୀ ମାନଙ୍କୁ ଉତ୍ସାହିତ କରିଥିଲେ। ବେଲଖଣ୍ଡି ଦଳର ବବଲୁ ମ୍ୟାନ ଅଫ ଦ ମ୍ୟାଚ ଓ ଜେଏନସିସି ଦଳର ସୁରଥ କୁମାର ମ୍ୟାନ ଅଫ ଦ ସିରିଜ ପାଇଥିଲେ l ଫାଇନାଲ ମ୍ୟାଚରେ ଅଜୟ କୁମାର ଓ ବିନାୟକ ସୁନା ଅମ୍ପାୟାର ଦାୟିତ୍ୱ ତୁଲାଇଥିବାବେଳେ ସ୍କୋରବୋର୍ଡ ଆଶିଷ କୁମାର ବାଗ ଓ ଖେଳର ଧାରାବିବରଣୀ ସହିତ ମ୍ୟାଚର ଲାଇଭ ହିମାଂଶୁ ଦୀପ ପ୍ରଦାନ କରୁଥିଲେ l
ଟୁର୍ନାମେଣ୍ଟ ଆୟୋଜନ କମିଟିର ବିନୋଦ କୁମାର, ପପୁ କୁମାର, ପ୍ରବୀଣ କୁମାର, ଅଶ୍ୱିନୀ ସୁନା, ରାକେଶ କୁମାର, ଶିବୁ କୁମାର,ଅଜୟ କୁମାର, ବୁଲୁ ସୁନା ,ସମ୍ବିତ ସୁନା, ପ୍ରିତମ ନାଏକ, ପ୍ରିୟବ୍ରତ ସୁନା, ଚିନ୍ମୟ ସୁନା,ଆକାଶ କୁମାର ଚୁନୁ, ମୁନୁ, ଶ୍ରୀତମ, ବାବୁରା, ନୀତେଶ ସମେତ ଗାନ୍ଧୀନଗର ପଡା ଗ୍ରାମବାସୀ ସହଯୋଗ କରିଥିଲେ l
Dharitri – Odisha’s No.1 Odia Daily
