ଭୁବନେଶ୍ୱର,୧୩ା୧୨(ସୂର୍ଯ୍ୟକାନ୍ତ ବେହେରା): ରାଜଧାନୀରେ ମାତିଲେ ଲୁଟେରା । ପୂର୍ବତନ ଏମପି(ରାଜ୍ୟ ସଭା ସାଂସଦ) ତଥା ଭାରତୀୟ ହକି ଖେଳାଳୀ ଦିଲ୍ଲୀପ ତିର୍କୀଙ୍କ ମୋବାଇଲ ଓ ୨ ଟି ଇୟର ପଡସ ଚୋରି କରିନେଲେ ଦୁର୍ବୃତ୍ତ । ଭୁବନେଶ୍ୱର କଳିଙ୍ଗ ଷ୍ଟାଡିୟମର ଗେଟ-୯ ର ବାହାରେ ଛିଡା ହୋଇଥିବା ସମୟରେ କେହି ଦୁର୍ବୃତ୍ତ ତାଙ୍କର ମୋବାଇଲ ସହ ଅନ୍ୟ ସାମଗ୍ରୀ ଚୋରି କରିନେଇଛି । ଏନେଇ ସେ ଚୋରି ସଂକ୍ରାନ୍ତରେ ନୟାପଲ୍ଲୀ ଥାନାରେ ଅଭିଯୋଗ କରିଛନ୍ତି। ଅଭିଯୋଗ ଆଧାରରେ ପୋଲିସ ଏକ ମାମଲା ରୁଜୁ କରିଥିଲେ ମଧ୍ୟ ଏଯାବତ ଚୋରି ସାମଗ୍ରୀ କିମ୍ବା ଅଭିଯୁକ୍ତଙ୍କ ଟେର ପାଇନାହିଁ । ସେହିଭଳି କିଛି ଦିନ ତଳେ ଏକ ଘରୋଇ ସ୍କୁଲରୁ ଦିଲ୍ଲୀପଙ୍କ ପୁଅଙ୍କର ଆଇଫୋନ ପ୍ୟାଡ ଚୋରି ହୋଇଥିବା ନେଇ ମୈତ୍ରୀବିହାର ଥାନାରେ ଅଭିଯୋଗ ହୋଇଥିଲା ।
