ଗୁଣପୁର,୧୧।୫( ସୁଜାତା ପାଢ଼ୀ):ରାୟଗଡ଼ା ଗୁଳିକାଣ୍ଡ ଘଟଣା ପରେ ଦକ୍ଷିଣ ପଶ୍ଚିମlଞ୍ଚଳ ଡିଆଇଜି ଡ. କନୱର ବିଶାଲ ସିଂ ସୋମବାର ପହଞ୍ଚି ପରିସ୍ଥିତି ଉପରେ ଅନୁଧ୍ୟାନ କରିଛନ୍ତି। ଅପରାଧୀମାନଙ୍କୁ କିଛି ମାତ୍ରାରେ ଚିହ୍ନଟ କରଯାଇଛି l ସେମାନଙ୍କୁ ଧରିବା ପାଇଁ ୬ଟି ପୋଲିସ ଟିମ ଗଠନ ହୋଇଛି ଏବଂ ସମସ୍ତ ପ୍ରକାର ସହାୟତା ନିଆଯାଇଛି l
ଓଡ଼ିଶା ଏଂ ଓଡ଼ିଶା ବାହାରେ ମଧ୍ୟ ଅପରାଧୀମାନଙ୍କୁ ଧରିବା ପାଇଁ ତଦନ୍ତ ଜୋରଦାର କରାଯାଇଛି ବୋଲି ସେ ତାଙ୍କ ପ୍ରତିକ୍ରିୟାରେ କହିଥିଲେ l ମାରଣାସ୍ତ୍ର କେଉଁଠାରୁ ଆସୁଛି ତାହାର ତଦନ୍ତ କରାଯିବ। ଦୋଷୀ ତଥା ଅପରାଧୀମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଏସପିଙ୍କୁ କୁହାଯାଇଛି। ଘଟଣାକୁ ପୋଲିସ ଅତି ଗୁରୁତର ଭାବେ ନେଇଛି l ଭୁବନେଶ୍ବରର ସାଇବର ଏକ୍ସପାର୍ଟଙ୍କ ସହାୟତା ନିଆଯାଉଥିବା ବେଳେ ତଦନ୍ତକାରୀ ଟିମ ରାଜ୍ୟ ତଥା ରାଜ୍ୟ ବାହାରେ ତନାଘନା ଆରମ୍ଭ କରିଛନ୍ତି ବୋଲି ଡିଆଇଜି ସୂଚନା ଦେଇଛନ୍ତି।
ସେହିପରି ରାୟଗଡା ସହରକୁ କେଉଁ ଆଡୁ ମାରଣାସ୍ତ୍ର ଆସୁଛି ତାକୁ ନେଇ ମଧ୍ୟ ଜିଲାରେ ଏକ ସ୍ବତନ୍ତ୍ର ଡ୍ରାଇଭ କରାଯିବା ସହ ଅପରାଧିମାନଙ୍କ ତାଲିକା ପ୍ରସ୍ତୁତ କରାଯାଇ ଆଗାମୀ ୧୫ ଦିନ ମଧ୍ୟରେ ଆଇନ ଅନୁଯାୟୀ ଗିରଫ କରାଯିବ ବୋଲି ଡିଆଇଜି ସୂଚନା ଦେଇଛନ୍ତି। ସହରରେ ଉତ୍ତେଜନାକୁ ଦେଖି ୧୧ ପ୍ଲାଟୁନ ପୋଲିସ ମୁତୟନ ହୋଇଥିବା ପୁଲିସ କହିଛି I ରାୟଗଡ଼ାରେ ଅପରାଧ ନିୟନ୍ତ୍ରଣ ପାଇଁ ଆସନ୍ତା ୧୫ ଦିନ ପର୍ଯ୍ୟନ୍ତ ଏକ ସୱତନ୍ତ୍ର ଆଣ୍ଟି-କ୍ରାଇମ ଡ୍ରାଇଭ ବା ଅପରାଧ ବିରୋଧୀ ଅଭିଯାନ ଆରମ୍ଭ କରାଯାଇଛି। ବିଶେଷ କରି ବେଆଇନ ଅସ୍ତ୍ରଶସ୍ତ୍ର କାରବାର ଉପରେ କଡ଼ା ନଜର ରଖାଯିବ। ଅପରାଧରେ ସମ୍ପୃକ୍ତ ବ୍ୟକ୍ତିଙ୍କ ବିରୋଧରେ ଜାତୀୟ ସୁରକ୍ଷା ଆଇନ ଏବଂ ଭାରତୀୟ ନ୍ୟାୟ ସଂହିତା ର ଧାରା ଅନୁଯାୟୀ, କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ପରିଶେଷରେ ଡିଆଇଜି ଜନସାଧାରଣ ପୋଲିସକୁ ସହଯୋଗ କରିବାକୁ ଅନୁରୋଧ କରିଛନ୍ତି।
Dharitri – Odisha’s No.1 Odia Daily
