ମୁମ୍ବାଇ: ନିକଟରେ ଅମିର ଖାନଙ୍କ ଝିଅ ଇରା ତାଙ୍କ ନୂଆ ଜୀବନ ଆରମ୍ଭ କରିଛନ୍ତି। ସେ ତାଙ୍କର ପ୍ରେମିକ ନୂପୁର ଶିଖରଙ୍କୁ ବିବାହ କରିଛନ୍ତି।
ବିବାହ ପରେ ୧୩ ଜାନୁଆରୀରେ ମୁମ୍ବାଇରେ ଏକ ଗ୍ରାଣ୍ଡ ରିସେପ୍ଶନ ପାର୍ଟି ଆୟୋଜିତ ହୋଇଥିଲା। ଯେଉଁଥିରେ ଅନେକ ଫିଲ୍ମ ଷ୍ଟାର ଯୋଗ ଦେଇଥିଲେ। କିନ୍ତୁ ଅମିରଙ୍କ ପୂର୍ବତନ ସ୍ତ୍ରୀ
କିରଣ ରାଓ ଆରମ୍ଭରୁ ଇରାଙ୍କ ବିବାହ କାର୍ଯ୍ୟରେ ଭାଗ ନେଇଥିଲେ। କିନ୍ତୁ ମୁମ୍ବାଇରେ ଆୟୋଜିତ ରିସେପ୍ଶନ ପାର୍ଟିରେ କିରଣଙ୍କୁ ଦେଖିବାକୁ ମିଳି ନ ଥିଲା। ଏଭଳି ପରିସ୍ଥିତିରେ ୟୁଜରମାନେ ସୋସିଆଲ ମିଡିଆରେ ଅନେକ ପ୍ରକାରର ମନ୍ତବ୍ୟ ଦେଉଥିବାର ଦେଖାଯାଇଥିଲା।
View this post on Instagram
ଏହି ପାର୍ଟିରେ ଖାନ୍ ପରିବାର ଏକ ପରିବାର ଫଟୋ ସାମ୍ନାକୁ ଆସିଥିଲା। କିନ୍ତୁ ଏଥିରେ କିରଣଙ୍କୁ ଦେଖଇବାକୁ ମିଳିଲାନି। ଏଭଳି ପରିସ୍ଥିତିରେ ଯେତେବେଳେ ଅମିରଙ୍କୁ ପଚରାଗଲା ସେ କହିଛନ୍ତି, କିରଣ ଜୀ ଆଜି ଅସୁସ୍ଥ ଅଛନ୍ତି। ତାଙ୍କର ଭାଇରାଲ ଜ୍ୱର ହୋଇଛି, ଯେଉଁଥିପାଇଁ ସେ ଏହି କାର୍ଯ୍ୟକ୍ରମରେ ଯୋଗ ଦେଇ ନ ଥିଲେ, କିନ୍ତୁ ସେ ତାଙ୍କର ଆଗାମୀ ନୂଆ ଫିଲ୍ମ ଟିମ୍ର ସମସ୍ତଙ୍କୁ ପରିଚିତ କରାଇଥିଲେ।
ସଲମାନ ଖାନ୍ଠାରୁ ରେଖା, ସାଇରା ବାନୁ, ହେମା ମାଳିନୀ, ମାଧୁରୀ ଦୀକ୍ଷିତ, ଜୁହି ଚାଓ୍ବଲା, କ୍ୟାଟ୍ରିନା କୈଫ୍, ରଣବୀର କପୁର, ଧର୍ମେନ୍ଦ୍ର, ସଚିନ ତେନ୍ଦୁଲକର, ଆଦିତ୍ୟ ରାଓ, ସିଦ୍ଧାର୍ଥ, ଫରହାନ ଅଖତର, ଶିବାନୀ ଦାଣ୍ଡେକର, ସିଦ୍ଧ ପନ୍ଥନ ଶ୍ରୀୟା ଶରଣ, ରୋନିତ୍ ରୟ, ରାଜପାଲ ଯାଦବ, ଅମିଶା ପଟେଲ, କାର୍ତ୍ତିକ ଆର୍ୟନଙ୍କ ସମେତ ବହୁ ଜଣାଶୁଣା ଷ୍ଟାର୍ ସାମିଲ ଥିଲେ।
