ମସ୍କୋ,୬।୧୧: ମାର୍ଚ୍ଚରେ ହେବାକୁ ଥିବା ରାଷ୍ଟ୍ରପତି ନିର୍ବାଚନରେ ରୁଷିଆର ରାଷ୍ଟ୍ରପତି ଭ୍ଲାଦିମିର ପୁଟିନ୍ ନିର୍ବାଚନ ଲଢିବାକୁ ନିଷ୍ପତ୍ତି ନେଇଛନ୍ତି। ଏକ ସୂତ୍ରରୁ ଏହା ଜଣାପଡଛି। ପୁଟିନ୍ଙ୍କ ଏହି ନିଷ୍ପତ୍ତି ସହିତ ସେ ପ୍ରାୟ ୨୦୩୦ ପର୍ଯ୍ୟନ୍ତ କ୍ଷମତାରେ ରହିବେ ଏବଂ ରୁଷିଆର ନେତୃତ୍ୱ ନେବେ।
୧୯୯୯ ରେ ବୋରିସ ୟେଲତାସିନ ପୁଟିନ୍ଙ୍କୁ ରାଷ୍ଟ୍ରପତି ପଦ ପ୍ରଦାନ କରିଥିଲେ। ଏହା ପରେ ପୁଟିନ୍ ଜୋସେଫ ଷ୍ଟାଲିନଙ୍କ ପରଠାରୁ କୌଣସି ଅନ୍ୟ ରୁଷିଆ ଶାସକଙ୍କ ଅପେକ୍ଷା ଅଧିକ ସମୟ କାର୍ଯ୍ୟ କରିଛନ୍ତି। ଏପରିକି ଲିଓନଦ ବ୍ରେଝନେଭଙ୍କ କାର୍ଯ୍ୟକାଳ ମାତ୍ର ୧୮ ବର୍ଷ ଥିଲା। ସୂତ୍ରରୁ ପ୍ରକାଶ ଯେ ପୁଟିନ୍ଙ୍କ ନିଷ୍ପତ୍ତି ଖବର ସାମ୍ନାକୁ ଆସିଛି ଏବଂ ପରାମର୍ଶଦାତା ବର୍ତ୍ତମାନ ପୁଟିନଙ୍କ ନିର୍ବାଚନ ପ୍ରଚାର ପାଇଁ ବ୍ୟସ୍ତ ଅଛନ୍ତି।
