ଢାକା,୬ା୮: ଡେଙ୍ଗୁ ଜ୍ୱରରେ ୨୦ ବର୍ଷ ମଧ୍ୟରେ ବାଂଲାଦେଶରେ ୩୦୦ରୁ ଊର୍ଦ୍ଧ୍ୱ ଲୋକ ପ୍ରାଣ ହରାଇଥିବା ବେଳେ ୬୦୦୦୦ରୁ ଅଧିକ ଆକ୍ରାନ୍ତ ହୋଇଥିବା ଏକ ରିପୋର୍ଟରୁ ପ୍ରକାଶ। ଏପରିକି ବର୍ତ୍ତମାନ ଡାକ୍ତରଖାନାରେ ରୋଗୀମାନଙ୍କ ପାଇଁ ଶଯ୍ୟା ମିଳୁନି। ଏହି ଜନବହୁଳ ଦେଶରେ ଡେଙ୍ଗୁ ଖୁବ୍ ତୀବ୍ର ବେଗରେ ବ୍ୟାପୁଛି।
ଡେଙ୍ଗୁ ସଂକ୍ରମିତ ରୋଗୀମାନେ ବାଂଲାଦେଶର ଢାକାସ୍ଥିତ ସାର୍ ସଲିମୁଲ୍ଲା ମେଡିକାଲ କଲେଜ ହସ୍ପିଟାଲରେ ଭର୍ତ୍ତି ହୋଇଥିବା ଦେଖିବାକୁ ମିଳିଛି। ସରକାରୀ ଆକଳନ ଅନୁଯାୟୀ, ୨୦୨୩ରେ ଏପର୍ଯ୍ୟନ୍ତ ଅତି କମ୍ରେ ୨୯୩ ଜଣଙ୍କର ମୃତ୍ୟୁ ଘଟିଛି ଏବଂ ପ୍ରାୟ ୬୧,୫୦୦ ଲୋକ ସଂକ୍ରମିତ ହୋଇଛନ୍ତି।
ବିଶେଷକରି ରାଜଧାନୀ ଢାକାରେ ଥିବା ଡାକ୍ତରଖାନାଗୁଡ଼ିକ ଅଧିକ ଜ୍ୱର, ଗଣ୍ଠି ଯନ୍ତ୍ରଣା ଏବଂ ବାନ୍ତିରେ ପୀଡ଼ିତ ରୋଗୀଙ୍କ ପାଇଁ ସ୍ଥାନ ଖୋଜିବାକୁ ସଂଘର୍ଷ କରୁଛନ୍ତି ବୋଲି ସ୍ବାସ୍ଥ୍ୟ ଅଧିକାରୀ କହିଛନ୍ତି।
ସଚେତନତା ଅଭିଯାନଠାରୁ ଆରମ୍ଭ କରି ବର୍ଷା ପରେ ମଶା ଲାର୍ଭା ମାରିବା ପାଇଁ ଉଦ୍ୟମ ପର୍ଯ୍ୟନ୍ତ ସରକାର ମଶା ଜନିତ ରୋଗର ପ୍ରସାରକୁ ସୀମିତ ରଖିବା ପାଇଁ ପଦକ୍ଷେପ ଆରମ୍ଭ କରିଥିବା ସ୍ବାସ୍ଥ୍ୟମନ୍ତ୍ରୀ ଜାହିଦ ମଲେକ କହିଛନ୍ତି।
