ପଣଜୀ,୨୨।୭: ଗୁଜରାଟ ଦଙ୍ଗା ଉପରେ ବିବିିସି ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ କରି ଏକ ଡକ୍ୟୁମେଣ୍ଟାରୀ ପ୍ରସ୍ତୁତ କରିଥିଲା। ଯାହାକୁ ନେଇ ଜାତୀୟ ରାଜନୀତି ସରଗରମ ହୋଇ ଉଠିଥିଲା। ତେବେ ଏହି ଡକ୍ୟୁମେଣ୍ଟାରୀ ବିରୋଧରେ ଗୋଆ ବିଧାନସଭାରେ ଏକ ନିନ୍ଦା ପ୍ରସ୍ତାବ ପାରିତ କରାଯାଇଛି। ପ୍ରସ୍ତାବରେ କୁହାଯାଇଛି ଯେ, ୨୦୦୨ ଗୁଜୁରାଟ ଦଙ୍ଗା ଉପରେ ତତ୍କାଳୀନ ଗୁଜୁରାଟ ସରକାରଙ୍କୁ ଦାୟୀ କରିବା ବିବିସିର ବନ୍ଦ ଉଦ୍ଦେଶ୍ୟ।
ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତ କହିଛନ୍ତି, ଭାରତର ଗଣତାନ୍ତ୍ରିକ ଉପାୟରେ ନିର୍ବାଚିତ ନେତାଙ୍କ ବିରୋଧରେ ମିଥ୍ୟା ଆଧାରରେ ଏକ ଡକ୍ୟୁମେଣ୍ଟାରୀ ପ୍ରକାଶ କରି ବିବିସି ଭାରତକୁ ବଦନାମ କରିବାକୁ ଚେଷ୍ଟା କରିଛି। ବିସିସିଆଇର କାର୍ଯ୍ୟକୁ ନିନ୍ଦା କରିବା ପାଇଁ ବିଧାନସଭା ଏହି ପ୍ରସ୍ତାବ ପାରିତ କରିଛି।
ବିଧାନସଭାରେ ବିରୋଧୀ ଦଳର ନେତା ୟୁରୀ ଆଲେମାଓ ଏହି ପ୍ରସ୍ତାବକୁ ବିରୋଧ କରିଛନ୍ତି। ସେ କହିଛନ୍ତି, ଏହି ମାମଲା କୋର୍ଟରେ ବିଚାରଧୀନ ଅଛି। ଭାରତରେ ଏହି ଡକ୍ୟୁମେଣ୍ଟାରୀ ପୂର୍ବରୁ ନିଷିଦ୍ଧ ହୋଇସାରିଛି ତେବେ ଏହା ଉପରେ କିଭଳି ପ୍ରସ୍ତାବ ପାରିତ ହୋଇପାରିବ।
