ମେଙ୍ଗାଲୁରୁ,୧୭ ।୮: କର୍ନାଟକର ମେଙ୍ଗାଲୁରୁରେ ଏକ ଦମ୍ପତି ବ୍ଲାକ ଫଙ୍ଗସକୁ ଡରି ଆତ୍ମହତ୍ୟା କରିଥିବା ଜଣାପଡିଛି । ଉଭୟ କରୋନାରେ ସଂକ୍ରମିତ ଥିଲେ । ସୁଇସାଇଟ ନୋଟରେ ସ୍ୱାମୀ ଲେଖିଛନ୍ତି ମୋ ପତ୍ନୀ ମଧୁମେହରେ ପୀଡ଼ିତ, ସମାଚାର ଚ୍ୟାନେଲରେ ଦେଖାଯାଉଛି କି କରୋନାରେ ସଂକ୍ରମିତ ମଧୁମେହ ରୋଗୀ ବ୍ଲାକ ଫଙ୍ଗସରେ ସଂକ୍ରମିତ ହେବେ ଓ ଏହାଦ୍ୱାରା ଶରୀରର କିଛି ଅଙ୍ଗ ନଷ୍ଟ ହୋଇଯିବ । ଏଥିପାଇଁ ବହୁମୂଲ୍ୟ ଦେବାକୁ ପଡିବ ତେଣୁ ଆମେ ଆତ୍ମହତ୍ୟା କରୁଛୁ । ମୃତକ ରମେଶ(୪୦) ଓ ଗୁନା ଆର୍ ସୁବର୍ଣ୍ଣା(୩୫) ବୋଲି ଚିହ୍ନଟ କରାଯାଇଛି । ଏହି ଦମ୍ପତି ମାଙ୍ଗାଲୁରୁର ଏକ ଆପାର୍ଟମେଣ୍ଟରେ ରହୁଥିଲେ । ଗତ ଏକ ସପ୍ତାହ ହେବ ଏମାନେ କରୋନାରେ ପୀଡିତ ହୋଇଥିଲେ । ତେବେ ଆତ୍ମହତ୍ୟା କରିବା ପୂର୍ବରୁ ଏମାନେ ପୋଲିସ କମିଶନର ଏନ୍ ଶଶି କୁମାରଙ୍କୁ ଏକ ଅଡିଓ ମେସେଜ୍ ଦେଇଥିଲେ । ଏଥିରେ ସେମାନେ କହିଥିଲେ କି ବ୍ଲାକ ଫଙ୍ଗସ ଡରରେ ଆମେ ଆତ୍ମହତ୍ୟା କରୁଛି । ଏହାପରେ ପୋଲିସ କମିଶନର ସେମାନଙ୍କୁ ଆତ୍ମହତ୍ୟା କରିବାକୁ ବାରଣ କରିବା ସହ ଗଣମାଧ୍ୟମକୁ ଏହି ଖବର ଦେଇ ସେମାନଙ୍କୁ ଖୋଜି ବାହାର କରିବାକୁ ଚେଷ୍ଟା କରିଥିଲେ । ଏମାନେ ସମସ୍ତେ ଆପାର୍ଟମେଣ୍ଟରେ ପହଞ୍ଚିବା ବେଳକୁ ଦମ୍ପତି ଆତ୍ମହତ୍ୟା କରି ସାରିଥିଲେ । ଡେଥ ନୋଟରେ କୁହାଯାଇଛି କି ଗୁନାଙ୍କର କିଛି ସ୍ୱାସ୍ଥ୍ୟ ସମସ୍ୟା ଥିଲା ଯାହା ଫଳରେ ସେ କେବେ ମା’ ହୋଇ ପାରିବେ ନାହିଁ ବୋଲି ଡାକ୍ତର କହିଥିଲେ । ସେଥିପାଇଁ ସେ ପାଖ ପଡୋଶୀଙ୍କ ସହ ବେଶି ମିଳାମିଶା କରୁ ନ ଥିଲେ । କାରଣ ସେମାନେ ସନ୍ତାନ ବିଷୟରେ ତାଙ୍କୁ ପଚାରୁଥିଲେ । ଏଥିରେ ଆହୁରି ମଧ୍ୟ ଲେଖାଯାଇଛି କି ଆମେ ଅନୁରୋଧ କରୁଛୁ ଶରଣ ପମ୍ପବେଲ ଓ ସତ୍ୟଜିତ ସୁରଥକଲ ହିନ୍ଦୁ ରିତିନୀତି ଅନୁଯାୟୀ ଆମର ଅନ୍ତିମ ସଂସ୍କାର କରିବେ ଏଥିରେ ପୋଲିସ କମିଶନର ତାଙ୍କୁ ସହଯୋଗ କରିବେ । ଆଉ ଅନ୍ତିମ ସଂସ୍କାର ପାଇଁ ଆମେ ୧ ଲକ୍ଷ ଟଙ୍କା ରଖିଛୁ । ଏହାସହ ଘରର ଜିପିଷପତ୍ର ଗରିବଙ୍କ ମଧ୍ୟରେ ବାଣ୍ଟିଦେବେ । କାରଣ ଏହା ଆମର ମାତାପିତାଙ୍କର କାମରେ ଆସିବ ନାହିଁ । ପୋଲିସ କମିଶନର ଏନ୍ ଶଶି କୁମାର କହିଛନ୍ତି । ଏହା ଦୁର୍ଭାଗ୍ୟପୂର୍ଣ୍ଣ କାରଣ କର୍ନାଟକରେ ପ୍ରାୟ ୨୮ ଲକ୍ଷ ଲୋକ କରୋନାରୁ ସୁସ୍ଥ ହୋଇଛନ୍ତି ।
