ନୂଆଦିଲ୍ଲୀ,୧୮।୧୧: ରେଳବାଇ ଦ୍ୱାରା ପ୍ରବର୍ତ୍ତିତ ଭଡ଼ା ସଂସ୍କାର ଯୋଗୁଁ ମଧ୍ୟବିତ୍ତ ପରିବାର ପାଇଁ ସିମେଣ୍ଟ ପରିବହନ ଖର୍ଚ୍ଚ ହ୍ରାସ ପାଇବ ବୋଲି ମଙ୍ଗଳବାର କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି।
ସେ କହିଛନ୍ତି ଯେ, ସିମେଣ୍ଟ ପରିବହନ ଲଜିଷ୍ଟିକ୍ସକୁ ସରଳ କରିବା ପାଇଁ ଟ୍ୟାଙ୍କ କଣ୍ଟେନରରେ ବଲ୍କ ସିମେଣ୍ଟ ପାଇଁ ଭଡ଼ାର ଯୁକ୍ତିକରଣ ଏବଂ ବଲ୍କ ସିମେଣ୍ଟ ଟର୍ମିନାଲ୍ ପାଇଁ ନୀତିର ଶୁଭାରମ୍ଭ କରାଯାଇଛି।
ଏକ ନୂତନ ଟ୍ୟାଙ୍କ କଣ୍ଟେନର ଡିଜାଇନ୍ କରାଯାଇଛି ଯେଉଁଥିରେ କାରଖାନାରେ ହିଁ ବଲ୍କ ସିମେଣ୍ଟ୍ ଲୋଡ୍ ହୋଇ ବିନା ପ୍ରଦୂଷଣରେ ସିଧାସଳଖ ଖାଉଟିଙ୍କ ପାଖରେ ପହଞ୍ଚି ପାରିବ। ଏହି ବ୍ୟବସ୍ଥା ଅନ୍ତର୍ଗତ, ପରିବହନ ଦୂରତା ଓ ଓଜନ ସ୍ଲାବ୍ ହଟାଇ ଦିଆଯାଇଛି। ସଂଶୋଧିତ ବ୍ୟବସ୍ଥାରେ, ବାସ୍ତବ ଦୂରତା ପାଇଁ ପ୍ରତି ଟନ୍ ପ୍ରତି କିଲୋମିଟର ପିଛା ଫ୍ଲାଟ୍ ରେଟ୍ ୦.୯୦ ପଇସା ଧାର୍ଯ୍ୟ କରାଯାଇଛି।
🚆 Railway Reforms for Cement Transportation
Policy for new bulk cement terminals and rate rationalisation will reduce cost of cement and support affordable housing for middle and lower middle-income families.
This cleaner, faster and door-to-door service of bulk cement will… pic.twitter.com/P102eRhgL7
— Ashwini Vaishnaw (@AshwiniVaishnaw) November 18, 2025
ଏହି ନୀତି ‘ମେକ୍ ଇନ୍ ଇଣ୍ଡିଆ’ ଉତ୍ପାଦ ଟ୍ୟାଙ୍କ କଣ୍ଟେନର ବ୍ୟବହାରକୁ ପ୍ରୋତ୍ସାହିତ କରୁଛି, ଯାହା ମଲ୍ଟିମୋଡାଲ୍ ପରିବହନ ପାଇଁ ଉପଯୁକ୍ତ। ଏହା ବ୍ୟତୀତ, ରେଳବାଇ ସାରା ଦେଶରେ ବଲ୍କ ସିମେଣ୍ଟ ଟର୍ମିନାଲ୍ (BCT) ବିକାଶ ପାଇଁ ସୁବିଧା ଯୋଗାଇବ, ଯାହା ସିମେଣ୍ଟର ସହଜ ହ୍ୟାଣ୍ଡଲିଂ, ସଂରକ୍ଷଣ ଏବଂ ବିତରଣରେ ସାହାଯ୍ୟ କରିବ।
ସେ ଆହୁରି ମଧ୍ୟ କହିଛନ୍ତି ଯେ ଭାରତ ୧.୬ ବିଲିୟନ ଟନ୍ ପରିବହନ କରି ବିଶ୍ୱର ଦ୍ୱିତୀୟ-ବୃହତ୍ତମ ମାଲ୍ ପରିବହନକାରୀ ରେଳବାଇ ଭାବରେ ଯୁକ୍ତରାଷ୍ଟ୍ରକୁ ଅତିକ୍ରମ କରିଛି।
