ନୂଆଦିଲ୍ଲୀ,୨୧।୪: ଦିଲ୍ଲୀର ବୁରାରି ଅଞ୍ଚଳରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଜଣେ ୩୬ ବର୍ଷୀୟ ପୁଅ ନିଶାଗ୍ରସ୍ତ ଅବସ୍ଥାରେ ନିଜ ୭୦ ବର୍ଷୀୟା ବୃଦ୍ଧା ମା’ଙ୍କ ବଳାତ୍କାର କରିଛନ୍ତି। ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ପୋଲିସ ଅଭିଯୁକ୍ତକୁ ଜେଲରେ ରଖିଛି। ପୀଡିତା ତାଙ୍କ ୧୬ ବର୍ଷୀୟା ନାତୁଣୀ ଏବଂ ଅଭିଯୁକ୍ତ ପୁଅ ସହିତ ବୁରାରିରେ ରୁହନ୍ତି। ପରିବାର ପ୍ରତିପୋଷଣ ପାଇଁ ବୃଦ୍ଧା ମହିଳା ଆଜି ପର୍ଯ୍ୟନ୍ତ ଅନ୍ୟ ଲୋକଙ୍କ ଘରେ ବାସନ ମାଜି ପେଟ ପୋଷନ୍ତି।
ତାଙ୍କର ୩୬ ବର୍ଷୀୟ ପୁଅ ଦୀର୍ଘ ଦିନ ଧରି ନିଶା ସେବନ କରିଆସୁଛନ୍ତି ଏବଂ କୌଣସି ଚାକିରି କିମ୍ବା ବୃତ୍ତି ନାହିଁ। ସେ ପ୍ରାୟତଃ ଘର ଭିତରେ ଝଗଡ଼ା କରୁଥିଲେ। ଘଟଣାଟି ଶୁକ୍ରବାର ଦିନ ଆରମ୍ଭ ହୋଇଥିଲା। ଅଭିଯୁକ୍ତ ତାଙ୍କ ୧୬ ବର୍ଷୀୟା ଝିଅକୁ ପିଟିଥିଲେ। ତାଙ୍କ ବାପାଙ୍କ ପ୍ରତିଦିନ ଘରୋଇ କଳହରୁ ବିରକ୍ତ ହୋଇ ଝିଅ ତାଙ୍କ ମାଉସୀ ଘରକୁ ରହିବାକୁ ଚାଲିଯାଇଥିଲେ। ଶନିବାର ରାତିରେ ବୃଦ୍ଧା ମା’ ଘରେ ଏକା ଥିଲେ, ଅଭିଯୁକ୍ତ ପୁଅ ମଦ୍ୟପାନ କରି ସେଠାରେ ପହଞ୍ଚିଲେ। ମାତୃତ୍ୱର ସ୍ନେହ ପ୍ରଦର୍ଶନ କରି ମା’ ତାଙ୍କୂ ରାତ୍ରୀଭୋଜନ କରିବାକୁ ଅନୁରୋଧ କରିଥିଲେ। କିନ୍ତୁ ନିଶାଗ୍ରସ୍ତ ପୁଅ ତାଙ୍କ ମା’ଙ୍କ ହାତ ଗୋଡ଼ ବାନ୍ଧି ତାଙ୍କ ଉପରେ ଯୌନ ନିର୍ଯାତନା ଭଳି ଘୃଣ୍ୟ କାର୍ଯ୍ୟ କରିଥିଲେ।
ଏହି ଘୃଣ୍ୟ କାର୍ଯ୍ୟ ପରେ ତାଙ୍କ ମା’ଙ୍କୁ ଏହି ଅସହାୟ ଅବସ୍ଥାରେ ଛାଡି ଅଭିଯୁକ୍ତ ପୁଅ ସାରା ରାତି ଶୋଇପଡ଼ିଥିଲେ। ରବିବାର ଭୋର ପ୍ରାୟ ୪:୦୦ ଟାରେ ପୀଡିତା କୌଣସି ପ୍ରକାରେ ତାଙ୍କ ହାତ ଗୋଡ଼ ଖୋଲିବାରେ ସଫଳ ହେଲେ। ସେ ତୁରନ୍ତ ତାଙ୍କ ଝିଅ (ଅଭିଯୁକ୍ତଙ୍କ ଭଉଣୀ)ଙ୍କୁ ଫୋନ କରି ଘଟଣା ବିଷୟରେ ଜଣାଇଲେ, ଯାହା ପରେ ପୋଲିସକୁ ଖବର ଦିଆଯାଇଥିଲା।
ଘଟଣାର ଗୁରୁତ୍ୱକୁ ଅନୁଭବ କରି ବୁରାରି ପୋଲିସ ଷ୍ଟେଶନ ତୁରନ୍ତ ଏକ ଏଫଆଇଆର୍ ରୁଜୁ କରିଛି। ପୋଲିସ ପୀଡିତା ଏବଂ ତାଙ୍କ ନାତୁଣୀ ଉଭୟଙ୍କର ଡାକ୍ତରୀ ପରୀକ୍ଷା କରିଛି। ଅଭିଯୁକ୍ତ ପୁଅକୁ ଗିରଫ କରାଯାଇଛି ଏବଂ ଯୌନ ନିର୍ଯାତନା ଭୁଲ ଭାବରେ ବନ୍ଦୀ ରଖିବା ଏବଂ ଶାରୀରିକ ଆକ୍ରମଣ ସମ୍ପର୍କିତ ଆଇନର ଗମ୍ଭୀର ଧାରା ଅନୁଯାୟୀ ଅଭିଯୁକ୍ତଙ୍କୁ ଗିରଫ କରାଯାଇଛି। ପୋଲିସ କହିଛି ଯେ, ଅଭିଯୁକ୍ତଙ୍କୁ ଯଥାସମ୍ଭବ କଠୋର ଦଣ୍ଡ ଦେବା ପାଇଁ ପ୍ରମାଣ ସଂଗ୍ରହ କରାଯାଉଛି।
Dharitri – Odisha’s No.1 Odia Daily
