ଇଂଲଣ୍ଡ,୧୩।୭: ଲର୍ଡସରେ ଚାଲିଥିବା ଭାରତ ବନାମ ଇଂଲଣ୍ଡ ତୃତୀୟ ଟେଷ୍ଟରେ ଭାରତ ଆଗରେ ୧୯୩ ରନର ବିଜୟ ଲକ୍ଷ୍ୟ ରହିଛି। ଚତୁର୍ଥ ଦିନର ଖେଳ ଶେଷ ହେବା ସମୟରେ ଭାରତ ୫.୧ ଓଭରରେ ୨୧/୧ ସ୍କୋର କରିଛି, ଯେଉଁଥିରେ ଯଶସ୍ୱୀ ଜୟସୱାଲ (୦) ଆଉଟ ହୋଇଥିବା ବେଳେ କେ.ଏଲ. ରାହୁଲ ୧୨* ଓ କରୁଣ ନାୟାର ୪* ରନରେ ଅପରାଜିତ ଅଛନ୍ତି। ଏହି ମ୍ୟାଚରେ ସିରିଜ ୧-୧ରେ ସମତାରେ ରହିଥିବା ବେଳେ ଭାରତ ଏହି ବିଜୟ ଲକ୍ଷ୍ୟ ହାସଲ କରି ସିରିଜରେ ୨-୧ରେ ଆଗୁଆ ହେବାକୁ ଚାହୁଁଛି।
ପ୍ରଥମ ଇନିଂସରେ ଉଭୟ ଦଳ ୩୮୭ ରନରେ ଅଲଆଉଟ ହୋଇଥିଲେ, ଯାହା ଟେଷ୍ଟ କ୍ରିକେଟ ଇତିହାସରେ ଏକ ବିରଳ ଘଟଣା। ଭାରତର ପ୍ରଥମ ଇନିଂସରେ କେ.ଏଲ. ରାହୁଲଙ୍କ ୧୦୦, ଋଷଭ ପନ୍ତଙ୍କ ୭୪ ଓ ରବୀନ୍ଦ୍ର ଜାଡେଜାଙ୍କ ୭୨ ରନ ଗୁରୁତ୍ୱପୂର୍ଣ୍ଣ ଥିଲା। ଇଂଲଣ୍ଡ ପକ୍ଷରୁ କ୍ରିସ ୱୋକ୍ସ ୩/୮୪ ଓ ଜୋଫ୍ରା ଆର୍ଚର ଦୁଇଟି ୱିକେଟ ନେଇଥିଲେ।
ଇଂଲଣ୍ଡର ଦ୍ୱିତୀୟ ଇନିଂସ ୬୨.୧ ଓଭରରେ ୧୯୨ ରନରେ ସମାପ୍ତ ହୋଇଥିଲା। ୱାଶିଂଟନ ସୁନ୍ଦରଙ୍କ ଅସାଧାରଣ ବୋଲିଂ (୪/୨୨) ଇଂଲଣ୍ଡକୁ ବଡ଼ ସ୍କୋର କରିବାରୁ ରୋକିଥିଲା। ସୁନ୍ଦର ଜୋ ରୁଟ (୪୦), ଜେମି ସ୍ମିଥ (୮), ବେନ ସ୍ଟୋକ୍ସ (୩୩) ଓ ଶୋଏବ ବଶିରଙ୍କ ୱିକେଟ ନେଇ ଇଂଲଣ୍ଡକୁ ୧୫୪/୪ରୁ ୧୯୨ରେ ଅଲଆଉଟ କରିଥିଲେ। ଜସପ୍ରୀତ ବୁମରା ଓ ମହମ୍ମଦ ସିରାଜ ୨ଟି ଲେଖାଏଁ ୱିକେଟ ନେଇଥିବା ବେଳେ ଆକାଶ ଦୀପ ଓ ନୀତିଶ କୁମାର ରେଡ୍ଡୀ ଗୋଟିଏ ଲେଖାଏଁ ୱିକେଟ ହାସଲ କରିଥିଲେ।
