ନୂଆଦିଲ୍ଲୀ, ୨୬।୦୭: କରୋନା ସମୟରେ ୨୦୦ କୋଟି ଟଙ୍କାର ଏକ ବଡ ଦୁର୍ନୀତିର ଖୁଲାସା କରିଛି ଦୁର୍ନୀତି ନିବାରଣ ବ୍ୟୁରୋ ବା ଏସିବି । ଏହି ଦୁର୍ନୀତି ଅଭିଯୋଗରେ ଏସିବି ଅବସରପ୍ରାପ୍ତ ଏଡିଜି (ପିଡବ୍ଲ୍ୟୁଡି) ଏବଂ ଦୁଇଟି ଘରୋଇ ସଂସ୍ଥାର ମାଲିକଙ୍କୁ ଗିରଫ କରିଛି। ଅଭିଯୋଗ ହୋଇଛି ଯେ, କରୋନା ସମୟରେ ପିଡବ୍ଲ୍ୟୁଡି ଅଧିକାରୀମାନେ ଏହି ବେସରକାରୀ ସଂସ୍ଥାଗୁଡ଼ିକର ଅନାବଶ୍ୟକ ଏବଂ ଅସମ୍ପୂର୍ଣ୍ଣ କାର୍ଯ୍ୟ ପାଇଁ କୋଟି କୋଟି ଟଙ୍କାର ନକଲି ବିଲ୍ ପାସ୍ କରିଛନ୍ତି ।
ଘରୋଇ କମ୍ପାନୀଗୁଡିକ ଉଠାଇଥିବା ବିଲ୍ରେ ବଡ଼ ଧରଣର ଅନିୟମିତତା ଦେଖିବାକୁ ମିଳିଛି। ଟଙ୍କା ଲୋଭ ହେତୁ ପିଡବ୍ଲ୍ୟୁଡି ଅଧିକାରୀମାନେ ଏହି ବେସରକାରୀ ସଂସ୍ଥାଗୁଡ଼ିକର ଏହି ନକଲି ବିଲ ପାସ କରିଛନ୍ତି। କୋଭିଡ ସମୟରେ, ପିଡବ୍ଲ୍ୟୁଡି ବିଭିନ୍ନ କାର୍ଯ୍ୟ ପାଇଁ ଦିଲ୍ଲୀର ୮ ଟି ଡାକ୍ତରଖାନାକୁ ଟେଣ୍ଡର ଦେଇଥିଲା। ଦିଲ୍ଲୀର ଏହି ଡାକ୍ତରଖାନାଗୁଡ଼ିକ ମଧ୍ୟରେ ଏଲ୍ଏନ୍ଜେପି, ଜିଟିବି, ବିଏସ୍ଏ, ଜିବି ପନ୍ଥ ରହିଛନ୍ତି । ଦୁର୍ନୀତିରେ ଲିପ୍ତ ଅଧିକାରୀ ଅସତ୍ ଉପାୟରେ ୫୬ଟି ଟେଣ୍ଡର ପ୍ରଦାନ କରିଥିବା ଜଣାପଡ଼ିଛି ।
