ନୂଆଦିଲ୍ଲୀ,୨୫।୬: ଦିଲ୍ଲୀର ଜଳ ସଙ୍କଟକୁ ନେଇ ଭୋକ ହଙ୍ଗର ଷ୍ଟ୍ରାଇକରେ ବସିଥିବା ଜଳ ମନ୍ତ୍ରୀ ଆତିଶି ଜୁନ ୨୪-୨୫ର ମଧ୍ୟବର୍ତ୍ତୀ ରାତିରେ ଅସୁସ୍ଥ ହୋଇ ପଡିଛନ୍ତି। ଏହା ପରେ ଆମ ଆଦମୀ ପାର୍ଟି (ଏଏପି) ନେତା ସଞ୍ଜୟ ସିଂ ଏବଂ ଦଳର ଅନ୍ୟ ନେତା ତଥା କର୍ମୀମାନେ ତାଙ୍କୁ ବିଳମ୍ବିତ ରାତିରେ ଲୋକ ନାୟକ ଜୟପ୍ରକାଶ ନାରାୟଣ ଡାକ୍ତରଖାନା (LNJP)ରେ ଭର୍ତ୍ତି କରିଛନ୍ତି।
ଦିଲ୍ଲୀ ସରକାରର ମନ୍ତ୍ରୀ ସୌରଭ ଭରଦ୍ୱାଜ କହିଛନ୍ତି, ତାଙ୍କ (ଆତିଶିଙ୍କ) ରକ୍ତରେ ଶର୍କରା ସ୍ତର ରାତିରୁ ହ୍ରାସ ପାଉଛି। ଯେତେବେଳେ ଆମେ ତାଙ୍କ ରକ୍ତ ନମୁନା ଦେଇଥିଲୁ, ଶର୍କରା ସ୍ତର ୪୬ ଥିଲା । ଯେତେବେଳେ ଆମେ ଏକ ପୋର୍ଟେବଲ ମେସିନ ସହିତ ତାଙ୍କ ସୁଗାର ଲେଭଲକୁ ଯାଞ୍ଚ କଲୁ, ସ୍ତର ୩୬ ହୋଇଗଲା। ଡାକ୍ତର ପରୀକ୍ଷା କରୁଛନ୍ତି ଏବଂ ଏହା ପରେ ସେମାନେ କୌଣସି ପରାମର୍ଶ ଦେବେ।
ଏଏପି ଏମପି ସଞ୍ଜୟ ସିଂ କହିଛନ୍ତି, ତାଙ୍କ ରକ୍ତରେ ଶର୍କରା ସ୍ତର ୪୩ରେ ପହଞ୍ଚିଛି। ତାଙ୍କ ସ୍ବାସ୍ଥ୍ୟ ଅବସ୍ଥା ବିଗିଡି ଯାଇଛି। ଡାକ୍ତରମାନେ କହିଛନ୍ତି ଯେ ଯଦି ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇନଥାଏ ତେବେ ତାଙ୍କ ଅବସ୍ଥା ଆହୁରି ଖରାପ ହୋଇପାରେ। ଗତ ପାଞ୍ଚ ଦିନ ଧରି ସେ କିଛି ଖାଇ ନାହାଁନ୍ତି। ତାଙ୍କର ଶର୍କରା ସ୍ତର ହ୍ରାସ ପାଇଛି, କିଟୋନ ବୃଦ୍ଧି ପାଉଛି ଏବଂ ରକ୍ତଚାପ ହ୍ରାସ ପାଉଛି। ସେ ନିଜ ପାଇଁ ଲଢୁ ନାହାଁନ୍ତି, ସେ ଦିଲ୍ଲୀର ଲୋକଙ୍କ ପାଇଁ, ପାଣି ପାଇଁ ଲଢୁଛନ୍ତି।
