ଭୁବନେଶ୍ୱର,୧୩।୪: ରାଜ୍ୟର ଅଗ୍ରଣୀ ଷ୍ଟାର୍ଟଅପ ତଥା ହୋମ୍ ଗ୍ରାଉନ ବ୍ରାଣ୍ଡ୍ ‘ଅଙ୍କି’ର ପ୍ରଥମ ଅଫ୍ଲାଇନ ଷ୍ଟୋର ଭୁବନେଶ୍ୱରର ଜାଗମରା ଟ୍ରାଫିକ୍ଛକଠାରେ ଉଦ୍ଘାଟିତ ହୋଇଯାଇଛି। ୩୦୦ବର୍ଗଫୁଟ ପରିବ୍ୟାପ୍ତ ସ୍ଥାନରେ ଗଢ଼ି ଉଠିଥିବା ଏହି ସ୍ବତନ୍ତ୍ର ଷ୍ଟୋର ତଥା ହ୍ୟାଣ୍ଡଲୁମ୍ ପୋଷାକର ଏକ୍ସକ୍ଲୁସିଭ ଆଉଟ୍ଲେଟ୍ରେ ହସ୍ତତନ୍ତ ଶାଢ଼ି, କୁର୍ତ୍ତା ସେଟ୍ ସହ ହ୍ୟାଣ୍ଡ ପେଣ୍ଟେଡ୍, ଏମ୍ବ୍ରୋଡୋରିଡ୍ ଇଣ୍ଟ୍ରିକାସି, ଟ୍ରେଣ୍ଡି କୋ-ଓର୍ଡ ସେଟସ୍, ହାତ ତିଆରି ପିତ୍ତଳ ସାମଗ୍ରୀ, ଜର୍ମାନ ସିଲ୍ଭର, ଟେରାକୋଟା ଜୁଏଲେରି ସହ ଅନ୍ୟାନ୍ୟ ସାମଗ୍ରୀ ମଧ୍ୟ ସର୍ବନିମ୍ନ ୩୦ଟଙ୍କାରୁ ଆରମ୍ଭକରି ୩୦ହଜାର ଟଙ୍କା ମୂଲ୍ୟର ସାମଗ୍ରୀ ଉପଲବ୍ଧ। ଏପରିକି ବ୍ରାଣ୍ଡ୍ର ଏହା ପ୍ରଥମ ଧରଣର ୱାକିନ୍ ଷ୍ଟୋର୍ ହୋଇଥିବାବେଳେ ଗ୍ରାହକମାନେ ସୁବିଧାରେ ଓ ସ୍ବତନ୍ତ୍ର ଏବଂ ଏକ୍ସକ୍ୟୁସାଇଟ୍ କଲେକ୍ସନଗୁଡିକୁ ଗ୍ରାହକ ସଂଗ୍ରହ କରିପାରିବେ। ଏପରିକି ଆମେ ଗୁଣାତ୍ମକ ଉତ୍ପାଦ ଏବଂ ସୁଲଭ ମୂଲ୍ୟରେ ଗ୍ରାହକଙ୍କୁ ମନପସନ୍ଦର ସାମଗ୍ରୀ ଯୋଗାଇ ଦେଇଥାଉ ବୋଲି ବ୍ରାଣ୍ଡ୍ର ପ୍ରତିଷ୍ଠାତା ଅଙ୍କିତା ମହାନ୍ତି ବିସ୍ତୃତ ଭାବେ ମତପ୍ରକାଶ କରିଛନ୍ତି। ଅପରପକ୍ଷରେ ଆମେ ସବୁବେଳେ ପାରମ୍ପରିକ ଫ୍ୟାଶନ ଏବଂ ତା’ର ଐତିହ୍ୟ ପ୍ରତି ରହିଥିବା ଆମର ଉତ୍ସାହକୁ ଅନୁସରଣ କରିଆସିଛୁ। ଏପରିକି ଆମେ ଅନେକ ସରକାରୀ ଏବଂ ବେସରକାରୀ ପ୍ରଦର୍ଶନୀରେ ମଧ୍ୟ ଅଂଶଗ୍ରହଣ ସହ ଆମର ସୃଜନଶୀଳ କାର୍ଯ୍ୟ ଏବଂ ସଚେତନ ତାଲିମରେ ବିଶ୍ୱାସ କରୁଥିବାବେଳେ ବ୍ରାଣ୍ଡ୍ର ଅନେକ ସ୍ବତନ୍ତ୍ର ଗ୍ରାହକ ପାଇଛୁ। ଉଲ୍ଲେଖଯୋଗ୍ୟ,ଅଙ୍କି ଓଡ଼ିଶାର ଏକ ୭ବର୍ଷ ପୁରୁଣା ଘରୋଇ ବ୍ରାଣ୍ଡ୍ ହୋଇଥିବାବେଳେ ଓଡ଼ିଆ ଅଭିନେତ୍ରୀ ତଥା ଆଙ୍କିର ଅଙ୍କିତା ମହାନ୍ତିଙ୍କ ଦ୍ୱାରା ପ୍ରତିଷ୍ଠିତ ଉକ୍ତ ବ୍ରାଣ୍ଡ୍ ୨୦୧୭ରୁ ଆନୁଷ୍ଠାନିକ ଭାବେ ଆରମ୍ଭ ହୋଇଥିଲା।
