ବ୍ରିସବେନ,୨୮।୧: ୱେଷ୍ଟଇଣ୍ଡିଜ ୨୭ବର୍ଷ ପରେ ଟେଷ୍ଟରେ ଅଷ୍ଟ୍ରେଲିଆକୁ ତା’ ଘରୋଇ ମାଟିରେ ପରାସ୍ତ କରିଛି। ୱେଷ୍ଟଇଣ୍ଡିଜ ପାଇଁ ପେସର୍ ଶାମର ଜୋସେଫ ବିଜୟର ହିରୋ ଥିଲେ। ସେ ଆଘାତକୁ ଖାତିର ନ କରି ମ୍ୟାଚ ଶେଷ ପର୍ଯ୍ୟନ୍ତ ବୋଲିଂ କରି ୭ ଉଇକେଟ ନେଇଥିଲେ। ଆଙ୍ଗୁଠିର ଅବସ୍ଥା ବିଷୟରେ ଚିନ୍ତା ନ କରି ଶେଷ ପର୍ଯ୍ୟନ୍ତ ବୋଲିଂ କରିବେ ବୋଲିଂ କରିବେ ବୋଲି ସେ ଅଧିନାୟକଙ୍କୁ କହିଥିଲେ
ଦ୍ୱିତୀୟ ଇନିଂସରେ ବ୍ୟାଟିଂ କରୁଥିବାବେଳେ ଶାମର ଆହତ ହୋଇଥିଲେ। ୧୧ନମ୍ବରରେ ବ୍ୟାଟିଂ କରିବାକୁ ଆସିଥିବା ଶାମରଙ୍କୁ ମିଚେଲ ଷ୍ଟାର୍କଙ୍କ ୟର୍କର ଯୋଗୁ ଆଙ୍ଗୁଠିରେ ଆଘାତ ହୋଇଥିଲା। ବଲ ହିଟ ହେବା ପରେ ୩ ରନ୍ରେ ବ୍ୟାଟିଂ କରୁଥିବା ଶାମର ରିଟାର୍ଡ ହର୍ଟ ନେଇଥିଲେ। ଆଘାତ ପରେ ସେ ବୋଲିଂ ପାଇଁ ପଡ଼ିଆକୁ ଫେରିବେ ବୋଲି ବହୁତ କମ ଆଶା ଥିଲା। କିନ୍ତୁ ପଡ଼ିଆକୁ ଆସିବା ପରେ ଶାମର ଅଧିନାୟକଙ୍କୁ ପ୍ରତିଶ୍ରୁତି ଦେଇଥିଲେ ଯେ ଯାହା ହେଉନା କାହିଁକି, ଶେଷ ଉଇକେଟ ପଡ଼ିବା ପର୍ଯ୍ୟନ୍ତ ସେ ବୋଲିଂ କରିବେ।
ମ୍ୟାଚ ପରେ ଶାମର କହିଛନ୍ତି, ଏହା କଷ୍ଟସାଧ୍ୟ କିନ୍ତୁ ମୁଁ କ୍ଳାନ୍ତ ନୁହେଁ କାରଣ ମୁଁ ମୋ ଦଳ ପାଇଁ ଏହା କରିବାକୁ ଚାହୁଁଥିଲି। ମୁଁ ମୋର ଅଧିନାୟକଙ୍କୁ କହିଥିଲି ଯେ ଶେଷ ଉଇକେଟ ପଡ଼ିବା ପର୍ଯ୍ୟନ୍ତ ମୁଁ ବୋଲିଂ କରିବି। ମୋର ଆଙ୍ଗୁଠି ଭାଙ୍ଗିଛି କି ନାହିଁ ଏଥିରେ କିଛି ଫରକ ପଡେ ନାହିଁ। ମୁଁ ଖୁସି ଯେ ସେମାନେ ଏବେ ମୋ ପାଇଁ ଗର୍ବିତ।
ଏହି ମ୍ୟାଚରେ ଶାମର ଜୋସେଫ ମୋଟ ୮ ଉଇକେଟ ନେଇଥିଲେ। ପ୍ରଥମ ଇନିଂସରେ ବୋଲିଂ କରି ସେ ଗୋଟିଏ ଉଇକେଟ ନେଇଥିଲେ। ଏହା ବ୍ୟତୀତ ଦ୍ୱିତୀୟ ଇନିଂସରେ ବୋଲିଂ କରୁଥିବାବେଳେ ଶାମର ୭ ଅଷ୍ଟ୍ରେଲୀୟ ବ୍ୟାଟ୍ସମ୍ୟାନଙ୍କ ତାଙ୍କ ଶିକାର କରିଥିଲେ। ଏହି ଚମତ୍କାର ପ୍ରଦର୍ଶନ ପାଇଁ ତାଙ୍କୁ ‘ପ୍ଲେୟାର ଅଫ ଦି ମ୍ୟାଚ’ ପୁରସ୍କାର ଦିଆଯାଇଥିଲା।
