ନୂଆଦିଲ୍ଲୀ,୪।୧: ଲୋକ ସଭା ନିର୍ବାଚନ ପ୍ରସ୍ତୁତିର ଚର୍ଚ୍ଚା ମଧ୍ୟରେ ପ୍ରଶ୍ନ ଉଠିଛି କି ରାହୁଲ ଗାନ୍ଧୀ କେଉଁ ଆସନରୁ ନିର୍ବାଚନ ଲଢିବେ। ଏହାରି ଭିତରେ କଂଗ୍ରେସ ସ୍ପଷ୍ଟ କରିଛି କି ରାହୁଲ ଓ୍ବାୟନାଡ ଆସନରୁ ହିଁ ନିର୍ବାଚନ ଲଢିବେ। ବିରୋଧୀ ସହଯୋଗୀ ଇଣ୍ଡିଆରେ ସାମିଲ ଥିବା କମ୍ୟୁନିଷ୍ଟ ପାର୍ଟି ଅଫ ଇଣ୍ଡିଆ (ସିପିଆଇ) ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀଙ୍କୁ ୱାୟାନାଡ ଆସନ ଛାଡିବାକୁ କହିଥିଲେ। ସିପିଆଇ କହିଛି ଯେ ୱାୟାନାଡ ସିଟ ବାମପନ୍ଥୀକୁ ଛାଡି ଦିଆଯାଉ।
ବାସ୍ତବରେ, ରାହୁଲ ଗାନ୍ଧୀ ୨୦୧୯ରେ ଲୋକ ସଭା ନିର୍ବାଚନରେ ଉତ୍ତର ପ୍ରଦେଶର ଆମେଥୀ ଏବଂ ୱାୟାନାଡରୁ ପ୍ରତିଦ୍ୱନ୍ଦ୍ୱିତା କରିଥିଲେ। ସେ ଆମେଥୀରୁ ସେ ନିର୍ବାଚନରେ ହାରିଥିଲେ, କିନ୍ତୁ ୱାୟାନାଡରୁ ଜିତିଥିଲେ। ତେବେ କଂଗ୍ରେସ ଏହାର ଆଭିମୁଖ୍ୟ ସ୍ପଷ୍ଟ କରି ନ ଥିବାରୁ ଆମେଥୀ ଆସନକୁ ନେଇ ଏବେ ମଧ୍ୟ ସନ୍ଦେହ ରହିଛି।
