ନୂଆଗାଁ,୩।୪ (ଡି.ଏନ.ଏ.): ନୟାଗଡ଼ ଜିଲା ନୂଆଗାଁ ବ୍ଲକ ସୋରଡ଼ା ଛକଠାରୁ ଗୌଡ ଚାଞ୍ଚେରାପଲି ଦେଇ ଯାଇଥିବା ଆର୍ଡି ରାସ୍ତାରେ ବେଲପା ନଦୀର ପୋଲ ଭୁଶୁଡିବାକୁ ପ୍ରାୟ ଅଢେଇ ବର୍ଷ ପୁରିଲାଣି । କିନ୍ତୁ ଠିକାଦାର ପୋଲ ନିର୍ମାଣ କରିବାରେ ଅବହେଳା କରୁଛନ୍ତି। ତେଣୁ ଉକ୍ତ ସ୍ଥାନରେ ଶୀଘ୍ର ପୋଲ ନିର୍ମାଣ କରିବା ଦାବିରେ ବାରମ୍ବାର ଆନ୍ଦୋଳନ ସହ ରାସ୍ତାରୋକୋ କରାଗଲାଣି। ନଦୀରେ ଶୀଘ୍ର ପୋଲ ନିର୍ମାଣ କାମ ଶେଷ କରିବା ଦାବି ନେଇ ଶତାଧିକ ମହିଳା ଓ ପୁରୁଷ ରାଜରାସ୍ତାରେ ବସିଥିଲେ । ୨ ଘଣ୍ଟା ଧରି ରାସ୍ତାରେ ବସି ରହିବା ପରେ ବିଭାଗୀୟ ଅଧିକାରୀମାନେ ଆନ୍ଦୋଳନକାରୀଙ୍କୁ ବୁଝାଶୁଝା କରିବା ସହ ମାର୍ଚ୍ଚ ମାସ ଶେଷ ସୁଦ୍ଧା ନିଶ୍ଚିତ ଭାବେ ପୋଲ ନିର୍ମାଣ କାମ ସାରିବା ପାଇଁ ଲିଖିତ ପ୍ରତିଶ୍ରୁତି ଦେଇଥିଲେ। ଏହାପରେ ଆନ୍ଦୋଳନକାରୀମାନେ ରାସ୍ତାରୁ ହଟିଥିଲେ । କିନ୍ତୁ କାମ ଶେଷ ହେବା ତ ଦୂରର କଥା ଅଦ୍ୟାବଧି ଅଧା କାମ ହୋଇ ନ ଥିବା ଅଭିଯୋଗ କରିଛନ୍ତି ଗ୍ରାମବାସୀ । ଅଧିକାରୀମାନଙ୍କ କଥାକୁ ଭରସା କରି ଆମ୍ଭେମାନେ ଆନ୍ଦୋଳନରୁ ହଟିଥିଲୁ । ହେଲେ ସେମାନଙ୍କ ପ୍ରତିଶ୍ରୁତି ପାଣିର ଗାର ବୋଲି ଆମେ ଜାଣି ନ ଥିଲୁ ବୋଲି କହିଛନ୍ତି ସ୍ଥାନୀୟ ବାସିନ୍ଦା ା
ଖୋର୍ଦ୍ଧା-ବଲାଙ୍ଗୀର ୫୭ନଂ, ଜାତୀୟ ରାଜପଥ ସୋରଡ଼ାଠାରୁ ଗୌଡ଼ ଚାଞ୍ଚେରାପଲୀ ଦେଇ ଯାଇଥିବା ଆର୍.ଡି.ରାସ୍ତାରେ ଥିବା ପୋଲ ଭାଙ୍ଗିବାର ଦୀର୍ଘ ଦିନ ବିତି ଯାଇଥିଲେ ମଧ୍ୟ ଅଦ୍ୟାବଧି କାମ ଶେଷ ହୋଇ ପାରୁ ନାହିଁ । ଠିକାଦାର ନିଜ ମନ ଇଚ୍ଛା କାମ କରୁଛନ୍ତି । ଫଳରେ ଜାତୀୟ ରାଜପଥରୁ ଜଗନ୍ନାଥପ୍ରସାଦ, ଗୌଡଚାଞ୍ଚେରାପଲି, କନ୍ଦଳବ ସମେତ ୩ ଗାଁ ସମ୍ପୂର୍ଣ୍ଣ ବିଚ୍ଛିନ୍ନ ହେବା ସହିତ ଜଗନ୍ନାଥ ପ୍ରସାଦ ହାଇସ୍କୁଲରେ ପାଠ ପଢୁଥିବା ଲୁଣିସରା ଓ ସୋରଡା ଗ୍ରାମର ଛାତ୍ରୀଛାତ୍ରମାନେ ସ୍କୁଲ ଯିବାରୁ ବଞ୍ଚତ୍ତ ହେଉଛନ୍ତି ା ତେଣୁ ପୋଲ ନିର୍ମାଣ ଦାବି କରି ଜଗନ୍ନାଥ ପ୍ରସାଦ ହାଇସ୍କୁଲର ଶତାଧିକ ଛାତ୍ରୀଛାତ୍ର ଗତ ଜୁଲାଇ ୨୨ରେ ଜାତୀୟ ରାଜପଥ ଅବରୋଧ କରି ରାସ୍ତାରେ ବସିଥିଲେ। ଅଧିକାରୀମାନେ ଆନ୍ଦୋଳନସ୍ଥଳରେ ପହଞ୍ଚତ୍ ଛାତ୍ରୀଛାତ୍ରମାନଙ୍କୁ ବୁଝାଶୁଝା କରିବା ସହ ଶୀଘ୍ର ପୋଲ ନିର୍ମାଣ କରିବାର ପ୍ରତିଶ୍ରୁତି ଦେବାରେ ଆନ୍ଦୋଳନ ହଟିଥିଲା। ପ୍ରତିଶ୍ରୁତି ଦେବାର ୬ ମାସ ବିତିଥିଲେ ମଧ୍ୟ ପୋଲ ନିର୍ମାଣ ନ ହେବାରୁ ପୁନର୍ବାର ସ୍ଥାନୀୟ ଅଞ୍ଚଳର ମହିଳା ଓ ପୁରୁଷ ଖୋର୍ଦ୍ଧା-ବଲାଙ୍ଗିର ୫୭ ନଂ. ଜାତୀୟ ରାଜପଥ ଅବରୋଧ କରିଥିଲେ। ଖବର ପାଇ ଆରଡି କାର୍ଯ୍ୟନିର୍ବାହୀ ଅଧିକାରୀ ସୌଭାଗ୍ୟ କୁମାର ଦାସ, କନିଷ୍ଠ ଯନ୍ତ୍ରୀ ଶ୍ରୀକାନ୍ତ କୁମାର ସାହୁ, ନୂଆଗାଁ ଥାନା ପୋଲିସ, ଠିକାଦାର ଆଦି ଘଟଣାସ୍ଥଳରେ ପହଞ୍ଚତ୍ ମାର୍ଚ୍ଚ ଶେଷ ସୁଦ୍ଧା ରାସ୍ତା ଓ ପୋଲ କାମ ଶେଷ କରିବାର ପ୍ରତିଶ୍ରୁତି ଦେବାରେ ଆନ୍ଦୋଳନକାରୀ ଶାନ୍ତ ପଡିଥିଲେ ା କିନ୍ତୁ ଅଦ୍ୟାବଧି ଅଧପନ୍ତରିଆ ଭାବେ ରହିଛି ପୋଲ ନିର୍ମାଣ । ଶନିବାର ସାମାନ୍ୟ ବର୍ଷାରେ ଡାଇଭର୍ସନ ରୋଡ ଭାସି ଯାଇଛି । ଏ ବାବଦରେ ମତାମତ ପାଇଁ ଯୋଗାଯୋଗ କରିଥିଲେ ମଧ୍ୟ ଅଧିକାରୀମାନେ ଫୋନ ଉଠାଇ ନ ଥିଲେ ।
