କଟକ ଅଫିସ,୨୪।୧: ରାଜ୍ୟରେ କନଷ୍ଟେବଳ ନିଯୁକ୍ତି ନେଇ ହାଇକୋର୍ଟ ଗୁରୁତ୍ୱପୂର୍ଣ୍ଣ ରାୟ ପ୍ରଦାନ କରିଛନ୍ତି। ପଦବୀ ଲାଗି ଆବେଦନକାରୀଙ୍କ ଲାଗି ବୟସ ସୀମା ୪ ବର୍ଷ କୋହଳ କରାଯିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ତେବେ କରୋନା ମହାମାରୀକୁ ନେଇ ୨୦୧୮ରୁ ୨୦୨୨ ପର୍ଯ୍ୟନ୍ତ ପରୀକ୍ଷା ହୋଇ ନ ଥିବାରୁ କୋର୍ଟ ଏହି ନିର୍ଦ୍ଦେଶ ଦେଇଥିବା ବେଳେ ଆଗକୁ ଏହା ହୋଇପାରିବ ନାହିଁ ବୋଲି ସ୍ପଷ୍ଟ କରିଛନ୍ତି।
୨୦୨୨ ଡିସେମ୍ବର ୩୦ରେ ୪,୭୯୦ କନଷ୍ଟେବଳ ପଦବୀ ଲାଗି ବିଜ୍ଞାପନ ପ୍ରକାଶ ପାଇଥିଲା। ଏଥିଲାଗି ବୟସ କୋହଳ ନେଇ ଆଶାୟୀ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ। ମଙ୍ଗଳବାର ଏହାକୁ ନେଇ ରାୟ ପ୍ରକାଶ କରି ବୟସ ସୀମାକୁ କୋହଳ କରିଛନ୍ତି ହାଇକୋର୍ଟ। ଏଥିସହ ଆବେଦନ ଶେଷ ତାରିଖ ଜାନୁୟାରୀ ୨୧ ବଦଳରେ ଫେବୃୟାରୀ ୧୦କୁ ବୃଦ୍ଧି, ଫେବୃୟାରୀ ୨୦ରେ ପରୀକ୍ଷା ଲାଗି ନିର୍ଦ୍ଦେଶ ଦେଇଛନ୍ତି। ଏ ସଂକ୍ରାନ୍ତରେ ଜାନୁୟାରୀ ୩୦ ସୁଦ୍ଧା ସଂଶୋଧିତ ବିଜ୍ଞାପନ ପ୍ରକାଶ କରିବା ଲାଗି ମଧ୍ୟ କୋର୍ଟ କହିଛନ୍ତି।
