ଚିତ୍ରକୋଣ୍ଡା,୨୨।୧୧(ଡି.ଏନ୍.ଏ.): ମାଲକାନଗିରି ଜିଲା ଚିତ୍ରକୋଣ୍ଡା ବନାଞ୍ଚଳ ପକ୍ଷରୁ ଚଢ଼ାଉ କରାଯାଇ ୨୫ଟି ଶିଶୁ କାଠ ପଟା ଜବତ କରାଯାଇଛି। ଏକ ମହିନ୍ଦ୍ରା ଟ୍ରାକ୍ଟର ନମ୍ବର( ଓଡି ୩୦ଡି୧୮୮୯) ରେ ଶିଶୁ କାଠ ପଟା ଚାଲାଣ ହେଉଥିବା ନେଇ ସୋମବାର ବନବିଭାଗକୁ ଖବର ମିଳିଥିଲା। ବନାଞ୍ଚଳ ଅଧିକାରୀ ବଳରାମ ନାୟକଙ୍କ ନିର୍ଦ୍ଦେଶ କ୍ରମେ ଏକ ସ୍ବତନ୍ତ୍ର ଟିମ୍ ଉକ୍ତ କାଠକୁ ବଡପଦର ପଞ୍ଚାୟତ ରେଖାପାଲି ବିଟ ଦାରାକୋଣ୍ଡା ଛକ ନିକଟରୁ ଜବତ କରିବାରେ ସଫଳ ହୋଇଛନ୍ତି। ଏନେଇ ମାମଲା ରୁଜୁ କରାଯିବା ସହିତ ୩ ଅଭିଯୁକ୍ତଙ୍କୁ ଗିରଫ କରାଯାଇଛି। ଅଭିଯୁକ୍ତମାନେ ହେଲେ ସାରିଆଗୁଡା ଗ୍ରାମର ଭଗବାନ ଖରା, ମାଳିଗୁଡା ଗ୍ରାମର ପୂର୍ଣ୍ଣ ମାଟାମ ଓ ଭିମାରାମ ଗ୍ରାମର ଗୌତମ ଖିଲ। ସେମାନଙ୍କୁ ଶିଶୁ କାଠ ଚାଲାଣ ମାମଲାରେ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ବୋଲି ଚିତ୍ରକୋଣ୍ଡା ବନାଞ୍ଚଳ ଅଧିକାରୀ ବଳରାମ ନାୟକ ଓ ବନପାଳ ମୃତୁଞ୍ଜୟ ସେଠୀ ସୂଚନା ଦେଇଛନ୍ତି।
