ନୂଆଦିଲ୍ଲୀ, ୧୬।୫: ଅନ୍ତର୍ଜାତୀୟ ବଜାରରେ କ୍ରମାଗତ ଭାବେ କ୍ରୁଡ୍ ଅଏଲ ବା ଅଶୋଧିତ ତୈଳ ଦର ବୃଦ୍ଧି ପାଇବାରେ ଲାଗିଛି । ଭାରତରେ ବି ଏବେ ତୈଳ ସଙ୍କଟ ଦେଖାଦେଲାଣି । ବିଭିନ୍ନ ସ୍ଥାନରେ ପେଟ୍ରୋଲ-ଡିଜେଲ ମିଳୁନଥିବା ମଧ୍ୟ ଦେଖିବାକୁ ମିଳିଛି । ଅନେକ ପମ୍ପରେ ତେଲ ପକାଇବାକୁ ଲମ୍ବା ଲାଇନ୍ ବି ଦେଖିବାକୁ ମିଳୁଛି । ଶୁକ୍ରବାର ସକାଳୁ କେନ୍ଦ୍ର ସରକାର ପେଟ୍ରୋଲ ଏବଂ ଡିଜେଲ ମୂଲ୍ୟ ୩ ଟଙ୍କା ଲେଖାଏ ବୃଦ୍ଧି କରିଥିଲେ । ସେହିଭଳି ସିଏନ୍ଜି ମୂଲ୍ୟ ବି ୨ ଟଙ୍କା ବୃଦ୍ଧି କରାଯାଇଛି । ମଧ୍ୟପ୍ରାଚ୍ୟରେ ଚାଲିଥିବା ସଙ୍କଟ ଯୋଗୁ ଭାରତକୁ ତୈଳ ଆମଦାନୀ ଯଥେଷ୍ଟ ହ୍ରାସ ପାଇଥିବାରୁ ଭାରତରେ ମୂଲ୍ୟ ବୃଦ୍ଧି ଘଟୁଛି ।
ତେବେ ଏହା ପ୍ରଥମ ଥର ନୁହେଁ ଯେ ଭାରତରେ ତୈଳ ଦର ବୃଦ୍ଧି ପାଉଛି । ଗତ ୧୨ ବର୍ଷ ମଧ୍ୟରେ ଅର୍ଥାତ ୨୦୧୪ ପରଠାରୁ ବର୍ତ୍ତମାନ ପର୍ଯ୍ୟନ୍ତ ପେଟ୍ରୋଲ ଏବଂ ଡିଜେଲ ଦରରେ ବୃଦ୍ଧି ପରିଲକ୍ଷିତ ହୋଇଛି । ତେବେ ୧୨ ବର୍ଷରେ କେତେ ବଢିଛି ଦର? ନଜର ପକାନ୍ତୁ…
୨୦୨୨ ପରେ ପ୍ରଥମ ଥର ପାଇଁ ଆଜି ଅର୍ଥାତ ୨୦୨୬ ମେ ୧୫ ତାରିଖରେ ପେଟ୍ରୋଲ ଏବଂ ଡିଜେଲ ଦର ବୃଦ୍ଧି ପାଇଛି । ୨୦୧୪ରେ ଯେଉଁଠି ଦଳ ୭୦ ରୁ ୭୫ ଟଙ୍କା ଥିଲା ୨୦୨୨ ବେଳକୁ ତାହା ୧୦୦ ଟଙ୍କା ଅତିକ୍ରମ କରିଯାଇଥିଲା । ଭାରତରେ ୨୦୧୪ ମସିହାରେ ପେଟ୍ରୋଲ ଦର ୭୧ ଟଙ୍କା ୪୧ ପଇସା ଥିଲା । ସେହିଭଳି ଡିଜେଲ ଦର ୫୫ ଟଙ୍କା ୪୯ ପଇସା ଥିଲା ।
ସେହିଭଳି ୨୦୧୫ ମସିହାରେ ଭାରତରେ ପେଟ୍ରୋଲ ଦର ୬୬ ଟଙ୍କା ୨୯ ପଇସା ରହିଥିବା ବେଳ ଡିଜେଲ ମୂଲ୍ୟ ଥିଲା ୫୨ ଟଙ୍କା ୨୮ ପଇସା । ୨୦୧୬ ମସିହାରେ ଭାରତରେ ପେଟ୍ରୋଲ ଦର ୬୩ ଟଙ୍କା ୦୨ ପଇସା ରହିଥିବା ବେଳ ଡିଜେଲ ମୂଲ୍ୟ ଥିଲା ୪୬ ଟଙ୍କା ୪୩ ପଇସା ।
୨୦୧୭ ମସିହାରେ ଭାରତରେ ପେଟ୍ରୋଲ ଦର ୬୮ ଟଙ୍କା ୦୯ ପଇସା ରହିଥିବା ବେଳ ଡିଜେଲ ମୂଲ୍ୟ ଥିଲା ୫୭ ଟଙ୍କା ୩୫ ପଇସା । ୨୦୧୮ ମସିହାରେ ଭାରତରେ ପେଟ୍ରୋଲ ଦର ୭୪ ଟଙ୍କା ୬୩ ପଇସା ରହିଥିବା ବେଳ ଡିଜେଲ ମୂଲ୍ୟ ଥିଲା ୬୫ ଟଙ୍କା ୯୩ ପଇସା । ୨୦୧୯ ମସିହାରେ ଭାରତରେ ପେଟ୍ରୋଲ ଦର ୭୩ ଟଙ୍କା ୧୩ ପଇସା ରହିଥିବା ବେଳ ଡିଜେଲ ମୂଲ୍ୟ ଥିଲା ୬୬ ଟଙ୍କା ୭୧ ପଇସା ।
୨୦୨୦ ମସିହାରେ ଭାରତରେ ପେଟ୍ରୋଲ ଦର ୬୯ ଟଙ୍କା ୫୯ ପଇସା ରହିଥିବା ବେଳ ଡିଜେଲ ମୂଲ୍ୟ ଥିଲା ୬୨ ଟଙ୍କା ୨୯ ପଇସା । ୨୦୨୧ ମସିହାରେ ଭାରତରେ ପେଟ୍ରୋଲ ଦର ୯୦ ଟଙ୍କା ୪୦ ପଇସା ରହିଥିବା ବେଳ ଡିଜେଲ ମୂଲ୍ୟ ଥିଲା ୮୦ ଟଙ୍କା ୭୩ ପଇସା ।୨୦୨୨ ମସିହାରେ ଭାରତରେ ପେଟ୍ରୋଲ ଦର ୯୬ ଟଙ୍କା ୭୨ ପଇସା ରହିଥିବା ବେଳ ଡିଜେଲ ମୂଲ୍ୟ ଥିଲା ୮୯ ଟଙ୍କା ୬୨ ପଇସା ।
୨୦୨୬ ମସିହାରେ ଭାରତରେ ପେଟ୍ରୋଲ ଦର ୯୭ ଟଙ୍କା ୭୭ ପଇସା ରହିଥିବା ବେଳ ଡିଜେଲ ମୂଲ୍ୟ ଥିଲା ୯୦ ଟଙ୍କା ୬୭ ପଇସା । ଓଡ଼ିଶାରେ ପେଟ୍ରୋଲ ଦର ୧୦୪ ଟଙ୍କା ୧୯ ପଇସା ଥିବା ବେଳେ ଡିଜେଲ ୯୫ ଟଙ୍କା ୭୪ ପଇସା ରହିଛି ।
