ନୂଆଦିଲ୍ଲୀ, ୧୪।୫: ପଞ୍ଜାବ କିଙ୍ଗ୍ସ ବିପକ୍ଷ ମ୍ୟାଚ ପାଇଁ ମୁମ୍ବାଇ ଇଣ୍ଡିଆନ୍ସର ଅଧିନାୟକ ପୁଣିଥରେ ପରିବର୍ତ୍ତନ ହୋଇଛି। ଜସପ୍ରିତ ବୁମରା MI ଦଳର ଅଧିନାୟକତ୍ୱ କରୁଛନ୍ତି, ଏବଂ ଏହା ଲଗାତାର ତୃତୀୟ ମ୍ୟାଚ ଯେଉଁଥିରେ ହାର୍ଦ୍ଦିକ ପାଣ୍ଡ୍ୟା ଖେଳୁନାହାନ୍ତି। ସୂର୍ଯ୍ୟକୁମାର ଯାଦବ, ଯିଏକି ନିକଟରେ ପିତା ହୋଇଛନ୍ତି, ସେ ମଧ୍ୟ ପଞ୍ଜାବ ବିପକ୍ଷ ମ୍ୟାଚରୁ ବାହାର। ବୁମରା IPL ଇତିହାସରେ ମୁମ୍ବାଇର ମୋଟ ୧୦ମ ଅଧିନାୟକ ହୋଇଛନ୍ତି।
ବୁମ୍ରା ପଞ୍ଜାବ କିଙ୍ଗ୍ସ ବିପକ୍ଷ ମ୍ୟାଚ ପାଇଁ ଟସ୍ ସମୟରେ MI ଦଳର ପ୍ରତିନିଧି ଭାବରେ ବାହାରି ଆସିଥିଲେ। ଟସ୍ ସମୟରେ ବୁମ୍ରା କହିଥିଲେ ଯେ ମୁମ୍ବାଇ ଇଣ୍ଡିଆନ୍ସର ଅଧିନାୟକ ହେବା ଏକ ନୂତନ ଚ୍ୟାଲେଞ୍ଜ ହେବ।
ବୁମ୍ରା ମୁମ୍ବାଇ ଇଣ୍ଡିଆନ୍ସର ଅଧିନାୟକ ହେବା ବିଷୟରେ କହିଛନ୍ତି, ଅଧିନାୟକ ହେବା ଭଲ ଲାଗୁଛି। ମୁଁ ୧୯ ବର୍ଷ ବୟସରେ ମୁମ୍ବାଇ ଇଣ୍ଡିଆନ୍ସ ଦଳରେ ଯୋଗ ଦେଇଥିଲି। ମୁଁ କେବେ କଳ୍ପନା କରି ନଥିଲି ଯେ MI ଅଧିନାୟକ ହେବା ପୂର୍ବରୁ ମୁଁ ଭାରତୀୟ ଟେଷ୍ଟ ଦଳର ଅଧିନାୟକତ୍ୱ କରିବାର ଅଭିଜ୍ଞତା ପାଇବି।”
ବୁମ୍ରା ଆହୁରି କହିଛନ୍ତି, “ଏଠାରେ ରହିବା ଏକ ମଜାଦାର ଅଭିଜ୍ଞତା। ଆପଣଙ୍କୁ ସମସ୍ତଙ୍କ ବିଷୟରେ ଚିନ୍ତା କରିବାକୁ ପଡିବ ଏବଂ ପ୍ରତ୍ୟେକ ପ୍ରକାରେ ଯୋଗଦାନ ଦେବାକୁ ପଡିବ। ଏହା ଏକ ନୂତନ ଚ୍ୟାଲେଞ୍ଜ, ଏବଂ ମୁଁ ଏହି ଦାୟିତ୍ୱ ଉପଭୋଗ କରେ।”
ଦଳର ୧୯ ବର୍ଷର ଇତିହାସରେ, ମୋଟ ୧୦ ଜଣ ଖେଳାଳି ମୁମ୍ବାଇ ଇଣ୍ଡିଆନ୍ସର ଅଧିନାୟକତ୍ୱ କରିଛନ୍ତି। ସଚିନ ତେନ୍ଦୁଲକର, ରୋହିତ ଶର୍ମା, ହରଭଜନ ସିଂହ, ଶନ ପୋଲକ, ରିକି ପଣ୍ଟିଂ, ଡୱେନ ବ୍ରାଭୋ, କିରନ ପୋଲାର୍ଡ, ସୂର୍ଯ୍ୟକୁମାର ଯାଦବ, ହାର୍ଦ୍ଦିକ ପାଣ୍ଡ୍ୟା, ଏବଂ ବର୍ତ୍ତମାନ ଜସପ୍ରିତ ବୁମ୍ରା ମୁମ୍ବାଇର ଅଧିନାୟକତ୍ୱ କରୁଥିବା ୧୦ମ ଖେଳାଳି।
Odisha’s No.1 Odia Daily
