ସିଙ୍ଗଡ଼ାର ନାଁ କାହାକୁ ବା ଅଜଣା। ଅନେକ ସହର ଅଛି, ଯାହାକି କେବଳ ସିଙ୍ଗଡ଼ା ପାଇଁ ପ୍ରସିଦ୍ଧ। ପୂର୍ବରୁ ସିଙ୍ଗଡ଼ାରେ କେବଳ ଆଳୁ-ମଟର ପୂର ଭାବେ ଦିଆଯାଉଥିଲା। କିନ୍ତୁ ବର୍ତ୍ତମାନ ବଦଳୁଥିବା ସମୟରେ ଏହାର ପୂର ମଧ୍ୟ ବଦଳି ଯାଇଛି। ଆଜିକାଲି, ଆଳୁ ଏବଂ ମଟର ବ୍ୟତୀତ ପନିର, ନୁଡୁଲ, ଚାଓମିନ୍ ଏବଂ ଅନେକ ପ୍ରକାରର ମସଲା ଏହା ଭିତରେ ଦିଆଯାଉଛି। ଏବେ ବାଙ୍ଗାଲୁରୁର ଜଣେ ବ୍ୟକ୍ତି ସୋସିଆଲ ମିଡିଆରେ ସିଙ୍ଗଡ଼ା ବିଷୟରେ ଏକ ‘ଟେକ୍ ଇନୋଭେସନ’ ଶେୟାର କରିଛନ୍ତ। ଯାହା ଅତ୍ୟନ୍ତ ଅନନ୍ୟ ଦେଖାଯାଉଛି।
the real food “tech” innovation in bangalore pic.twitter.com/tVfd9Yz0tq
— Shobhit Bakliwal 🦇🔊 (@shobhitic) October 10, 2022
ଶୋଭିତ୍ ବକଲିଓ୍ବାଲ ନାମକ ଜଣେ ବ୍ୟକ୍ତି ତାଙ୍କ ଟୁଇଟର ଆକାଉଣ୍ଟରେ ଏକ ଫଟୋ ଶେୟାର କରିଛନ୍ତି। ଯେଉଁଥିରେ ସିଙ୍ଗଡ଼ାରେ ‘ଆଳୁ’ ଏବଂ ‘ନୁଡୁଲ୍ସ’ର ପ୍ରିଣ୍ଟ ଦୃଶ୍ୟମାନ ହେଉଛି। ଏହା ପଛର କାରଣ କୁହାଯାଉଛି ଯେ, ପ୍ରାୟତଃ ଲୋକମାନେ ବିଭିନ୍ନ ପୂର ଦିଆ ସିଙ୍ଗଡ଼ା ଖାଇବାକୁ ପସନ୍ଦ କରନ୍ତି। ସ୍ବାଦ ଜାଣିବା ସହଜ କରିବା ପାଇଁ ସିଙ୍ଗଡ଼ାକୁ ଏପରି ଭାବେ ପ୍ରିଣ୍ଟ କରାଯାଇଛି।
ଏହି ଫଟୋକୁ ୨୬୦୦ରୁ ଅଧିକ ଲୋକ ଦେଖିସାରିଲେଣି। ଏଥି ସହିତ, ଲାଇକ୍, ରିଟୁଇଟ୍ ଏବଂ ମନ୍ତବ୍ୟ ଜାରି ରଖିଛନ୍ତି। ଜଣେ ୟୁଜର ଲେଖିଛନ୍ତି, ‘ମୁଁ ରାଜସ୍ଥାନର ଏକ ଛୋଟ ସହରରେ କିଛି ଦିନ ପୂର୍ବରୁ ଏହା ଦେଖିଛି। ତାଙ୍କର ସିଙ୍ଗଡ଼ା ଷ୍ଟାର୍ଟଅପ୍ ଦୋକାନ ଥିଲା। ଯେଉଁଠାରେ ଦୋକାନୀ ବିଭିନ୍ନ ପ୍ରକାରର ସିଙ୍ଗଡ଼ା ଦିଅନ୍ତି। ଅନ୍ୟ ଜଣେ ୟୁଜର ଲେଖିଛନ୍ତି, ଟେକ୍ନୋଲୋଜି ଆମକୁ ଅଳସୁଆ କରି ଦେଲାଣି।
