ନୂଆଦିଲ୍ଲୀ,୨୬।୧୦: ଦେଶର ପ୍ରମୁଖ ଇଲେକ୍ଟ୍ରିକ୍ ଭେଇକିଲ୍ (ଇଭି) କମ୍ପାନୀ ଓଲା ଇଲେକ୍ଟ୍ରିକ୍ ପକ୍ଷରୁ ନୂଆ ଓଲା ଏସ୍୧ ଏୟାରର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ଏପରିକି ଏହି ମଡେଲ କମ୍ପାନୀର ଏସ୍୧ ପ୍ଲାଟ୍ଫର୍ମ ଉପରେ ନିର୍ମିତ ହୋଇଛି। ବିଶେଷକରି ୨.୫ କେଡବ୍ଲ୍ୟୁଏଚ୍ ବ୍ୟାଟେରି ପ୍ୟାକ୍ ଓ ୪.୫ କେଡବ୍ଲ୍ୟୁ ହବ୍ ମୋଟର ଦ୍ୱାରା ପରିଚାଳିତ ଏସ୍୧ ଏୟାରର ଓଜନ ମାତ୍ର ୯୯ କେଜି ରହିଛି। ଏହା ଘଣ୍ଟା ପ୍ରତି ୮୫ କି.ମି. ଘଣ୍ଟା’ର ଟପ୍ ସ୍ପିଡ୍ ପ୍ରଦାନ କରୁଛି ଓ କେବଳ ୪.୩ ସେକେଣ୍ଡରେ ୦ରୁ ୪୦ ବେଗରେ ଗତି କରିପାରୁଛି। ଏହା ଇକୋ ମୋଡ୍ରେ ୧୦୦ କି.ମି.ର ଏକ ଆଇଡିସି ରେଞ୍ଜ ସହ ଆସୁଛି। ସେହିଭଳି ନୂଆ ଏସ୍୧ ଏୟାର ଏକ ୨ ଟୋନ୍ ବଡି କଲର ସ୍କିମ୍ ସହ ଏକ ରିଫ୍ରେଶିଂ ଡିଜାଇନ୍ ଟ୍ବିଷ୍ଟ୍ ହାସଲ କରିଛି। ଅପରପକ୍ଷରେ ଏହି ମଡେଲ ୫ଟି ରଙ୍ଗରେ ଉପଲବ୍ଧ ହେଉଛି। ଓଲା ଏସ୍୧ ଏୟାର ପାଇଁ ପର୍ଚେଜ୍ ୱିଣ୍ଡୋ ଫେବୃୟାରୀ ୨୦୨୩ ପର୍ଯ୍ୟନ୍ତ ଖୋଲା ରହିବ ଏବଂ ଆସନ୍ତା ବର୍ଷ ଏପ୍ରିଲ ପହିଲାରୁ ଡେଲିଭରି ଆରମ୍ଭ ହେବ। ଏ ସମ୍ପର୍କରେ ଓଲାର ପ୍ରତିଷ୍ଠାତା ଓ ସିଇଓ ଭାବିଶ ଅଗ୍ରୱାଲ କହିଛନ୍ତି, ଓଲା ଏସ୍୧ ଏୟାରର ଶୁଭାରମ୍ଭ ସହ ଆମେ ବହୁ ଖୁସି ଅଛୁ। ସେହିଭଳି ଏହାକୁ ଏକ ନୂଆ ମୁଭ୍ଓଏସ୍ ଫିଚରଗୁଡିକ ସହ ଦୈନନ୍ଦିନ ସ୍କୁଟରକୁ କେବଳ ଫଙ୍କ୍ସନାଲ ହେବାଠାରୁ ଏକ ବିଳାସପୂର୍ଣ୍ଣ ଓ ଟେକ୍ନୋଲୋଜି ଦୃଷ୍ଟିରୁ ଅତ୍ୟାଧୁନିକ ଉପତ୍ାଦରେ ରୂପାନ୍ତର କରିଛୁ। ଭାରତର ସମସ୍ତ ୨ଚକିଆ ଯାନକୁ ୨୦୨୫ ସୁଦ୍ଧା ଇଲେକ୍ଟ୍ରିକ୍ କରିବା ସୁନିଶ୍ଚିତ ନେଇ ଆମର ଲକ୍ଷ୍ୟ ଠିକ୍ ଦିଗରେ ଆଗକୁ ବଢୁଛି।
