ଆସୁଛି ରାଖୀ ପୂର୍ଣ୍ଣିମା। ଭାଇଭଉଣୀଙ୍କ ପବିତ୍ର ପ୍ରେମର ପ୍ରତୀକ ହେଉଛି ଏହି ପର୍ବ। ହିନ୍ଦୁ ଧର୍ମରେ ରାଖୀ ପୂର୍ଣ୍ଣିମାର ବିଶେଷ ମହତ୍ୱ ରହିଛି। ଚଳିତ ବର୍ଷ ଏହା ଅଗଷ୍ଟ ୧୧ ଅର୍ଥାତ ଗୁରୁବାର ସାରା ଦେଶରେ ପାଳନ କରାଯିବ।
ରାଖୀ ପୂର୍ଣ୍ଣିମା ଦିନ ଭଉଣୀମାନେ ନିଜ ଭାଇ ହାତରେ ରାଖୀ ବାନ୍ଧି ଦୀର୍ଘ ଜୀବନର କାମନା କରିଥାନ୍ତି। ତେବେ ରାଖୀ ବାନ୍ଧିବା ସମୟରେ କିଛି ନିୟମର ପାଳନ କରିବା ଉଚିତ। ଜାଣି ରଖନ୍ତୁ:
-ରାଖୀ ବାନ୍ଧିବା ସମୟରେ ପ୍ରଥମେ ଭାଇଙ୍କ ମୁଣ୍ଡରେ ଏକ ରୁମାଲ ରଖନ୍ତୁ। କାରଣ ଖାଲି ମୁଣ୍ଡରେ ରାଖୀ ବାନ୍ଧିବା ଅନୁଚିତ।
-ଭଉଣୀ ଭାଇ ମୁଣ୍ଡରେ ଚନ୍ଦନ, କୁଙ୍କୁମ ଏବଂ ଅରୁଆ ଚାଉଳ ସହ ତିଳକ ଲଗାନ୍ତୁ। ଥାଳି ସଜାଇବା ସମୟରେ କେବେହେଲେ ଥାଳିରେ ଭଙ୍ଗା ଅରୁଆ ଚାଉଳ ରଖିବେ ନାହିଁ। କାରଣ ଏପରି କରିବା ଅଶୁଭ। – ସର୍ବଦା ରାଖୀ ବାନ୍ଧିବା ବେଳେ ତିନୋଟି ଗଣ୍ଠି ପକାନ୍ତୁ। ଏପରି କରିବା ଶୁଭ ବୋଲି କୁହାଯାଏ।
ତିନୋଟି ଗଣ୍ଠିର ମହତ୍ୱ:
ଧାର୍ମିକ ମାନ୍ୟତା ଅନୁସାରେ ରାଖୀ ବାନ୍ଧିବା ବେଳେ ତିନୋଟି ଗଣ୍ଠି ପକାଇବା ଶୁଭ। ଏହା ଭଗବାନଙ୍କ ସହ ଜଡ଼ିତ। ଅର୍ଥାତ ଭଗବାନ ବ୍ରହ୍ମା, ବିଷ୍ଣୁ ଏବଂ ମହେଶ୍ୱର। ପ୍ରତିଟି ଗଣ୍ଠି ଭଗବାନଙ୍କୁ ସମର୍ପିତ ହୋଇଥାଏ। ପ୍ରଥମଟି ଭାଇର ଦୀର୍ଘାୟୁ, ଦ୍ୱିତୀୟଟି ନିଜର ଦୀର୍ଘାୟୁ ଏବଂ ତୃତୀୟଟି ଉଭୟଙ୍କ ସମ୍ପର୍କର ଦୀର୍ଘାୟୁ ପାଇଁ ବନ୍ଧାଯାଏ।
