ନୂଆଦିଲ୍ଲୀ,୨୮।୪: ଦିଲ୍ଲୀର ଅରୁଣ ଜେଟଲି ଷ୍ଟାଡିୟମରେ ବିରାଟ କୋହଲି ଇତିହାସ ରଚିଛନ୍ତି। ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ମାତ୍ର ୧୧ ରନ କରି ‘କିଙ୍ଗ କୋହଲି’ ଆଇପିଏଲରେ ୯୦୦୦ ରନ ପୂରଣ କରିଛନ୍ତି। ସେ ଆଇପିଏଲ ଇତିହାସରେ ୯୦୦୦ ରନର ମାଇଲଖୁଣ୍ଟ ଛୁଇଁବାରେ ପ୍ରଥମ ବ୍ୟାଟସମ୍ୟାନ ହୋଇଛନ୍ତି। ଦର୍ଶକମାନେ ଠିଆ ହୋଇ ବିରାଟଙ୍କ ଏହି ଐତିହାସିକ ସଫଳତାକୁ ପ୍ରଶଂସା କରିଥିଲେ। ଆଇପିଏଲରେ ସର୍ବାଧିକ ରନ କରିବାର ରେକର୍ଡ ପୂର୍ବରୁ ବିରାଟ କୋହଲିଙ୍କ ନାଁରେ ଅଛି।
ବିରାଟ ତାଙ୍କର ୯୦୦୦ ରନ ପୂରଣ କରିବା ପାଇଁ ବହୁତ ସଂଯମତାର ସହିତ ଖେଳିଥିଲେ। ସେ ଷଷ୍ଠ ଓଭରର ଶେଷ ବଲରେ ଏହି ଯାଦୁକରୀ ସଂଖ୍ୟାରେ ପହଞ୍ଚିଥିଲେ। ଆବଶ୍ୟକ ୧୧ ରନ ସ୍କୋର କରିବା ପାଇଁ, କିଙ୍ଗ କୋହଲି ୧୨ ବଲ ଖେଳିଥିଲେ।
ଆଇପିଏଲରେ ସର୍ବାଧିକ ରନ କରିଥିବା ବ୍ୟାଟ୍ସମ୍ୟାନ
ବିରାଟ କୋହଲି – ୯,୦୧୨ରନ
ରୋହିତ ଶର୍ମା – ୭,୧୮୩ ରନ
ଶିଖର ଧାୱନ – ୬,୭୬୯ ରନ
ଡେଭିଡ ୱାର୍ନର – ୬,୫୬୫ ରନ
କେଏଲ ରାହୁଲ – ୫,୫୮୦ ରନ
ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମ୍ୟାଚ ପାଇଁ ୮୧ ବଲ ବାକି ଥାଇ ବିଜୟ ହାସଲ କରିଛି। ବଲ ବାକି ଥିବା ଦୃଷ୍ଟିରୁ, ଏହା ଆଇପିଏଲ ଇତିହାସରେ ଦ୍ୱିତୀୟ ସର୍ବବୃହତ ବିଜୟ। ଆରସିବି ଦିଲ୍ଲୀ କ୍ୟାପିଟାଲ୍ସକୁ ୯ ଉଇକେଟରେ ପରାସ୍ତ କରିଛି। ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁର ୮୧ ବଲ ବାକି ଥାଇ ମ୍ୟାଚ ଜିତିଛି। ଜୋଶ ହାଜେଲଉଡ ଏବଂ ଭୁବନେଶ୍ୱର କୁମାରଙ୍କ ଘାତକ ବୋଲିଂ ଆକ୍ରମଣର ସମ୍ମୁଖୀନ ହୋଇ, ଦିଲ୍ଲୀ କ୍ୟାପିଟାଲ୍ସ ଦଳ ମାତ୍ର ୭୫ ରନରେ ଅଲଆଉଟ ହୋଇଯାଇଥିଲା। ଜବାବରେ ଆରସିବି ମାତ୍ର ୬.୩ ଓଭରରେ ମ୍ୟାଚ ଜିତିଥିଲା। ବିରାଟ କୋହଲି ଏହି ଇନିଂସ ମଧ୍ୟରେ ଆଇପିଏଲରେ ତାଙ୍କର ୯,୦୦୦ ରନ ମଧ୍ୟ ପୂରଣ କରିଥିଲେ। ବିରାଟ ୧୫ ବଲରୁ ୨୩ ରନ କରି ଅପରାଜିତ ରହିଥିଲେ।
Dharitri – Odisha’s No.1 Odia Daily
