ନୂଆଦିଲ୍ଲୀ,୨୮।୪: IPL 2026 ରେ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ଚମତ୍କାର ୯ ଉଇକେଟ ବିଜୟ ପରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଦଳ ପ୍ଲେଅଫ ରେ ସ୍ଥାନ ପାଇବା ପାଇଁ ଏକ ଦୃଢ଼ ଦାବିଦାର ଭାବରେ ଉଭା ହୋଇଛି। ଏହି ମ୍ୟାଚରେ ମଧ୍ୟ ବିରାଟ କୋହଲିଙ୍କ ବ୍ୟାଟରୁ ଏକ ସଂକ୍ଷିପ୍ତ କିନ୍ତୁ ଭଲ ଇନିଂସ ଦେଖିବାକୁ ମିଳିଥିଲା। ଏହି ସିଜନରେ ବିରାଟ ଚମତ୍କାର ଫର୍ମରେ ଥିବା ଦେଖାଯାଇଛି। ମ୍ୟାଚ ପରେ ବିରାଟ କୋହଲି ଟିମ ହୋଟେଲରେ ପହଞ୍ଚିଲେ। ଏହି ସମୟରେ ଜଣେ କୁନି ପ୍ରଶଂସକଙ୍କ ସହିତ ଏକ ଘଟଣା ଘଟିଥିଲା, ଯାହା ଏବେ ସୋସିଆଲ ମିଡିଆରେ ଭାଇରାଲ ହେଉଛି।
ସୋସିଆଲ ମିଡିଆରେ ପ୍ରସାରିତ ଭିଡିଓରେ, ଜଣେ ବାଳକ ଟିମ ହୋଟେଲ ବାହାରେ ଏକ କ୍ରିକେଟ ବ୍ୟାଟ ଧରି ଠିଆ ହୋଇଥିବା ଦେଖାଯାଇଛି। ସେ ବାରମ୍ବାର ବିରାଟ କୋହଲିଙ୍କୁ ଅଟୋଗ୍ରାଫ ପାଇବା ଆଶାରେ ଡାକୁଉନ୍ତି। କିଛି ମୁହୂର୍ତ୍ତ ପରେ କୋହଲି ଅନ୍ୟ ଦଳର ସଦସ୍ୟମାନଙ୍କ ସହିତ ହୋଟେଲରେ ପ୍ରବେଶ କରୁଥିବା ଦେଖାଯାଇଛି, କଡା ସୁରକ୍ଷା ବଳୟ ଘେରି ରହିଛି। ପିଲାଟିର ଡାକ ସତ୍ତ୍ୱେନ୍ ବିରାଟ ଏକ ଅଟୋଗ୍ରାଫ ଦେବାକୁ ଅଟକି ନ ଥିଲେ ଏବଂ ତାଙ୍କ ବାଟରେ ପଳାଇଥିଲେ। ବିରାଟ କୋହଲି ଇୟରଫୋନ ଦେଇଥିଲେ, ହୁଏତ ଏହି କାରଣରୁ ସେ ପ୍ରଶଂସକଙ୍କ ଲକ୍ଷ୍ୟ କରି ନ ଥିଲେ।
ପ୍ରଶଂସକଙ୍କ ସହ ଫଟୋ ଉଠାଇବା ପାଇଁ ଟଙ୍କା ମାଗୁଛନ୍ତି ବୈଭବ ସୂର୍ଯ୍ୟବଂଶୀ: ଦେଖନ୍ତୁ VIDEO
ପରେ, ନିରାଶ ପିଲାଟି ରାଗି ତାଙ୍କ ବ୍ୟାଟ ଫୋପାଡ଼ି ଦେଇ ଭୋ ଭୋ ହୋଇ କାଦିଥିଲେ ଭିଡିଓରେ ପିଲାଟିର ହତାଶା ଏବଂ ଲୁହ ସ୍ପଷ୍ଟ ଭାବରେ ଦେଖାଯାଉଛି। ଏହା ଉଲ୍ଲେଖନୀୟ ଯେ ସମସ୍ତ IPL ଦଳ ସୁରକ୍ଷା ଉଲ୍ଲଂଘନକୁ ରୋକିବା ପାଇଁ ଟିମ ହୋଟେଲ ମଧ୍ୟରେ ସେମାନଙ୍କର ଖେଳାଳି ଏବଂ ସହାୟକ କର୍ମଚାରୀଙ୍କ ପାଇଁ କଡ଼ା ପ୍ରୋଟୋକଲ ପାଳନ କରନ୍ତି।
Virat Kohli Little fan broke down 😭💔
Virat kohli ignored this little fan who was waiting to get his autograph 😭
Wait for that child frustration 😭💔 pic.twitter.com/BszA4JX5NW
— Jeet (@JeetN25) April 27, 2026
Dharitri – Odisha’s No.1 Odia Daily
