ଚଣ୍ଡୀଗଡ଼,୬।୬: ଗାୟକ ସିଧୁ ମୂସେ ୱାଲାଙ୍କ ହତ୍ୟା ଘଟଣାର ଏକ ସପ୍ତାହ ପରେ ତାଙ୍କ ପରିବାର ଲୋକଙ୍କୁ କଂଗ୍ରେସ ନେତା ରାହୁଲ ଗାନ୍ଧୀ ଭେଟିବେ। ମଙ୍ଗଳବାର ରାହୁଲ ଗାନ୍ଧୀ ପଞ୍ଜାବର ମନସା ଜିଲାରେ ଅବସ୍ଥିତ ମୂସେ ୱାଲାଙ୍କ ଗାଁ ମୁସା ଗସ୍ତ କରିବାର କାର୍ଯ୍ୟକ୍ରମ ରହିଛି। ଅନ୍ୟପକ୍ଷେ ମୁସେ ୱାଲା କଂଗ୍ରେସ ଟିକଟରୁ ୨୦୨୨ ପଞ୍ଜାବ ବିଧାନସଭା ନିର୍ବାଚନରେ ମନସା ଆସନରୁ ନିର୍ବାଚନ ଲଢ଼ିଥିଲେ। ହେଲେ ଆମ୍ ଆଦମୀ ପାର୍ଟି ପ୍ରାର୍ଥୀ ବିଜୟ ସାଙ୍ଗଲାଙ୍କଠାରୁ ସେ ପରାଜିତ ହୋଇଥିଲେ।
ସୋମବାର କଂଗ୍ରେସର ବରିଷ୍ଠ ନେତା ସଚିନ ପାଇଲଟ ସିଧୁ ମୂସେ ୱାଲା ଗାଁକୁ ଯାଇ ପରିବାର ଲୋକଙ୍କୁ ଭେଟିଛନ୍ତି। କେବଳ ସଚିନ ପାଇଲଟ ନୁହନ୍ତି ମୁଖ୍ୟମନ୍ତ୍ରୀ ଭଗୱନ୍ତ ମାନଙ୍କ ସହ କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ମୁସେ ୱାଲାଙ୍କ ପରିବାର ଲୋକଙ୍କୁ ଭେଟି ସାରିଛନ୍ତି। ଅନ୍ୟପକ୍ଷେ ସିଧୁ ମୂସେ ୱାଲାଙ୍କ ପରିବାର ଲୋକେ ଘଟଣାର ଏନ୍ଆଇଏ ତଦନ୍ତ ଦାବି କରିଛନ୍ତି।
