ଜଳେଶ୍ୱର, ୨୪।୫ (ଡି.ଏନ.ଏ.) ଦୀର୍ଘବର୍ଷ ଧରି ଜଳେଶ୍ୱର ଓ ବାଲିଆପାଳ ବ୍ଳକର ଜୀବନରେଖା ଭାବେ ପରିଚିତ କପାସିଆ ରାସ୍ତା ଦୁରବସ୍ଥା ବଦଳୁ ନ ଥିବାରୁ ୨ବ୍ଲକର ବହୁ ପଞ୍ଚାୟତବାସୀ ୫ ଘଣ୍ଟା ଧରି ରାସ୍ତା ଅବରୋଧ କରିଥିଲେ। ପୂର୍ତ୍ତ ବିଭାଗ ପକ୍ଷରୁ ୨ ଦିନ ମଧ୍ୟରେ କାମ ଆରମ୍ଭ ହେବାର ପ୍ରତିଶ୍ରୁତି ମିଳିବା ପରେ ରାସ୍ତା ଅବରୋଧ ହଟିଥିଲା ା
ଥାନା ଅଞ୍ଚଳରୁ ଜଳେଶ୍ୱର ଥାନାକୁ ଯାତାୟାତ ଲାଗି ତିଆରି ହୋଇଥିଲା କପାସିଆ ରାସ୍ତା ା ଝାଡପିମ୍ପଳ ଅଞ୍ଚଳରେ ବ୍ୟାପକ କପାଚାଷ ହେଉଥିବାରୁ ଏହାର ରପ୍ତାନୀ ଲାଗି ଏହି ରାସ୍ତା ବ୍ୟବହାର ହେଉଥିବାରୁ ଏହାର ନାମ କପାସିଆ ବାଣିଜି୍ୟକ ରାସ୍ତା ରଖାଯାଇଥିଲା। ଏହି ରାସ୍ତା ଦୁର୍ଗମ ଥିବାରୁ ୨୦୧୪ରେ ତତ୍କାଳୀନ ଏମ୍ପି ଇଂ. ରବୀନ୍ଦ୍ର ଜେନା ଓ ବିଧାୟକ ଅଶ୍ୱିନୀ ପାତ୍ରଙ୍କ ପ୍ରଚେଷ୍ଟାରେ ମୋଟ ୧୫ କି.ମି. ରାସ୍ତାରୁ ପ୍ରଥମ ପର୍ଯ୍ୟାୟରେ ୫ କି.ମି. ରାସ୍ତା ଲାଗି ୫କୋଟି ବ୍ୟୟବରାଦ ହୋଇଥିଲା ା ସେହିପରି ୨୦୧୮ରେ ଅନ୍ୟ ୫ କି.ମି. ଲାଗି ୬.୫ କୋଟି ଟଙ୍କା ବ୍ୟୟ ହୋଇ ରାସ୍ତା ନିର୍ମାଣ ଶେଷ ହୋଇଛି ା ଅନ୍ୟ ୫ କି.ମି ରାସ୍ତା ଦୀର୍ଘବର୍ଷ ଧରି ଖାଲଖମାରେ ଭର୍ତ୍ତି ହୋଇଛି। ଏହାର ମରାମତି ଲାଗି ପଦକ୍ଷେପ ନିଆଯାଉନାହିଁ। ୩ବର୍ଷ ପୂର୍ବେ ରାସ୍ତାକୁ ଠିକା ନେଇଥିବା ଠିକାଦାରଙ୍କ ମୃତ୍ୟୁ ହେବା ପରେ ସେହିପରି ପଡିରହିଛି। ଜଳେଶ୍ୱରର ବର୍ତ୍ତନା, ଖୁଲୁଡା, ପଶ୍ଚିମବାର୍ଡ, ଦେବକୁମାର, ବାଇଗଣବାଡିଆ, ଝାଡପିମ୍ପଳ ଓ ବାଲିଆପାଳର ୮ଟି ପଞ୍ଚାୟତର ଲୋକେ ଏହି ରାସ୍ତାରେ ଯାତାୟାତ କରିଥାନ୍ତି ା ଡଗରା ବେଳାଭୂମିଠାରୁ ପୂର୍ବ ଓ ପଶ୍ଚିମ ମେଦିନୀପୁର ଯିବା ଲାଗି ଏହି ରାସ୍ତା ବ୍ୟବହାର ହୋଇଥାଏ ା ବାଲିଆପାଳ ଓ ସିଂଲା ଅଞ୍ଚଳରୁ ଜଳେଶ୍ୱର ଷ୍ଟେଶନକୁ ଯିବା ଲାଗି ଏହା ଏକମାତ୍ର ରାସ୍ତା ା ଏହି ରାସ୍ତାରେ ପ୍ରତ୍ୟହ ହଜାର ହଜାର ଦୁଇଚକିଆ ଓ ୪ଚକିଆ ଯାନ ଯିବା ଆସିବା କରିଥାଏ ା ପୂର୍ବ ସୂଚନା ଅନୁଯାୟୀ ସୋମବାର ସକାଳେ ଉତ୍ସବ ଚରଣ ଗାଜିଆଣି ଚଣ୍ଡି ଉଚ୍ଚ ମାଧ୍ୟମିକ ସ୍କୁଲ ଓ ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଅଞ୍ଚଳବାସୀଙ୍କ ପକ୍ଷରୁ ରାସ୍ତା ଅବରୋଧ କରାଯାଇଥିଲା। ପୂର୍ବତନ ସରପଞ୍ଚ ପଦ୍ମଲୋଚନ ବେହେରା, ପଞ୍ଚାୟତ ସମିତି ସଦସ୍ୟ ତ୍ରିଲୋଚନା ଦାସ, ବିନୋଦ ମାରାଣ୍ଡି, ସରପଞ୍ଚ ଶମ୍ଭୁନାଥ ଜେନା, ରାଧାରମଣ ଦାସ, ସୁଧୀର କୁମାର ସାମଲ, ଅଞ୍ଜନ କୁମାର ପ୍ରମାଣିକ, ବାଙ୍ଗରା ମାରାଣ୍ଡି, ଭବାନୀ ଶଙ୍କର ଜେନା, ଭୂପତି ମିର୍ଦ୍ଧା, ସମିତି ସଦସ୍ୟ ହରିଶଚନ୍ଦ୍ର ମହାଳିକ, ହେମନ୍ତ ଗିରି, ରାଜୀବଲୋଚନ ପରିଡା ପ୍ରମୁଖଙ୍କ ନେତୃତ୍ୱରେ ଆନ୍ଦୋଳନ ଚାଲିଥିଲା ା ପୂର୍ତ୍ତ ବିଭାଗର ସ୍ଥାନୀୟ ଅଧିକାରୀ ନିହାର ରଞ୍ଜନ ବେହେରା ପହଞ୍ଚି ୨ଦିନ ମଧ୍ୟରେ ୯କୋଟି ୮୭ ଲକ୍ଷ ଟଙ୍କାର ଏହି ପ୍ରକଳ୍ପ କାର୍ଯ୍ୟ ଆରମ୍ଭ ହେବାର ପ୍ରତିଶ୍ରୁତ ଦେଇଥିଲେ ା ୪କି.ମି. ୭୦୦ମିଟର ରାସ୍ତା ନବୀକରଣ ଓ ମରାମତି ହେବା ସହିତ ୪ଶହ ମିଟର ଜଳ ନିଷ୍କାସନ ରାସ୍ତା ନିର୍ମାଣ ହେବ ବୋଲି ବେହେରା ସୂଚନା ଦେବା ପରେ ରାସ୍ତା ଅବରୋଧ ହଟିଥିଲା।
