ରାଜନଗର,୧୬ା୫(ଡି.ଏନ୍.ଏ.): କେନ୍ଦ୍ରାପଡ଼ା ଜିଲା ରାଜନଗର ବ୍ଲକ ଶ୍ରୀଶ୍ରୀଜଗନ୍ନାଥ ମହାବିଦ୍ୟାଳୟର ଛାତ୍ର ସୌମ୍ୟରଞ୍ଜନ ବଳ ପାଟିରେ କଲମ ମାଧ୍ୟମରେ ଭାରତ ମାନଚିତ୍ର ଆଙ୍କି ଅଞ୍ଚଳ ପାଇଁ ଗୌରବ ଆଣିଛନ୍ତି। ମାତ୍ର ୧ ମିନିଟ୍ ୩୩ ସେକେଣ୍ଡ ମଧ୍ୟରେ ଭାରତ ମାନଚିତ୍ର ଆଙ୍କି ଇଣ୍ଡିଆ ବୁକ୍ ଅଫ୍ ରେକର୍ଡସରେ ସେ ସ୍ଥାନ ପାଇଛନ୍ତି।
ରାଜନଗର ବ୍ଲକ ସାନବଡଗୋପାଳପୁର ପଞ୍ଚାୟତ ଜଗନ୍ନାଥପୁର ଗଁାର ଭୀମସେନଙ୍କ ପୁଅ ହେଉଛନ୍ତି ସୌମ୍ୟରଞ୍ଜନ। ସେ ରାଜନଗରସ୍ଥିତ ଶ୍ରୀଶ୍ରୀଜଗନ୍ନାଥ ମହାବିଦ୍ୟାଳୟରେ ଯୁକ୍ତ ୩ ବାଣିଜ୍ୟର ଶେଷ ବର୍ଷର ଛାତ୍ର। ସେ ପାଟିରେ କଲମ ସାହାଯ୍ୟରେ ଭାରତ ମାନଚିତ୍ର ଆଙ୍କିବା ପରେ ଇଣ୍ଡିଆ ବୁକ୍ ଅଫ୍ ରେକଡର୍ସରେ ଏହାକୁ ସ୍ଥାନ ଦେବାକୁ ଏପ୍ରିଲ ୨ରେ ଅନ୍ଲାଇନରେ ଆବେଦନ କରିଥିଲେ। ଅନ୍ଲାଇନ ଆବେଦନ ପରେ ଇଣ୍ଡିଆ ବୁକ୍ ଅଫ୍ ରେକର୍ଡସ ପକ୍ଷରୁ ସୌମ୍ୟରଞ୍ଜନଙ୍କ ପାଖକୁ ଲିଙ୍କ୍ ଆସିଥିଲା। ସୌମ୍ୟରଞ୍ଜନ ମୋବାଇଲରେ ଟାଇମର ଅନ୍ କରିବା ସହ ପାଟିରେ କଲମ ଯୋଗେ ଭାରତ ମାନଚିତ୍ରକୁ ଅବିକଳ ଆଙ୍କିଥିଲେ। ସେ ଏହାର ଭିଡିଓ ସହ ସମସ୍ତ ପ୍ରମାଣପତ୍ର ଇଣ୍ଡିଆ ବୁକ୍ ଅଫ୍ ରେକଡର୍ସକୁ ପଠାଇ ଥିଲେ। ଶନିବାର ମାନପତ୍ର, ମେଡାଲ ଡାକ ଯୋଗେ ଆସି ସୌମ୍ୟରଞ୍ଜନଙ୍କ ଘରେ ପହଞ୍ଚତ୍ଛି।
