ଖୋର୍ଦ୍ଧା ଅଫିସ,୨୫।୧: ଖୋର୍ଦ୍ଧାରୁ ବିପୁଳ ପରିମାଣର ବ୍ରାଉନସୁଗାର ମଙ୍ଗଳବାର ଜବତ କରାଯାଇଛି। ରାଜ୍ୟ ଅବକାରୀ ଫ୍ଲାଇଂସ୍କ୍ବାଡ୍ କଟକ ଅଧ୍ୟୀକ୍ଷକ ଦେବାଶିଷ ପଟେଲଙ୍କ ନେତୃତ୍ୱରେ ଏକ ୧୫ ଜଣିଆ ଟିମ୍ ଏହି ଚଢ଼ାଉରେ ସାମିଲ ହୋଇଥିଲେ। ସାମନ୍ତରାପୁରର ରାଜେନ୍ଦ୍ର ପୃଷ୍ଟିଙ୍କ ଘର ଓ ପ୍ରାଣୀଧନ ଚିକିତ୍ସାଳୟ ନିକଟ ପରିବା ଦୋକାନରୁ ଅବକାରୀ ପୋଲିସ ଏହି ବ୍ରାଉନସୁଗାର ଜବତ କରିଛି। ଅବକାରୀ ବିଭାଗ ତାଙ୍କୁ ଗିରଫ ପରେ ଅଧିକ ପଚରାଉଚରା ପାଇଁ
ଖୋର୍ଦ୍ଧାସ୍ଥିତ ଅବକାରୀ କାର୍ଯ୍ୟାଳୟକୁ ନେଇଛନ୍ତି। ଏ ନେଇ ଅବକାରୀ ଅଧ୍ୟୀକ୍ଷକ ପଟେଲ କୁହନ୍ତି, ଅବକାରୀ କମିଶନର ଆଶିଷ ସିଂଙ୍କ ନିର୍ଦ୍ଦେଶ କ୍ରମେ ଖୋର୍ଦ୍ଧା ସାମନ୍ତରାପୁରସ୍ଥିତ ରାଜେନ୍ଦ୍ରଙ୍କ ଘରେ ଚଢ଼ାଉ କରାଯାଇଥିଲା। ପରେ ତାଙ୍କୁ ଧରି ପ୍ରାଣୀଧନ ଚିକିତ୍ସାଳୟ ନିକଟ ତାଙ୍କ ପରିବା ଦୋକାନରେ ଚଢ଼ାଉ କରାଯାଇ ବିପୁଳ ପରିମାଣର ବ୍ରାଉନସୁଗାର ଜବତ କରାଯାଇଛି। ଏହି ବ୍ରାଉନସୁଗାର କୋଲକାତାରୁ ବାଲେଶ୍ବର ଜଳେଶ୍ବର ଦେଇ ଖୋର୍ଦ୍ଧା ଆସିଥିଲା। ଏଠାରୁ ବିଭିନ୍ନ ସ୍ଥାନକୁ ସପ୍ଲାଏ କରାଯାଉଛି। ହେଲେ ଖୋର୍ଦ୍ଧାକୁ ନିଶାମୁକ୍ତ ପାଇଁ ଅଭିଯାନ ଜାରି ରହିବ।
