ପରଜଙ୍ଗ୧୪/୧୧(ନିଗମାନନ୍ଦ ଦଳବେହେରା): ଢେଙ୍କାନାଳ ଜିଲା ପରଜଙ୍ଗ ବ୍ଲକ କାମାକ୍ଷାନଗର ଥାନା ମୁକ୍ତାପଶି ଗାଁ ସତସଙ୍ଗ ଘର ପାଖ ପୋଖରୀରୁ ମିଳିଲା ଯୁବକଙ୍କ ସନ୍ଦେହଜନକ ମୃତଦେହ। ତାଙ୍କୁ ହତ୍ୟା କରି କେହି ପୋଖରୀରେ ପକେଇ ଦେଇଥିବା ପରିବାର ଲୋକେ ଅଭିଯୋଗ କରିଛନ୍ତି। ମୃତ ଯୁବକ ଜଣଙ୍କ ପରଜଙ୍ଗ ଥାନା ସାଆନ୍ଦା ଗାଁର ରାଜେଶ କୁମାର ପାଣି। ରାଜେଶ ମୁକ୍ତାପଶି ଗାଁରେ ଏକ ନିର୍ବନ୍ଧ ପାଇଁ ଭିଡିଓ ସୁଟିଙ୍ଗ ଥିବା ନେଇ ଗତକାଲି ଘରୁ ବାହାରିଥିଲେ। ତେବେ ସବୁଠାରୁ ବଡ଼ କଥା ହେଲା ଯେ, ସେ ଘରୁ ବାହାରିବା ବେଳେ ଏକ ହୃଦୟସ୍ପର୍ଶୀ ରିଲ୍ସ କରି କରି ମୁକ୍ତାପଶି ଗାଁକୁ ବାହାରିଥିଲେ। ମାତ୍ର ଗତ କାଲି ଅପରାହ୍ନ ୧୨ଟା ପରଠାରୁ ତାଙ୍କ ମୋବାଇଲ ସୁଇଚ ଅଫ ଆସିଥିଲା। ଏହାକୁ ନେଇ ପରିବାର ଲୋକେ ସନ୍ଧ୍ୟାରେ ମୁକ୍ତାପଶି ଗାଁରେ ବହୁ ଖୋଜାଖୋଜି କରିଥିଲେ। କିନ୍ତୁ କୌଣସି ସନ୍ଧାନ ପାଇ ନଥିଲେ। ଆଜି ତାଙ୍କ ମୃତ ଦେହ ମୁକ୍ତାପଶି ଗାଁ ସତସଙ୍ଗ ଘର ପାଖ ପୋଖରୀ ଭାସୁଥିବାର ଦେଖିବାକୁ ମିଳିଥିଲା। ଏପରିକି ପୋଖରୀ ହୁଡାରେ ବାଇକ ଏବଂ ଚପଲ ଥିବା ବେଳେ ଭିଡିଓ ସୁଟିଙ୍ଗ ପାଇଁ ଆଣିଥିବା କ୍ୟାମେରା ସେଟ ଅପର କୌଣସି ସନ୍ଧାନ ମଧ୍ୟ ମିଳିନାହିଁ। ତେବେ ତାଙ୍କୁ ଘରୁ ଡାକି କେହି ହତ୍ୟା କରିଥିବା ପରିବାର ଲୋକେ ଅଭିଯୋଗ କରିଛନ୍ତି। ଯାହାକୁ ନେଇ ଘଟଣାସ୍ଥଳରେ କାମାକ୍ଷାନଗର ପୋଲିସ ପହଞ୍ଚି ତଦନ୍ତ ଆରମ୍ଭ କରି ଦେଇଛି।
Dharitri – Odisha’s No.1 Odia Daily
