କେସିଙ୍ଗା,୯ା୧୧(ତୁମେଶ୍ୱର ସାହୁ): ଦିଲ୍ଲୀରୁ ୧୨ ଜଣିଆ ପ୍ରଶାସନିକ ଅଧିକାରୀଙ୍କୁ କେସିଙ୍ଗା ରେଲୱେ ଷ୍ଟେସନରେ କଳାହାଣ୍ଡି ଜିଲା ପ୍ରଶାସନ ପକ୍ଷରୁ ପୁଷ୍ପଗୁଚ୍ଛ ଦେଇ ସ୍ବାଗତ କରାଯାଇଥିଲା। ସେହି ୧୨ ଜଣିଆ ଅଧିକାରୀ ହେଲେ ଉମେଶ କୁମାର ମିନା, ଛାୟା କୁମାରୀ, ଅକ୍ଷତ ମଣ୍ଡି ୱାଲା, ନେହା କର୍ , ଷେୟାସ ରାଓ ଜି, ଗୁରକନ ଓ୍ବାଲା ସିଂ, ଜାଭେଦ ଅହମଦ ଖାନ, ରାଗିନୀ ଗୋୟଲ, ଅଭିଷେଖ ଚୌଧୂରୀ, ବିକାଶ କୁମାର ମୀନା, ସଞ୍ଜୟ ଶଶିକାନ୍ତ କୌଜଲାଗି, ଗୋ ସିକା ପି ଆରଙ୍କୁ ସ୍ବାଗତ କରାଯାଇଥିଲା। ପରେ ବ୍ଲକ କାର୍ଯ୍ୟାଳୟକୁ ନେଇ ବ୍ଲକ ପ୍ରଶାସନ ପକ୍ଷରୁ ସ୍ବାଗତ ସମ୍ବର୍ଦ୍ଧନା କରାଯାଇଥିଲା।
ଜିଲାରୁ ଆସିଥିବା ଏପିଡ଼ି ବିମ୍ବାଧର ଶବର, ଜିଲା କଲଚର ଅଫିସର ବିବେକ ମହାନନ୍ଦ, କେସିଙ୍ଗା ବି ଜନ୍ମେଜୟ ସ୍ବାଇଁ, କନିଷ୍ଠ ଯନ୍ତ୍ରୀ ଜଳେଶ୍ୱର ନାଏକ, ଯୋଗେଶ୍ୱରୀ ଭୋଇ, ସ୍ଥିତି ପ୍ରଜ୍ଞା ମୋଲା, ଯୋଗେଶ୍ୱରୀ ଭୋଇ, ତ୍ରିଲୋଚନ ବେହେରା ପ୍ରମୁଖ ସମସ୍ତ ବ୍ଲକ କର୍ମଚାରୀ ଏହି କାର୍ଯ୍ୟକ୍ରମରେ ସହଯୋଗ କରିଥିଲେ। ଜିଲାର ବିଭିନ୍ନ ବ୍ଲକ ଓ ଗ୍ରାମ ପଞ୍ଚାୟତର ସୂଚନା ପତ୍ର ଏପିଡ଼ି ପ୍ରଦାନ କରିଥିଲେ। ୧୨ ଜଣିଆ ଭାରତୀୟ ପ୍ରଶାସନିକ ସେବା ଅଧିକାରୀଙ୍କୁ ଜଳପାନ ବ୍ୟବସ୍ଥା କରାଯାଇଥିଲା। ପରେ ସେମାନେ ଭବାନୀପାଟଣା ଅଭିମୁଖେ ଯାଇଥିଲେ। ସେଠାରେ ଅଧିକାରୀମାନେ ୬ ଦିନ ରହି ଜିଲାର ବିଭିନ୍ନ ବ୍ଲକ, ଗ୍ରାମ ପଞ୍ଚାୟତକୁ କ୍ଷେତ୍ର ପରିଦର୍ଶନ କରିବାର କାର୍ଯ୍ୟକ୍ରମ ରହିଥିବା ଜିଲା କଲଚର ଅଫିସର ବିବେକ ମହାନନ୍ଦ ସୂଚନା ଦେଇଥିଲେ।
Dharitri – Odisha’s No.1 Odia Daily
