ପଦ୍ମପୁର,୨୨ା୪(ପ୍ରଦୀପ୍ତ ଦାଶ):ବରଗଡ଼ ଜିଲା ପଦ୍ମପୁର ସହରବାସୀଙ୍କୁ ପାନୀୟ ଜଳ ଯୋଗାଣର ସୁଧାର ଆଣିବା ଲକ୍ଷ୍ୟରେ ଅଙ୍ଗନଦୀର ଦର୍ବେ କେଲାଠାରେ ନିର୍ମାଣ ହୋଇଥିବା ବ୍ୟାରେଜ ବିଫଳ ହୋଇଛି। ଏବେ ଏହି ପ୍ରକଳ୍ପ ଶୁଖିଲା ଅବସ୍ଥାରେ ପଡ଼ିଛି। ଅପରପକ୍ଷରେ ଅଙ୍ଗନଦୀରେ ଥିବା ନାଗେନ ଦର୍ହାର ଇନ୍ ଟେକ୍ ୱେଲେ ଶୁଖିଲା ପଡ଼ିଛି। ସହରକୁ ନଦୀ ଜଳ ଯୋଗାଣ ସମ୍ପୂର୍ଣ୍ଣ ବ୍ୟାହତ ହୋଇଥିବା ଅଭିଯୋଗ ହେଉଛି। ବର୍ତ୍ତମାନ ପଦ୍ମପୁର ସହରର ଜନସଂଖ୍ୟା ପ୍ରାୟ ୩୦ ହଜାରରେ ପହଞ୍ଚି ଥିବାବେଳେ ସେହି ଅନୁସାରେ ଅଙ୍ଗନଦୀର ନାଗେନ ଦର୍ହାରୁ ୨.୨ନିୟୁତ ଲିଟର, ସହରର ବିଭିନ୍ନ ସ୍ଥାନରେ ଥିବା ୨୨ଗୋଟି ଗଭୀର ନଳକୂପରୁ ୧.୬ନିୟୁତ ଲିଟର ସହରକୁ ଯୋଗାଇ ଦିଆଯାଇଥାଏ ବୋଲି ଜନସ୍ବାସ୍ଥ ବିଭାଗର ସହକାରୀ ଯନ୍ତ୍ରୀ ବବିତା ବିଶ୍ୱାସ ରାୟ ସୂଚନା ଦେଇଛନ୍ତି। କିନ୍ତୁ ବର୍ତ୍ତମାନ ଅଙ୍ଗନଦୀର ଜଳଧାର ଶୁଖିଯାଇଛି। ସେହିପରି ନାଗେନ ଦର୍ହା ଇନ୍ ଟେକ୍ କୂଅରେ ମଧ୍ୟ ପାଣି ନ ଥିବାରୁ ପଦ୍ମପୁର ସହରର ଅଧିକାଂଶ ଅଞ୍ଚଳକୁ ଜଳ ଯୋଗାଣ ବ୍ୟାହତ ହୋଇଛି।
Dharitri – Odisha’s No.1 Odia Daily
